أنا أحب أشارك معاكوا براي تاني خالص الأول تعالوا نتفق إني الفرق بين عربية والتانية مش إنها ياباني وصيني وكوري وألماني وإنجليزي. امال بقى نقارن العربية إزاي ....
العربية قيمة مدفوعة في مقابل خدمة بحصل عليها ومميزات وقدرات لكل عربية.
اللانسر شارك ضعيفة بسبب ماتورها بس اللانسر بومة 1600 حلوة على ماتورها ولاكن بقى لو جربت اللانسر ال 2000 توين تشارجر حاجة تانية بس المهم ولاأهم إنتا معاك وتقدر على سعر مين فيييهم.
الكرولا ال 1300 بطة بلدي الكرولا ال 1600 معقولة وجميلة ال 1800 ياااه وهم ربنا يوعد كل السامعين بس بردو إنتا تقدر تشتري أنهي فيهم وكمان محتاج مين.
انا مصر اقارن بين نفس العربية للفئات المختلفة مش بين عربيت مختلفة لأني عايز أوضح وجهت نظري إني العربية الواحدة وبغختلاف موديلاتها وفيئاتها بيختلف إحساسك بيها وإنتا راكبها.
فا بالنسبة بقى لأني السيراتوا أحسن من الكرولا ولا الإلانترا أحسن من اللانسر دي وجهة نظر خاطئة تماما بالنسبالي أنا ما أقارينشي بين عربيتين غير لما يكونوا بنفس السعر بالملي ومش محتاج أقول إنهم لازم يكونوا نفس الفئة ياعني ما أقارينشي بين تيوتا هاي لوكس بيك أب وميتسوبيشي لانسر.
شوف إنتا عايز من العربية وأقل عربية سعرا في السوق هيا دي الي تتوكل على الله وتشتريها.
أنا آسف على الإطالة بس عايز اشارككم حاجة كمان.
تجربتي في إختيار عربية أشتريها لنفسسي,
أول حاجة أنا محتاج عربية نوعها أو فئتها إيه: انا محتاج عربية سيدان بسبب العدد والسفر والعيلة.
ثاني حاجة العربية المطلوبة قدرتها قد إيه كام حصان ياعني: لا تقل عن 100 حصان لأني سواقتي متعسفة شوية وعندي قوي في الطريق.
تالت حاجة عفشة العربية: عالية وناشفة وبتاعت خدمة شاقة نظرا لأني بيتي في حتة مكسرة شوية وكمان نظرا لأني هركب معايا عدد كبير ياعني على طول العربية خمسة راكب او أكتر غير أمتعتهم في حالة السفر.
رابع حاجة الوكيل وقطع الغيار وسعر إعادة البيع وسمعة العربية والكلام الي كلنا عارفينه دا: ودا وجهات نظر وهوا دا بقى الي لازم تسال فيه الناس وماتجاوبشي فيه بناءا على رأيك لوحدك.
خامسا وأخيرا وأهمهم: أنا إعتماداتي المادية لحد فين وقرار العربية لازم يكون جايب آخرك فيه لأنها زي مراتك كدة مش هتستغنى عنها قريب أو إطلاقا على الأقل.
حطيت طلباتي وشوفت الإختيارات الي طلعتلي لاقيتها الإلانترا والسيراتو والصني وإخترت الصني لأنها الأقيم مقابل سعرها مش لأنها الأحسن غنما أنا كان نفسي في إلانترا هاي لاين.
أنا آسف فعلا على الإطالة عليكوا بس ماقدرتش أشوف الأعضاء الي بحبهم وإخواتي في مصر موتورز في موضوع وما أحطش مشاركتي معاهم.