الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

[fourseasons]

المشاركة الأصلية كتبت بواسطة Elsebily بص والله العظيم انا يمكن من اكتر الناس اللي تاعبنين في الموضوع ده بس انسي بجد متتعبش نفسك وتضيع وقتك عالفاضي والله خساره فيهم الكلام وعامة الموضوع مبقاش فكرة شفيق ولا مرسي فكرة اني الكل اضحك عليه وامبارح مساعدين الوزير خدوا براءه والنهارده ظباط كرداسه وامبابه خدو براءه يعني مبقاش فكرة شفيق ولا منصور ثم انا هقولكم كلمه قلهالي واحد من قوات المسلحه وبصراحه الكلمه دي عجبتني جدا ومقتنع بيها لابعد الحدود قالي اني الثوره دي منجحتش من البدايه اصلا ومفيش ثوره لاني الجيش مسقطش والمؤسسه العسكريه هتفضل موجوده ايا كان الكلام ده طبعا هيزعل الناس اللي واخده مقلب في الجيش بتاعها ومحدش يقولي الجيش ده ابني وابنك واخويا واخوك والجو ده لاني مش طايق الكلام ده وعامة كل اللي عاوز اقوله اني ناس كتير قوي قوي قوي في البلد دي كيفت نفسها علي نظام العبوديه ومرتاحه كده واللي عاوز يدور علي شوية كرامه والجو ده يسافر علي اي بلد بره ويريح دماغه لاني بجد انا تقريبا مقاطع نص عيلتي بسبب موضوع شفيق ده فسيبو الناس كده كده هما مش هيغيروا فكرهم

جيش ايه ال يسقط يا عم؟!؟!!!!! ده حيبقى حلم اسرائيل اتحقق و تخش مصر عشان تعمل دولتها"من النيل للفرات" و محدش يقولى انت بتهجس و بتحلم و الكلام الفكسان ده....اه و متنساش لما اسرائيل تدخل مصر تبقى تعملهم مليونية"هش هش يا ديك الفرخة ديه مش ليك" و ابقى روح اعمل اعتصام قدام الكنيست.....وشوق ساعتها اسرائيل حتعمل ايه..................باين ان فى ناس مش مقدرة حجم الأطماع ال حوالين مصر ولا المخاطر ولا كأنهم عايشين فى مية البطيخ

[man2731212]

المشاركة الأصلية كتبت بواسطة tham1010 شفيق غير منتمى لاى حزب فهو مستقل واقف بطوله. وأنا متأكد أنه لن يقوم بإنشاء حزب ليكون له رئيسا أو حتى عضوا فيه. وأنا متأكد كذلك أنه ذكى كفاية أنه مش يستعين بأى من اعضاء الحزب الوطنى لانه مش عاوز قلق. أما مرسى فهو جاى لنا وهو فعلا رئيس حزب. هتقول لى هيستقيل، هقول لك وهل هيستقيل من جماعة الأخوان. تغير الجلد أرحم عند الأخوانى من ترك الإخوان أو الخروج عليهم. أنت شفت بنفسك أبو الفتوح الذى ترك الأخوان ما زال يحمل أفكارهم وتواجهاتهم وإن كان بشكل متفتح أكثر وهذا ما كان يعجبنى فيه وكنت أتمنى أن تكون الإعادة بين حمدين و أبو الفتوح. كانت ستكون مبارة القرن. وهذه واحدة والثانية :: إن شفيق رجل بيهتم بنفسه وسمعته وتاريخه ( متفاخر بنفسه جدا وبإمكانياته) ومثل هذا الرجل لا يضحى بتاريخه وسمعته من أجل أخر علشان كدة هو مش يعرف أبوه فى الشغل. لكن مرسى دائما هتكون فكرة أخوانى وغير إخوانى مسيطرة عليه. وفكرة تأمين الأخوان من غدر الزمان شئ يسعى إليه. هقول لك حاجة تضحك عليها. فى الشغل عندى مش كان فى غير واحد فقط منتمى للإخوان بالقلب ولم يكن مطلق للحيته. والأن بعد دخول الأخوان للبرلمان زاد هذا العدد إلى ما يقرب من 5. وأخر واحد منهم جاء بلحيتة بعد إجازة فأخد البعض يمازحه إنه ماشى مع اللى يكسبة وكده يعنى. فرد ضاحكا " لا ده أنا أخوانى من زمان بس كنت مخبى علشان الظروف". الكل سيريد الإنتماء لهذه الجماعة والدخول تحت عباءتها وأنا أن متأكد ان سواء الأخوان او الحرية والعدالة هيرحبوا بكل منضم جديد لان هذا يعنى فى الإنتخابات القادمة لن يحملوا الهم أن يخرج واحد مثل حمدين صباحى أو ابو الفتوح ليقلب لهم حسابتهم الإنتخابية فأرجلهم ستكون مثبته فى الأرض وأعدادهم تتضاعف وستجد الثوار والليبرالين هم الأقلية. وإن غدا لناظريه قريب. يجب أن يكون هناك توازن قوى يا أخى ليس كل شئ فى يد الأخوان بدلامن أن نقول جميعا " فيك الخصام وانت الخصم والحكم".

