العودة   مصر موتورز مجتمع السيارات > سوق السيارات فى مصر موتورز > عالم تأمين السيارات

عالم تأمين السيارات خاص بكل شركات التأمين المصرية وتجارب الأعضاء مع شركات التأمين


موضوع مغلق
 
أدوات الموضوع
  #41  
قديم 18-02-2010, 11:02 PM
الصورة الرمزية MANO_War
MANO_War MANO_War غير متواجد حالياً
 
تاريخ التسجيل: Feb 2010
المشاركات: 95
MANO_War is a glorious beacon of lightMANO_War is a glorious beacon of lightMANO_War is a glorious beacon of lightMANO_War is a glorious beacon of lightMANO_War is a glorious beacon of light
افتراضي رد: حكايتى مع التأمين...و النصب العظيــم !


المشاركة الأصلية كتبت بواسطة Dr. Bolbolan مشاهدة المشاركة

والله العظيم عارف انكم عايزين تساعدونى ! بس بالنسبه لى الموضوع خلص خلاص ! وتحديدآ خلص من ساعة

ما عرفت انه لم يدفع الفلوس ! لآنى عرفت انى غلطت و لو لم ينتهى الموضوع نهايه سعيده يبقى أنا أخدت جزائى !

أنا راجل واقعى ! بأحلم آه ! وساعات بأحلم ان فيه ملايكه بين البشر ! بس ساعة الجد ولما الحلم بيتحول لكابوس

بأصحى من النوم ! ولا أحمل الآخرين أخطائى وبأعترف بخطئى ! وأنا كما ذكرت سابقآ لم أرد من الموضوع انى

أشهر بالرجل ! لآن الضرب فى الميت حرام ! ولكن غرضى ان الناس تاخد بالها من اللى ممكن يحصل ! وأنا اتعودت

فى كل مجالات حياتى أحاول أنا الآول درء المفسده واذا لم أفلح يبقى نستعين بصديق بعون الله !

أنا لم أشترى سياره من عندك لآنى فهمت انها خليجى وأنا كنت رأيت النيوسيراتو فى السعوديه ولم تعجبنى ! كمان

انت قلت لى انك لقيت واحده بس بالمواصفات اللى أنا عايزها بس لون غير اللى أنا عاوزه ! وكمان بدون ضمان بس

قلت لى ممكن نشترى لك ضمان ! وأنا مع احترامى لك مصدقك بس مش مصدق التوكيلات انها ممكن تعامل الضمان

المشترى ده معاملة سيارة التوكيل ! السر الآخير بأه ! انه لم يكن معى ثمنها كاملا والتوكيل كان ح يأخرنى 4 شهور

كانوا كافيين أجمع الباقى ! و لم أطلب منك تساعدنى فى التأمين لآنى أحرجت كيف أنى لم أشترى السياره منك وأطلب

منك تشوف لى شركة تأمين ! قدر الله و ماشاء فعل ! وصدقنى تعلمت الدرس وأى مشكله تقابلنى لا قدر الله مستقبلآ

ابقى استحمل رزالتى عليك بأه ! ههههههههههههه

Dr. Bolbolan ptmnlo123per122


يمكن انا جديد معاكم بس حضرتك راجل بتتمتع بمصداقية عالية جداربنا يرجعلك حقكptmnlo123per122
  #42  
قديم 19-02-2010, 02:02 AM
alraues
Guest
 
المشاركات: n/a
افتراضي رد: حكايتى مع التأمين...و النصب العظيــم !

