سعدونى بجد عشان هموت من الرعب

[zeko1915]

يا جماعه انا عربتى حرامى ربنا ينتقم منوه كسر الازاز الى ورا وسرق الابتوب والشنطه بتعتوه وكان فيها رخصت العربيه ورخصت القياده كماان
فكده قلولوى مممكن يعمل حاجه برخصه ديه
او مثلا يشوف العنوان ويقول اسرقها عشان يبعها بالرخصه الى معاه ولا حاجه (بعد الشر لقدر الله لقدر الله)
ممكن حد يفدنى فى الموضوع ده عشان هموت من الرعب

[fire storm]

اول حاجه تعملها بس يا باشا تروح تعمل بلاغ ف القسم عن اللى حصل عشان تبط الرخصه اللى اتسرقت وكده كده حتحتاجه لما تيجى تطلع بدل فاقد
تانى حاجه اركن عربيتك ف حته امان و يا سلام لو كان جراج
الاهم بقى من ده كله ان الحراميه درجات يعنى اللى يكسر زجاج عربيه و يسرق لاب توب ده مش بتاع عربيات ما كانت قدامه العربيه ساعتها مسرقهاش
وهدى نفسك كده ان شاء الله خير
تقبل مرورى

[abu_ruqayyah]

لا حول ولا قوة الا بالله العلى العظيم وحسبي الله ونعم الوكيل فى الناس اللى ما بيخافوش ربنا ..

معلش يا استاذ زيكو قدر الله وماشاء فعل والحمد لله انه طلع حرامى اى كلام وبتاع كسر زجاج المهم فعلا انك تعمل بحضر باسرع وقت وتحط عربيتك فى جراج وعلى فكرة انا حصلى نفس الموضوع بس كان افظع شوية لانه دخل العربية وحاول كتير يشغلها وماعرفش زرار الفصل فين وربنا يسترها عشان فلوسها حلال واللهى ومن ساعتها وبقيت احطها فى جراج حتى لو بعيد وفى اى مشوار لازم تحت عيني والانذار شغال كمان...... وانت احتسب عند ربنا ويعوضك خير

[سامح منصور]

ربنا يعوضك خير

واعمل محضر زى ما البشوات هنا قالولك عشان تثبت حالة

[svneleven]

المشاركة الأصلية كتبت بواسطة fire storm اول حاجه تعملها بس يا باشا تروح تعمل بلاغ ف القسم عن اللى حصل عشان تبط الرخصه اللى اتسرقت وكده كده حتحتاجه لما تيجى تطلع بدل فاقد تانى حاجه اركن عربيتك ف حته امان و يا سلام لو كان جراج الاهم بقى من ده كله ان الحراميه درجات يعنى اللى يكسر زجاج عربيه و يسرق لاب توب ده مش بتاع عربيات ما كانت قدامه العربيه ساعتها مسرقهاش وهدى نفسك كده ان شاء الله خير تقبل مرورى

فعلا حضرتك عندك حق لو كان ليه في سرقة العربيات كان سرقها و ما فيش حرامي هيرجع عند حاجة سرقها قبل كده. أهم حاجة المحضر و الانذار. ربنا يسترها.