مشكلة فى فتيس النوبيرا الاتوماتيك

[scooter]

المشاركة الأصلية كتبت بواسطة aymanlaw السلام عليكم ورحمة الله وبركاته اولاً:لى سؤال بعد إذنك س:هل وجدت فى قربة المياة اى تغير فى لون المياة يعنى هل يطفو عليها زيت او تغير لونها بقى مائل للطحينة او حتى لم يتغير اللون ولكن المياة كأن عليها بعض البقع او فى رائحة للمياة كرائحة زيت او مواد كيميائية,برجاء التأكد لأن ده شىء مهم جداً؟؟؟؟ طيب لو الأجابة نعم ,هيكون ايه العمل!!العمل هو تغيير السربنتينة الخاصة بتبريد زيت الفتيس والى هيا موجوده فى الريداتير وهذا شىء ضرورى حتى لاينتهى الفتيس . لأن تأخر غيار الفتيس او النتشه التى تحدس وبعدها يجى الغيار ده معناه ان الفتيس قد طاله مياه مما يؤثر على الكلاتشات فى الفتيس وبلتالى يؤدى الى تلف الفتيس كله لاقدر الله. لذلك وهذا موجه لجميع من لديهم سيارات نوبيرا اوتوماتيك ان ينتبهوا إلى قربة المياه ويتابعوها جيداً لأنه بيحدث ثقوب فى سربنتينة تبريد الزيت الخاص بلفتيس وبلتالى تتسرب المياه الى الفتيس من خلال دورة الزيت الخاص بلفتيس فيحدث ان تتأكل اكلاتشات الخاصة بلفتيس والمسؤلة عن الغيارات مثل التروس فى الفتيس المانيول وعليه ينتهى الفتيس ,وهذا عيب خطير فى السيارات النوبيرا الأوتوماتيك ولكن الأهتمام بهذه الجزئية يوقيك شر حدوث هذا العطل . يبقى المطلوب هو الكشف على سربنتينة تبريد زيت الفتيس الموجوده فى الريداتير والتأكد انه لايوجد تسرب للمياه من خلالها وافضل مؤشر على انها قد حدث بها ثقب هو وجود تغير فى المياه الموجدوة فى القربة,وهو كما قلت حدوث تغير فى لون المياه غير طبيعى زى لون الطحينة لو وجود تكثف للزيت يعنى يكون هناك بقع زيتيه ودى بتكون البداية يعنى الأمر لم يتطور ولكن لو المياه بقى لونها طحينة ده معناه إن الأمر اصبح مشكلة ويجب تغيير السربنتينة...وفى كل الأحوال يجب تغيير السربنتينة....والعربية بتأخذ ثلاثة كيلو زيت فتيس ,وأهم حاجة طبعاً مراجعة هذا الزيت وتغييره فى الميعاد +الأهتمام بلعمر الأفتراضى للريداتير كاكل,هذا بلنسبة للسيارات الأوتوماتيك,والنوبيرا على وجه الخصوص....

اولا انا بشكرك جدا على ردك فى الموضوع
انا اللى حصل معايا كانت العربية زى الفل وفجاة وانا ماشى على الدائرى العربية الفتيس بتاعه عمل صوت بس كانت ماشية كويس وبتنقل عادى وفضلت ماشي بيها لحد ما زيت الفتيس دخل على الريادتير والقربة كلها كانت لونها احمر من زيت الفتيس المهم عملت السربنتينة واتعدلت وكله تمام
بس الغيار الرابع ابتدا يعض ومش بيجى على طول والفتيس رجع يعمل صوت تانى انا الصراحة زهقت واحد قالى ارفعها على جهاز روحت عند واحد فى فيصل قالى دا مالوش جهاز عشان دا هيدروليك مش كهربا وقالى متصلحوش اشترى واحد استيراد على طول ودلوقتى الغيار الرابع مش بيجى خالص انا بمشي بالعربية 60 او 70 بس ان شاء الله على اول الشهر هاجيب واحد عامل 1200 + 40 زيت تنضيف + 75 زيت موبيل 1 وربنا يسهل وهاقولك على اللى حصل

[aymanlaw]

المشاركة الأصلية كتبت بواسطة scooter اولا انا بشكرك جدا على ردك فى الموضوع انا اللى حصل معايا كانت العربية زى الفل وفجاة وانا ماشى على الدائرى العربية الفتيس بتاعه عمل صوت بس كانت ماشية كويس وبتنقل عادى وفضلت ماشي بيها لحد ما زيت الفتيس دخل على الريادتير والقربة كلها كانت لونها احمر من زيت الفتيس المهم عملت السربنتينة واتعدلت وكله تمام بس الغيار الرابع ابتدا يعض ومش بيجى على طول والفتيس رجع يعمل صوت تانى انا الصراحة زهقت واحد قالى ارفعها على جهاز روحت عند واحد فى فيصل قالى دا مالوش جهاز عشان دا هيدروليك مش كهربا وقالى متصلحوش اشترى واحد استيراد على طول ودلوقتى الغيار الرابع مش بيجى خالص انا بمشي بالعربية 60 او 70 بس ان شاء الله على اول الشهر هاجيب واحد عامل 1200 + 40 زيت تنضيف + 75 زيت موبيل 1 وربنا يسهل وهاقولك على اللى حصل

قبل ماتجيب فتيس اسأل حضرتك عن طقم الأصلاح وده هتلاقيه عند واحد فى التوفيقية اعتقد اسمه جورج مش متأكد من الأسم بلضبط ولكن هو متخصص فى الدايو ,جرب وأسأل عن طقم الأصلاح سعره كام وبعدين حل الفتيس عندك عند المتخصص الذى تثق فيه وشوف العقل الموجود فى الفتيس حالته ايه ,لو تمام وانشاء الله يكون تمام يبقى ركب طقم الأصلاح وكل شىء هيرجع زى ماكان بأذن الله وهذا فى حالة ان يكون طقم الأصلاح ومصنعيته اقل من ثمن الفتيس الأستيراد ,وكمان خى بالك ان ممكن الفتيس الى هتجيبه ميكنش تمام او متصلح يبقى الأول اتأكد زى ماقلت لحضرتك فى فرق السعر وبلزات لو عقل الفتيس حالته تمام,وبلتوفيق وبقى طمنا عليك...

[حسام البورسعيدى]

انا عاوز حضرتك الاول تتأكد من كميه الزيت اللى فى الفتيس .. وده بانك تقيس زيت الفتيس كالآتى ..

- دور العربية (وهى سخنه) وشد فرامل اليد جامد

- عشق R

- انزل من العربية وقيس زيت الفتيس ..

- يفضل ان يكون ما بين علامه COLD وHOT (او ما يشابه) ..

ولو العربية سخنه (درجه التشغيل الطبيعيه) والمقياس اقرب لل COLD زود زيت لغاية لما يوصل لـ HOT ..

ودى اخر محاوله تعملها قبل ما تفكر فى تغيير الفتيس ..

وعلى فكره فتيس النوبيرا سعره فى حدود 1000 جنية .. يعنى 1200 كتير ..

وممكن فى بورسعيد يكون اقل شويه كمان من 1000 ..

عموما لما تشترى اهم حاجة الحالة .. وحاول تاخد فتيس يكون راكب على مكنه ويتفك قدامك .. وسيبك من الفتايس اللى على الارض ..

ولما تفك .. عاين زيت اثار زيت الفتيس .. لازم تكون لونها احمر فاتح (اقرب للون الزيت الجديد) .. وكل ما يكون اللون غامق ده دليل على استهلاك الفتيس ...

[EZZ2006]

ان شاء الله ناوي اغير زيت الفتير الاتوماتيك والفلتر الخاص بزيت الفتيس
ممكن اعرف اجيب زيت ايه الافضل
وكم التكلفة بالنسبة للتركيب
ولو في حد شاطر في بورسعيد اروحلة

وشكراً جزيلا

[midogeem75]

السلام عليكم جميعا ... وإلي من يمتلك النوبيرا الاوتوماتيك.. وهذا من واقع تجربه شخصيه مع هذه السياره اثناء امتلاكي لها . كان عندي نوبيرا اوتوماتيك موديل 2003 وكنت شاريها زيرو وقتها ب 92000 جنيه . وكنت مهتم بها جدا . بعد ثلاث سنوات تقريبا بدأت اشتكي من صوت الفتيس العالي وعدم سحب السياره. ولا كان فيه ميه دخلت علي الزيت ولا كان فيه شييء وكنت عامل بيها 50 الف كيلو فقط وعند الكشف عليها نصحوني بالاصلاح لان هناك عيب بالكلتشات وتم الاصلاح اكثر من مره ( عند واحد حرفي جدا ومتخصص وقتها في الفتيس الاوتوماتيك بس بصراحه مش فاكره حاليا ) وكان يقعد الفتيس بعد الاصلاح شهر علي الاكثر وبعدين يعملها تاني . المهم الراجل نصحني اجيب فتيس استيراد وجبت واحد من بور سعيد ب 5000 جنيه وحصل فيه نفس الموضوع بعد حوالي شهرين!!!! وبعدها جبت واحد تاني برضه ب 5000 جنيه !!!! وانتهي ايضا بعد اربع شهور!!!! طبعا قرفت منها وبعتها ب 50000 بالعافيه !!!!! الخلاصه هذه السياره وخاصه الاوتوماتيك من أسوأ السيارات التي امتلكتها في حياتي وعقدتني في اي حاجه كوري الي الان سيئه في كل شييء .فتيس سييء وثبات أسوأ وعفشه سيئه ونصيحتي لصاحب المشكله هو انك تخلص من هذه السياره في اسرع وقت .. وهذا مجرد اقتراح بعد تجربتي الاليمه مع هذه السياره.. وتقبل تحياتي .... جمال