أخوانى الاعزاء فى المنتدى الكريم
من يتحدث عنه د يليل هو العيد لله
و على فكره سبب معرفتى الموضوع هو الاخ سيف الدين
اتصل بى اليوم و اخبرنى بالموضوع
و أولا اشكر ابو نورا لحكمتة و انتظاره حتى يتسنى لى الرد على الموضوع لان الامور لا تؤخذ من طرف واحد
وثانيا اشكر الاخ سيف لاهتمامة و اتصاله بى مرتين او ثلاثه اليوم بخصوص هذا الموضوع
وثالثا اشكر د بلبل على اثارته الموضوع و لكن لى العديد من التحفظ و الردود عليه ليس بصفته د بلبل بل بصفته (حكيم المنتدى)
و لرابعا من حقى امام الجميع ان اشرح الموضوع و اسرد الوقائع و اوضح الحقائق فى هذا الموضوع
وخامسا (و مش ببرر ولا ببرء نفسى) لو كنت كما قال اخى الاكبر د نبيل نصاب ما كانش همنى ولا كنت اعلنت عن اسمى مع العلم ان الكثير و الكثير من الاخوه فى المنتدى بيتصلوا بيا و بيسألونى فى مشاكل و قدر الامكان بأحاول احلها
وبصراحه عندى كلام كثير جدا و من حقى و من حققكم ان احكى الموضوع و اللى حصل و اللبس فى الموضوع ولكن اقسم بربى الان نفسيا و ذهنيا غير قادر على هذا و لم اتعود ان اناقش موضوع و انا فى هذه الخاله
لذلك ارجو من الاخوه الاعذاء الانتظار على حتى الغد فقط انام و ارتاح نفسيا و عصبيا و ارد و بعد كده انا راضى بحكمكم و مستعد له و ان الحكم الا لله
و دا طلب لو سمحتوا لى
ممكن ناس يقولوا اه مستنى لحد ما يلاقى رد او حجه او او
لا والله لو كده كنت مش حكتب المشاركة من الاساس
و لكن يعلم ربى و الله العظيم انا فى ظروف اليوم لا يمكن ان اتكلم و الله اعلم بعباده
حتى و الله لم انتظر حتى ارجع البيت و انا الان فى سيبر لانى ممكن ارجع البيت متأخر جدا او فى الصباح
وعموما فقط اطلب منكم السماح لى لحد بكره بس
وححكى ملابسات الموضوع و الحكم لكم
و انا على اى حال راضى بحكمكم
و اكرر اعتذارى على عدم الرد لانى فعلا بقالى كام يوم مش بفتح النت لظروف عندى و الله اعلم بها
وكان من المفروض ان أرد على كل شخص على حدى برساله خاصه او ايميل بس كده احسن
حتى يعرف الجميع و يحكم على الموضوع
و اسف للجميع على سوء التفاهم و من هنا الى بكره مش بعيد
و شكر خاص الى الخ سيف و ابو نورا و استاذنا و حكيمنا بلبل
معلش حتعرف انى مظلوم مش انك ظلمتنى و تفرق كثير و الله و انت حكيم وعارف الفرق اكيد بين الاتنين
و السلام عليكم
  #43  
قديم 19-02-2010, 06:53 AM
الصورة الرمزية خالدخليفة
خالدخليفة خالدخليفة غير متواجد حالياً

من انا؟: محب لكل الناس / وارجو من الله العفو والمغفرة
التخصص العملى: تاجر عطور بالجملة -تاجر اراضى
هواياتي: القراءة والاهتمام بعلم الحديث الشريف
 
تاريخ التسجيل: Sep 2009
الموقع: الزيتون
المشاركات: 1,810
خالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond reputeخالدخليفة has a reputation beyond repute
افتراضي رد: حكايتى مع التأمين...و النصب العظيــم !


المشاركة الأصلية كتبت بواسطة AboNoRa مشاهدة المشاركة




اما بخصوص جوهر الحوار عن التأمين فهو قتل بحثاً فى مواضيع كتير وجمعنا فتاوى كتير بهذه الخصوص وانا نفسى عملت موضوع باسم ان كان التأمين حراماً فمن يعوض الغارمين
ورائى فى الموضوع باختصار ان التأمين عمل اهلى تعاونى الغرض بيه دفع الضرر وتعويض الغارمين (او من يخسر خسارة فادحة فى تجارتة او ممتلكاتة) واقرته الشريعة وعملت به الحضارة الاسلامية منذ مهدها وطبق من خلال بيت المال

وطبعاً ده خارج تماماً عن التشبيه بالتأمين على الزوجة والاطفال والكلام اللى اتقال ده وان كان فى ناس بتعمل كده فعلاً لكن ده تطبيق مختلف تماماً وخارج موضوعنا وخارج حتى عن ما اقرتة الشريعة واعرافنا ومعتقداتنا الشرقية عموماً والاسلامية بالاخص فالتأمين دفع للضرر بعضه او بعض من اثارة وليس رداً لقضاء الله الذى لاراد له