: 260309~352:

المشاركة الأصلية كتبت بواسطة fourseasons هما اهل الخير بعد ما طلعوا مرسى من السجن يوم 28 يناير ازاى خلوه يتصل بقناة الجزيره و الاتصالات كانت مقطوعه ؟؟

[Elsebily]

المشاركة الأصلية كتبت بواسطة fourseasons جيش ايه ال يسقط يا عم؟!؟!!!!! ده حيبقى حلم اسرائيل اتحقق و تخش مصر عشان تعمل دولتها"من النيل للفرات" و محدش يقولى انت بتهجس و بتحلم و الكلام الفكسان ده....اه و متنساش لما اسرائيل تدخل مصر تبقى تعملهم مليونية"هش هش يا ديك الفرخة ديه مش ليك" و ابقى روح اعمل اعتصام قدام الكنيست.....وشوق ساعتها اسرائيل حتعمل ايه..................باين ان فى ناس مش مقدرة حجم الأطماع ال حوالين مصر ولا المخاطر ولا كأنهم عايشين فى مية البطيخ

هقولك ايه ما انت لو كان حد من ولادك جراله حاجه ولا حد من اخواتك ولقيت اللي قتلوه عايشين منعمين كنت هتبقي نفسك تهد الدنيا وتجيب حقه بس هقول ايه هتفضلو طول عمركو بتفكرو كده وبالنسبه للاطماع والجو اللي انت عايش فيه ده احب اقولك اني السلاح بتاعك اصلا كله بقايا سلاح امريكي يعني من الاخر عارفين عنك الصغيره قبل الكبيره ياعم ده انت مش عارف تعمل مصانع تنقية ذهب باوامر منهم مش هقولك مصانع سلاح انت ليه محسسني انك دوله مالكة قرارها ياعم روح شوف بتوع التمويل الاجنبي اللي خرجو بمجرد امر من بره وسلملي علي القضاء وسيادة الدوله طبعا الكلام ده مش هيعجب حد فيكو لانكو فعلا انتو اللي بتحبو تعيشو في مية البطيخ ياعم ده الناس بقت تصنع تقنيات لحرب من الستالايت واحنا اول عربية جيش نزلت في الثوره عطلت ارحموني بقي من الشعارات دي وفكرو بموضوع هتوصلونا لفين تاني اكتر من اللي وصلنا ليه وبالنسبه لموضوع الاحتلال والجو ده احب اقولك الاحتلال الاقتصادي اصعب مليون مره من الاحتلال العسكري يكفي انهم بيخلوك تنفذ اوامرهم من غير ما قطرة دم واحده تنزل من جندي منهم وبعدين احتلال ايه الكلمه دي قدمت جدا علي فكره ده حتي العسكر بطلو يستخدموها كاداه لتخويف الناس عامة انا مبقنعش حد بحاجه واللي ممقتنع بحاجه يعملها ان شالله يارب تعيشو تحت حكم العسكر طول عمركم انا مالي

[fourseasons]

انا بكلمك عن اسرائيل وارض الميعاد بالنسبة لهم مش الأحتلال الأقتصادى و الكلام الكبير ال انت عمال تقولوه ده.دول لو فى ذرة امل انهم يخشو مصر مش حيتوانوا عنها.ياريت نفهم بقى قبل متلاقى نفسك كده زى غزةولا الضفة الغربية.وبعدين موضوع التمويل الأجنبى ده اكيد ليه جوانب كتير احنا منعرفهاش ,وربنا يهدى