ساعدونى فى المطلع ...

[0o_MAGIC_o0]

السلام عليكم و رحمه الله وبركاته

يا جماعه انا مبتديء جديد معاكم فى القياده و فى الدخول لعالم السيارات ككل

أنا رحت أتعلم قياده من اسبوع تقريبا و النهارده كانت الحصه الخامسه

و الحمد لله مستوايا كويس فى السواقه وفقا لكلام المدربين

المهم موضوع الدرس كان الطلوع على مطلع و الركن ...

بس للاسف موضوع الطلوع ده حسسنى ان مستوايا اى كلام فى السواقه مع انى كنت واخد ثقه من الحصص الى فاتت

طبعا انا باستخدم دبرياج و فرامل او (هاند) و بنزين ... يا ريت تقولولى ايه احسن طريقه ممكن امشى عليها

و تساعدنى فى طلوع المطالع ... خصوصا ان طريق بيتى لازمله مطلع

اسف للاطاله و جزاكم الله خيرا

[fire storm]

انا اعتقد ان المشكله عندك لما تبقى واقف على مطلع و تيجى تمشى بالعربيه اسهل حل انك ترفع الهاند وتجيب الاولانى وتطلع بالعربيه عادى خالص كانك على طريق مستقيم اول ماتلاقى العربيه بتشب كده والهاند مسكاها نزل الهاند هتلقيها طلعت معاك و بعد كده بالتعود هتعملها من غير هاند خالص و متقلقش تقريبا كلنا و احنا بنتعلم قبلتنا مشكله المطالع ديه بس هتيجى بالتعود و بكتر السواقه

[suzuki maruti]

المشاركة الأصلية كتبت بواسطة 0o_MAGIC_o0 السلام عليكم و رحمه الله وبركاته يا جماعه انا مبتديء جديد معاكم فى القياده و فى الدخول لعالم السيارات ككل أنا رحت أتعلم قياده من اسبوع تقريبا و النهارده كانت الحصه الخامسه و الحمد لله مستوايا كويس فى السواقه وفقا لكلام المدربين المهم موضوع الدرس كان الطلوع على مطلع و الركن ... بس للاسف موضوع الطلوع ده حسسنى ان مستوايا اى كلام فى السواقه مع انى كنت واخد ثقه من الحصص الى فاتت طبعا انا باستخدم دبرياج و فرامل او (هاند) و بنزين ... يا ريت تقولولى ايه احسن طريقه ممكن امشى عليها و تساعدنى فى طلوع المطالع ... خصوصا ان طريق بيتى لازمله مطلع اسف للاطاله و جزاكم الله خيرا

عادي جدآ
لو اضطريت للوقوف علي المطلع تخلي رجلك علي الدبرياج وتدوس فرامل
ولما تيجي تتحرك تخلي رجلك علي الدبرياج وتشيل رجلك التانية من علي الفرامل وتتطلع
ودة لو الوقوف علي الكوبر او المطلع مش كتير يعني اقل من دقيقة

اما لو اكتر من دقيقة يبقة تمور العربية يعني تجيبها علي المور وترفع الهاند بريك وتنتظر لحد لما
الاشارة تفتح وتدوس دبرياج وتخلي رجلك علي الفرامل بردو وتجيب الاول وبعدين تدوس بنزين وتطلع
طبعآ متنساش الهاند بريك مرفوع وانتا ماشي غلط لازم تتاكد انك نزلت والا هيبوظ منك

[ahmed_elmagree]

عادى جدا انا بواجه بردوا مشكلة فى الموضوع ده بس بقيت بدوس بنزين جامد واشيل دبرياج برحة عشان يدينى عزم قوى (اعتقد ان اللى بعمله صح )

[0o_MAGIC_o0]

المشاركة الأصلية كتبت بواسطة fire storm انا اعتقد ان المشكله عندك لما تبقى واقف على مطلع و تيجى تمشى بالعربيه اسهل حل انك ترفع الهاند وتجيب الاولانى وتطلع بالعربيه عادى خالص كانك على طريق مستقيم اول ماتلاقى العربيه بتشب كده والهاند مسكاها نزل الهاند هتلقيها طلعت معاك و بعد كده بالتعود هتعملها من غير هاند خالص و متقلقش تقريبا كلنا و احنا بنتعلم قبلتنا مشكله المطالع ديه بس هتيجى بالتعود و بكتر السواقه

ربنا يطمنك يا اخى دانا كنت هعزل من بيتى ده .... ^_^
أنا فعلا هحاول اشتغل بالهاند الاول و بعدين شويه بشويه اقدر اتحكم فى الفرامل
شكرا على النصيحه

المشاركة الأصلية كتبت بواسطة suzuki maruti عادي جدآ لو اضطريت للوقوف علي المطلع تخلي رجلك علي الدبرياج وتدوس فرامل ولما تيجي تتحرك تخلي رجلك علي الدبرياج وتشيل رجلك التانية من علي الفرامل وتتطلع ودة لو الوقوف علي الكوبر او المطلع مش كتير يعني اقل من دقيقة اما لو اكتر من دقيقة يبقة تمور العربية يعني تجيبها علي المور وترفع الهاند بريك وتنتظر لحد لما الاشارة تفتح وتدوس دبرياج وتخلي رجلك علي الفرامل بردو وتجيب الاول وبعدين تدوس بنزين وتطلع طبعآ متنساش الهاند بريك مرفوع وانتا ماشي غلط لازم تتاكد انك نزلت والا هيبوظ منك

شكرا على المعومات القيمه Darkorchid خصوصا بالنسبه لمده الوقوف و وضع المور ...

المشاركة الأصلية كتبت بواسطة ahmed_elmagree عادى جدا انا بواجه بردوا مشكلة فى الموضوع ده بس بقيت بدوس بنزين جامد واشيل دبرياج برحة عشان يدينى عزم قوى (اعتقد ان اللى بعمله صح )

كلامك فعلا يا ahmed سليم حتى تلاحظها و انت قاعد جنب السواق انه بيشد بنزين جامد علشان يدي عزم للعربيه

: 010104~171: