|
|||||||
| فى رحــاب شهر رمضان قسم خاص للموضوعات عن الشهر الكريم والانشطة الخيرية فى رمضان |
 |
|
|
أدوات الموضوع |
|
|||||||
| فى رحــاب شهر رمضان قسم خاص للموضوعات عن الشهر الكريم والانشطة الخيرية فى رمضان |
|
|
|
أدوات الموضوع |
|
#6
29-11-2008, 02:01 AM
|
||||
|
||||
رد: هل خطر في بالك توصل رجل مسن لا تعرفه الى وجهنه
السلام عليكم ورحمة الله وبركاته
اولا جزاك الله خيرا على الموضوع كان فيه درس للشيخ وجدى غنيم بعنوان اخلاقيات المسلم كسائق والشيخ ذكر فى الدرس حديث (بس مش فاكره نصه) استدل به على انك لو راكب سيارتك وفيه مكان فاضى ممكن تدعو احد الاشخاص ان يركب معك فى طريقك ولكن بضوابط مثلا لو السائق رجل ميدعوش امراءه أو العكس لو لقيت الشريط تانى هبعت الى قاله الشيخ فى الموضوع وحصل موقف مشابه كنت راكبه مع بابا ووقفنا نشترى حاجات ورجعت لقيت سيده وابنتها مستنين يركبوا وكان الوقت متاخر فعزمنا عليهم وركبوا فعلا واعتقد ان شاء الله فى سيارتى الخاصه هعمل كده مع الاخوات او كبار السن من النساء
__________________
  نوســــــــــــــــptmnlo 123per1105ـــــــــــــــ ه
|
|
#7
29-11-2008, 02:10 AM
|
||||
|
||||
|
رد: هل خطر في بالك توصل رجل مسن لا تعرفه الى وجهنه
انا عملتها مرة واحدة لانى بخاف فعلا و مش هتعرف تتصرف و انت سايق
المردة ديت كنت ماشى من على الدرائرى عند زهراء مدينة نصر كدة انا عارف ان فى بعض الظباط بيركبة مع الى بيقفلوهم عادى هما شاورو ل واحد كان راكب نوبيرا كان قدامى مركبوش معة لية مش عارف انا كنت متاكد لما شورولى (بس مش خوف منهم لانى طول ما انا مبعملش حاجة غلط مش مهم اى حد ) ففكرت لاقتها عادى هما عمرهم ما هيقزونى و هما كدا كدا فى طريقى فركبتهم و نزلتهم و عادى بس حد معرفوش بخاف اولا يحرجى و انا ببصلة من الشباك و بقولة اركب ثانيا يون حرامى او حرمية (ممكن) و شكرا على الوضوع دة
__________________
|
|
#8
29-11-2008, 04:28 PM
|
||||
|
||||
|
رد: هل خطر في بالك توصل رجل مسن لا تعرفه الى وجهنه
بص يا سيدى
واحد بيشاور+ لوحدة فى الطريق استحالة اقفلة لكن انا بعمل الموضوع ده (الحمد لله) فعلا من اول ما جبت العربية بس كالاتى اول مرة عملتها كنت لسه شارى العربية وكنت بتمشى بالعربية فى الشروق بليل حوالى الساعة واحدة واحدة ونص وكان شهر 2 فى عز السقعة وعند محطة اتوبيس لقيت واحد وزوجتة (منتقبة) واطقال صغييرين واقفين وشكلهم مستنين مواصلة وانا طبعا عارف ان مفيش مواصلات فى الشروق (وفى المنطقة ديه تحديدا) فى الوقت ده بصراحة انا كنت خايف جدا اعرض عليهم انى اوصلهم وخاصة ان الست منتقبة وممكن تكون راجل وعامل نفسة ست س توكلت على الله واحتسبت وروحت سألتهم سلام عليكم حضرتك مستنى تركب ايه ؟ قالى انا مستنى اتوبيس العبور قولتلة حضرتك مفيش حاجة بتروح العبور مباشرة من هنا كده ممكن تاخد حاجة نازلة موقف العاشر وتقولة ينزلك على اول العبور ومن هناك تاخد حاجة لجوه قالى مانا ركبت من موقف العاشر على انى اروح العبور والله يسامحة السواق نزلنا هنا (حاجة بالمعنى ده) فقولتلة معلش حصل خير بس حضرتك المواصلات خلصت للاسف ممكن حضرتك اطلعك برة تاخد ميروباص لموقف العاشر وتنزل على اول العبور بصراحة الكلام طمنى ليهم وحسيت ان الراجل محرج وفى موقف صعب فعلا وركبوا معايا الراجل جمبى والست والاولاد ورا وكنت قلقان منهم جدا بس فى نفس الوقت قعدت افكر فى احتمالية ان الكلام يكون صح والسواق (بعتهم) البعتة المقندلة ديه ويمكن ممعاهمش غير تمن مواصلة واحدة فجازفت وكملت معاهم لحاد العبور نفسها وسلام سلام بعد ما نزلوا بقيت مش مصدق انهم فعلا طلعوا ناس كويسين وفى قمة سعادتى ان ربنى قدرنى اعمل كده ومن بعدها مبقيتش اتحرج او اتردد فى انى اوصل حد بس بردو بالعقل يعنى مثلا : واحد وزوجتة وعيالهم فى يوم امطار جامد (زى اليومين اللى فاتو دول كانت الطرق بايظة ومفيش مواصلات فعلا) وواقفين على محطة اتوبيس ومش بيشاورا لملاكى مجموعة ناس واقفة على محطة فى وقت متأخر وانا عارف ان مفيش مواصلات ممكن زى ما حضرتك قولت راجل مسن ومش بيشاور برضو ممكن اعرض عليه ولو انت بس عملت كده على الشريحة ديه من الناس والمواقف يبقى كفاية لو بتخاف لكن عامة لكل اجل كتاب ولو انت لاقدر الله حصلك حاجة من جراء موقف زى كده نيتك فيه خالصة لله اكيد ثوابك هيكون عظيم علماً بان الاذى او الموت حولينا فعلا على الطريق فى كل لحظة فخليها على الله واعقلها وتوكل وشكرا على الاقتراح النبيل ده يا agamy
|
|
#9
30-11-2008, 01:12 PM
|
||||
|
||||
|
رد: هل خطر في بالك توصل رجل مسن لا تعرفه الى وجهنه
الحذر واجب و عمل الخير واجب
و دي قصص حقيقية: - مدرس بالجامعه و قف يوصل ام و بنتها علي الكورنيش خدروه و قتلوه و سرقوا العربيه و فضلت القضية فترة انها قضية شرف !!!!! يعني موت و خراب ديار - واحد واقف بعربيته عشان بيتكلم في المحمول و معاه أوراق و ملخوم فيهم علي الكورنيش يتقتل و يتحط في شنطة عربيته - واحد يوصل واحد غلبان في عربيته داخل الميناء لغاية البوابه - تتفتش العربيه و يلاقوا لفة مخدرات تحت الكرسي - طبعا الحرامي بشيلته و لبسها صاحب العربيه الأمان مفقود و بناءا عليه الحرص واجب الواحد دلوقتي بيخاف يمش بالعربيه الا و السنتر مقفول مبسبش العربيه و فيها حد الا وباقفل عليهم المؤمن كيس فطن، زمان وصلت ناس عدة مرات - الآن لأ و ألف لأ لازم أكون أعرفهم أو علي الأقل معايا حد تاني في العربيه أعرفه و أخليه واخد حذره عقد - حرص زائد - . . . . . العمر فرصة واحدة و التفريط فيها ربنا برضه حيحاسبنا عليه
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
#10
30-11-2008, 01:30 PM
|
||||
|
||||
|
رد: هل خطر في بالك توصل رجل مسن لا تعرفه الى وجهنه
احنا مش عاوزين نحذر الناس انها ما تعملش الخير ولكن لو حد وقفللك ليك الحق انك ما توقفش لو ارتبت فى أمره
اما من ناحية اخرى فمن الممكن انت اللى تختار الاشخاص اللى تعرض عليهم المساعدة كالعجوز المسن والمريض وذوى اعاهات والأحتياجات الخاصة واعتبرها صدقة على السيارة ربنا يحفظهالك بسبب كدة
|
|
|
|