لكن احنا بنأمن على عربياتنا لانها غالية جداً حتى اغلى من قيمتها الحقيقية وبالتالى خسارتها بحادث او بالسرقة تعتبر غرامة وخسارة فادحة لمعظمنا ولا نطيق احتمالها مادياً

نفس الكلام ينطبق على اللى بيجب عربية بالقسط مش ممكن يدفع اقساط لعربية بعد ما اتسرقت ومش ممكن فلوس المودعين تروح عليهم فلازم تأمين يضمن لكل الاطراف حلول

نفس الكلام لو واحد جايب العربية ياكول عليها عيش لو خسرها هيبقى خسر تجارته واحيانا كل ما يملك وبرضو هيخش فى دائرة الغارمين

نفس الكلام حتى بره العربيات بندفع من مرتباتنا جزء علشان لما ينقطع سبب الرزق ده نلاقى دخل بديل وبره الناس بتدفع نسب كبيرة جداً من مرتباتها بشكل تأمينات او اشتراكات نقابية او اياً كان لتأمين دخل ثابت بعد انقطاع الدخل الاساسى فى حالة التقاعد او المرض

واكم من التطبيقات لنظم التأمين اللى من غيرها لا تستقيم الحياة للافراد او المؤسسات
لكن زية زى اى حاجة وارد فيها الإجادة والاسائه والإستفادة والضرر
بالنسبة لحضرتك يمكن علشان فيه عربية تانية او مبلغ العربية مش غرامة بالنسبة لحضرتك فممكن متأمنش بس بالنسبة التأمين مفيد ومهم جداً بل لاغناء عنه

وده كله لا يمنع ايمانا بربنا ابداً وبقضائه فمن يمنع قضاء الله اذا قدر لك ان تخسر مبلغ من المال او تخسر حياتك او تجارتك او اى شىء لامانع ابداً فقط على الانسان ان يحتاط وياخذ بالاسباب كما جاء فى الحديث (اعقلها وتوكل) حيث امر رسول الله صلى الله علية وسلم الرجل بان يربط الناقة خشية السرقة ثم يتوكل على الله لا ان يتركها ويكتفى بالتوكل

طبعاً ديه قناعتى الشخصية ولا تعتبر فتوى او امر ولا نهى فقط استعراض لرأى قد يحتمل الصواب او الخطاء وعلى كل انسان انه يبحث بنفسة (خاصة فى الموضوع ده) ويسأل اهل العلم ويستشير اصحاب الرأى حتى يصل لقناعتة الخاصة التى سيحاسب عليها امام خالقة
اللهم قد بلغت اللهم فاشهد

واعذرونى على الاطالة واتمنى ان تتسع صدوركم لرائى المتواضع ptmnlo123per122


مع احترامنا للجميع فالتأمين شرعا حرام باجماع العلماء ليه ؟ لانه عقد من عقود الاذعان اى خضوع احد الطرفين للاخر وقبول شروطة حتى ولو مجحفة او ظالمة و ده مش كلامى ولكن سمعته وقريته وفى كتب كتيرعن حكم التامين فى الاسلام والشيخ محمد حسان له راى عظيم فى الموضوع ده سمعته منه على قناة الرحمة وبيقول فيه / ان التامين حرام شرعا زى موضحت قبل كده وبعد شرح الاسباب باستفاضة قال لكن فى سيارات( لانه كان بيتكلم عن السيارات ساعتها ) بتيجى بالتقسيط واللى بيقسط بيشترط وثيقة تأمين هنا انت مكره او مجبر على التامين وبالتالى لااثم عليك لحد م تخلص اقساطك ومتأمنش تانى وممكن البحث عن حكم التامين على هذا الرابط
http://www.islamweb.net/VER2/Fatwa/S...FatwaId&Id=472
او هذا الرابط
http://ibn-jebreen.com/ftawa.php?vie...64&parent=4193
وجزاكم الله خيرا وارجو من الله ان يهدينا سواء السبيل
  #44  
قديم 21-02-2010, 01:58 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: حكايتى مع التأمين...و النصب العظيــم !

مازلت فى انتظار رد وتوضيح العضو الفاضل (محمد صبحى) بشأن مانسب اليه ..............
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

  #45  
قديم 21-02-2010, 02:36 AM
alraues
Guest
 
المشاركات: n/a
افتراضي رد: حكايتى مع التأمين...و النصب العظيــم !

