شهادة تأدية الخدمة العسكرية للمرحوم خالد سعيد

[MIDO-SPICY]

المشاركة الأصلية كتبت بواسطة memo_virus ا ثانيا سبب نجاح الثوره هوا اولا نجاح من عند ربنا ثم الي اخونا خالد سعيد

ممكن اسالك سؤال واحد
لو كنت حضرتك نزلت من بيتكوا علشان تشارك فى الثوره
او حتى كنت من المتابعين لها عن طريق خطوات الاعلام وانت متحمس لها

فهل نزولك من بيتكم ولا حتى حماسك وانت بتتفرج على التليفزيون كان بسبب خالد سعيد ؟؟؟؟

انا اسف

واسف كمان انى اقول ان لو اخويا كان بيتعاطى الحاجات دى فانا لا يشرفنى انى اقول عليه انه اخويا

[MIDO-SPICY]

المشاركة الأصلية كتبت بواسطة mf86 قلت في مشاركة سابقه وفي موضوع الاخ احمد سبايسي ان الذي استفزني هو مظاهرة 6 ابريل وكلنا خالد سعيد امام وزارة الداخلية ووضع صورة هذا الشخص علي شعار وزارة الدخلية ...

ايوه يا خويا
لما لقيتهم كلهم عليك بدأت تتلكك اهو بتقول ان انا مفجر الثوره اللى انت عاملهالى فى المنتدى دى

تصدق بقى انا كده هفرض عليك حظر التجول
:smileW 4:

ماتخافش يا معلم انا معاك
: CONGRA~238:

[MIDO-SPICY]

المشاركة الأصلية كتبت بواسطة corsair تاريخ وزارة الداخلية كله مساؤ من ايام صلاح نصر في عهد جمال عبد الناصر وختاما بحبيب الزفت ماشى يا احمد انا معاك وباصم بالعشره على كل اللى انت بتقوله بس المفروض ان الشعب عمل الثوره علشان البلد تنضف من الامثال اللى انت قلتها دى وفى خلال شهر ونص اتضشالت حكومات واتحطط حكومات لغايه ما الشعب كله هتف للحكومه اللى موجوده دلوقتى نقوم بعد ما نضفنا الوزاره من اللى كان فيها نعمل فيها كده طيب مادام هما رجاله قوى كده ماعملوش الحركه دى ليه قبل 25 يناير ؟؟ طب هسئلك سؤال مين اللي وصل خالد لكدا احمد يا ممدوح ... هو بتشرب بانجو ولا حتى سجاير وبما انى عارف الاجابه كويس اسمحلى ادخل فى السؤال التانى علطول هو انت سعيد قوى فى حياتك وماقبلكش فيها مشاكل واحباطات من مخلفات اللى عمله فينا النظام السابق ؟؟؟ وبما انى برضه عارف اجابه السؤال اللى لو سالته للـ 80 مليون هتكون الاجابه واحده فاسمحلى بقى بالسؤال التالت واللى هسيبك ترد عليه ماعملتش زيه ليه وبقيت بتشرب بانجو ولو كنت دخلت الجيش ( وطبعا انا اكتر واحد عارف انت مدخلتش الجيش ليه ) كانت برضه شهادتك العسكريه هتبقى رديئه ارجوكم م بلاش نعلق اخطائنا على شماعة الفاسدين علي فكرة انا بقولك اهو البانجو والحشيش قبل الثورة كان بيتباع في الاقسام يعني كنت تقابل امين الشرطة جوا القسم تاخد المعلوم حلو قوى .. خلاص مادام البانجو الوحشيش كانوا بيباعوا فى الاقسام قبل الثوره يبقى كده الحكومه رفعت تجريمه والازهر ابطل تحريمه ونشربه عادى بقى ؟؟؟ يعني من الاخر يا ريت نبطل تشهير بالواد اكتر من كدا ولا انتا مش فارقة معاك الايه بتاعت اذكرو محاسن موتاكم

الرد فى الاقتباس

[alymonir]

يا جماعة هدوا نفسكوا شوية
ممكن اطاب من صاحب الموضوع و إدارة الموضوع غلقه لأنه سيصبح مثارا للجدل
لا يهمنا أن نعرف من هو مفجر ثورة 25 يناير (حتى لو كان أنا شخصيا )
و لا يهمنا أن نعرف إذا كان خالد سعيد يشرب البانجو أم لا
المهم حانعمل إيه الأيام اللي جاية , حانبني نفسنا إزاي , حانبني مصر إزاي ؟؟

[islamhelal]

يا جماعة انا عايز اعرف حاجة بسيطة هو انا لو اتكلمت على حقيقة المرحوم خالد سعيد ابقى صهيوني عميل و من فلول النظام السابق و بعشق مبارك و ببوس التراب اللي بيمشي عليه ؟؟؟؟!!!!!!

انا مثلا من اسكندرية و ساكن في منطقة بعيدة عن المنطقة اللي كان ساكن فيها المغفور له بس واحد من صحابي في الكلية (وهو ساكن قريب من المرحوم خالد) كتب مرة على الفيس ان خالد سعيد كان ديلر معروف في المنطقة عندهم و النتيجة ايه اتمسح بكرامته الأرض عشان قال كلمة حق...... في وقت مفروض ان الثورة قامت عشان كلمة الحق تظهر و هي ان مبارك و بقية عائلته حرامية كبار جدا و دمروا بلدنا و دي حاجة مفهاش جدال.

اعتقد ان اختيار خالد سعيد بلذات عشان يبقى رمز للثورة و الوقفات و الأعتصمات اللي كل يوم و الذكرى السنوية بتاعت المرحوم خالد و ممكن كمان نلاقي يوم قومي يبقى اجازة رسمية عشان المرحوم خالد !!!!! يعني اكيد ان من الظلم ان مثلا عرابي كان رمز لثورة 1881 و سعد زغلول رمز لثورة 1919 ..... اعتقد ان من الاولى ان مثلا يبقى رمز للثورة بتاعتنا واحد زي سيد بلال اللي عياله اتيتمت بدري ظلم (مع اني مش سلفي او حتى مؤيد لفكرهم) او اي شهيد من شهداء الثورة زي سالي زهران و غيرهم كتير

يا جماعة ارجوكم متخدوش الموضوع ده بحساسية كبيرة جدا لأني شايف ان النظام سقط فعلا بس اللي يختلف مع النظام الثوري الحالي يتم التنكيل بيه برده و كأن مفيش حاجة اتغيرت.....