لو زوجتك او اختك او بنتك طلبت الخروج فى مظاهرات اليومين دول

[walidelmorsi]

الموضوع دة جميل جدا ولكن يا مدام سلوى احب ان اقول لحضرتك ان السؤال صعب الرد علية بهذة السهولة ما بين نعم او لا مع احترامى الشديد لحضرتك وذلك لأن الحكاية لها ابعاد كثيرة وملخصها ان النظام السابق قد خلف من وراؤة تفتيت كبير لطبقات المجتمع فلن نجد التقسيم المعتاد لآى مجتمع ما بين الطبقة العليا والوسطى والدنيا ولكن للأسف اختلط الحابل بالنابل والمقياس ليس المادة وانما المستوى الفكرى والتعليمى هو الفارق فهل يوجد الآن من هم بالمستوى الفكرى او العلمى الذى يمكن ان يعتمد علية فى رقى هذا البلد الا قليل القليل اذا يوجد لدينا الان عقول فارغة وطاقة غاشمة يمكن توجيهها فى اى اتجاة بدون صعوبة وبالتالى تنقل هذة التوجيهات الى من بعدها والمقصود الاهل والاقارب والاصدقاء وتتكون بذلك شبكة عنكبوتية تستخدم فى اى اتجاة دون اى صعوبة لمن يستخدمها وهذا ما نراة الان شباب خاوى العقل يوجة لآى غرض .
وهذا اشبة بأقطاب المغناطيس تتنافر موجاباتة وسالبياتة فيجب ان تعدل احدى الاطراف لكى يحدث الانجذاب وهذا الدور لن يقوم بة الا عقلاء الوطن ومفكريه الذين ليس لديهم اى مصلحة شخصية وانما مصلحتهم هو هذا الوطن وشعبه .
ففى ظل هذا كلة ماذا يفعل اب مع بنتة او اخ مع اختة وكيان الاسرة نفسة مفكك هل يضربها او يسحلها هو فتكون النتيجة واحدة .
هذة هى وجهة نظرى ان المعادلة معطياتها خاطئة فبالتالى سوف تكون النتيجة خاطئة لذلك يجب ترتيب الاوراق وتعديل الاخطاء لتستقيم الامور بأذن الله .

[walidelmorsi]

معلش دخلت جامد فى الموضوع معرفش انها رحلة للحموات انا اسف بالمناسبة هو الأشتراك كام .

[احمد بدر1978]

المشاركة الأصلية كتبت بواسطة walidelmorsi معلش دخلت جامد فى الموضوع معرفش انها رحلة للحموات انا اسف بالمناسبة هو الأشتراك كام .

الاشتراك مجانى بس تدعى دعوتين من قلبك يمكن ربنا يستجيب

[walidelmorsi]

ياااااااااااااااااااااااا اااااا رب

[تامر ديزل]

لو واحده منهم قالتلي عاوزه انزل المظاهرات هقولها خليكي انتي وانا نازل بنفسي اجيب حقي وحقك ... ده لو انا مقتنع اساسا بان التظاهر مطلوب اليومين دول
انا مستغرب من الناس اللي بتبقى قاعده على النت وسايبين البنات دي تنزل الشوارع ولما حد مننا ينتقد نزول البنات يطلعولنا يقولوا دول اشرف واطهر منكم (بأمارة البيات في الخيام ).. ماشي طب ماتسيب النت وتنزل انت مكانها وتقولها ارجعي انتي بيتك انا موجود هنا مكانك
واللي يقولك دي نازله تجيب حقي وحقك .. طيب ماتنزل انت طالما انك مقتنع بدل ماتسيب البنات تنزل
بيفكروني بفيلم دعاء الكروان لما شنبات القبيله بعتوا فاتن حمامه علشان تجيب حق القبيله من الباشمهندس عماد حمدي وانتوا عارفين الباقي بقى