السلام عليكم ورحمه الله وبركاته
أسف على التأخير و لكن ظروف قهرية ليس مجالها المهم
نبتدى منين الحكاية؟
من الاول
فى البداية انا شاركت فى المنتدى بهدف واحد اساسى هو ان اصقل معلوماتى فى مجال التأمين ولكى استفيد من الخبرات الموجوده و افيد اللى عايز نصيحة او معلومة مش للشغل
أنا اسمى محمد صبحى من طنطا عندى 38 سنة لفيت الدنيا من الشرق للغرب و اولادى ولدوا فى الكويت و كنت شغال هناك مندوب فى شركة ادوية و لما نزلت مصر اشتغلت فى كل حاجة و اخيرا التأمين و انا يكالريوس تجارة جامعة طنطا بس كنت عشرى شويه خلصته فى 10 سنوات بحكم السفر الكثير و عاشرت جميع الملل و الديانات و اقدر اوزن الامور صح و الحمد لله
لما دخلت المنتدى شاركت و الحمد لله استفدت كثير وبرده افدت الى حد ما و جالى شغل كويس من المنتدى بس بحكم كثره المشاغل فى العمل هنا و الشتاء يومه قصير وانا فى طنطا كنت بأرفض برده شغل يس بشكل مهذب المهم انضم لى فى الشغل اخت لى متحمسة جدا و الله يبارك فيها و اصبحنا دويتوا الشركة كلها بتخاف منه لحجم شغله و محفظته الكبيره و اللى له علاقة بالتأمين يعرف يعنى ايه محقظة يعنى كم وثائق و تجديدات و كأى مجال منيعات بدأت الحرب علينا من كل النواحى و هى دى ضريبه لازم تندفع مهو مافيش حلاوه من غير نار دى ما بيقولوا
فكرنا فى التوسع الافقى نطلع من منطقة الدلتا و نحاول فى مصر بس المشكله العميل لما يعرف طنطا يقول لا انا ايه يودينى طنطا و الدنيا ماشيه الحمد لله كزيس بس احنا نسد على الشغل لان الشغل مش تأمين يس لا دا كمان تعويضات و مشاكل عملاء
فى يوم اتصل بى دكتور بلبل حكيمنا الكريم و قال لى انا جبت رقمق من المنتدى وبصراحه لم اهتم لان ايامها كنت مشغول فى تعويض سياره عميل توتل لوس (هلاك كلى) و الشركة مش عايزه تدى الراجل حقه و انا الوسيط وفى وشى و متعودتش اطلع صغير المهم ذيه ذى كثير بيتصلوا من المنتدى و قلت ممكن يكون بيسأل على سعر و خلاص لما اتصل تانى قلت لاختى و شريكتى قالت لى طيب احنا كمان كام يوم نازلين مصر نعاين الخمس عربيات بتوع معرض كذا نبقا نخلصهم و نروح لها فقلت لها معرفش مليش مزاج مش نخلص اللى هنا الاول فقالت لى انت حتتبتر على الرزق يا محمد كده ربنا يحاسبك و ضحكنا
المهم مر كام يوم وقلت لاختى و شريكتى خلاص منك ليه انا مش رايق اليومين دول حديله تلفونك و انتى تابعى معاه وقد كان كلمته و المعاينه عندنا ممكن فى اى فرع و ممكن عن طريق المهندس فى طنطا بينزل مصر كل يوم بعد يوم نقريبا المهم قالت لدكتور بلبل روح المركز الرئيسى و عاين وهما بيبعتوا المعاينه لنا وتانى يوم تصدر الوثيقة و فعلا الراجل و انا اسف له راح و تعب و غلب لحد ما عاين العربية و للاسف الطمع وحش اللى عاين يعرف منتجه او مندوبه و بيديها الشغل فهى اللى اتصلت بيه و هو بحكمته المعهوده اتصرف صح و اخبر شريكتى و اخبرنى فقلت لها ايه مابلاش العربيه دى من الاساس فقالت لى مالكش دعوه انا حخلصها و الوثيقة صدرت فى منطقة القاهره وظهر رقم الشاسيه و الموتور على السيستم و معنى كده من المستحيل ان تصدر وثيقة اخرى بنفس الشاسيه و الموتور على مستوى جمهورية مصلر العربية الا لما دى تلغى من على السيستم و دا لما المنتج اللى عملها يسلمها و يكتب عليها ترد لعدم سداد العميل و ممكن دا ياخد شهر لانى انا مثلا شنطتى اليوم فيها حوالى 12 وثيقة لعملاء و الاربعاء الماضلى كانو23 واحده وبصراحة مفيش منتج بيلغى وثيقة الا بعد شهر او اثنين و لما يعجز من العميل خالص لانه له عموله فيها
المهم بعد مكالمات للاداره كثير و كلام و شكاوى اتلغت من القاهره و صدرت فى طنطا و يوم ما صدرت اتصلت يدكتور بلبل و حددت معاه موعد فى المساء لانى كنت نازل مصر يومها و فعلا زهبت له البيت
لم اكن اعرفه هو مين الا لما قال لى انا حكيم المنتدى و الراجل رحب بى جدا و بعد التعارف اخرجت له الوثيقة و قلت له انا حخطم لحضرتك العموله اعتذار منى لما حدث و اللى كان خارج عن ارادتى و الله فحسيت فيه بالريبه و الشك فقام طلع الفلوس و عندما اخذتها منه قلت له حضرتك كان لازم تشوف كارنيه الشغل الاول فقال لى لا ما انا عارفك فقلت له اذاى قال من صورتك فى المنتدى انت من القلائل اللى حاطين صورهم و فعلا خصمت له العموله و اخذت الفلوس ناقصه 400 جنينه ووقفنا فى البلكونه شربنا سجاره و القهوه و الراجل بصراحه ابهرنى لقيته فعلا يستحق ان يكون حكيم و تمنيت ان اكومن لى ربع حكمته و قلتها له و تكلمنا فى مجالات كثيره السياسه و الشغل و الجنس و الطب حتى سألته على بعض المواضيع الطبيه الخاصه و بصراحه ارتحت له و حكيت له جزء من حياتى و انى تزوجت مرتين و اولادى و و و
واخدت ايميله قال لى طيب مافيش ورقه للسداد فقلت له حضرتك مش مفروض تأخد الوثيقة الا لما تدفع الفلوس دى عهده عليا و انا كل كام وثيقة بأوردهم فى الخزنه برقمهم فقال لى طيب انا مسافر بعد يومين ممكن تبعت لى على الايميل صوره من الجواب او الورقة اللى سددت بيها كى اطمئن فقلت له حاضر بس طالما الوثيقه معاك انت الشركة ملزمه امامك و الوثيقة بتقول كده فى الشروط
وودعته و انصرفت وروحت بعد ان انهيت شغل لى و سلمت وثيقة كمان و رجعت طنطا و لما قلت لاختى و شريكتى انا سبت له العموله اتشالت و اتهبدت وقالت لى ليه انت مش تعبت فيها و صرفت عليها كده للاه و الوطن و بعدين انت كده تخلى الناس تشك فينا كنت سيب له 50 أو حتى 100 جنيه حرام عليك تعبنا فقلت لها انا ممكن اكلمه فى تأمين الحياه و ان شاء الله يعمل وثيقة و متعوضة
المهم فى هذه الاثناء مر بى ظرف قهرى ذى اللى انا فيه دلوقت ولازم ينصرف 9000 جنية و الموضوع متعلق بحياه شخص المهم اى منتج معاه العهده و هو ممكن يلبس طاقيه دا الى دا و انا عارف ان دا غلط بس فى قاعده شرعيه بتقول الضرورات تبيح المحظورات لانه ممكن فى اى وقت يقولوا لنا هاتوا العهده ويجردوها بس دا بيحصل بشكل دورى كل 3 شهور و الواحد بيبقى معاه 30و 40 وثيقة عهده المهم الفلوس لم اوردها للاسف ولانى زودت عليها من اللى كان معايا لحد ما اقبض العموله و هى كانت تقريبا 5الف تقريبا قلت احطا و اوردها ودى غلطه منى بس والله لم يكن امامى اى خيار اخر و اى اخ منكم مكانى كان حيتصرف نفس التصرف خصوصا لو ابنه فى المستشفى و محتاج المبلغ دا المهم
دكتور بلبل كلمنى و كنت وعدته ان ابعث له صوره و شيطانى هدانى الى كتابه رقم وثيقته و اسمه على حافظه تانيه كنت موردها من يوم او اثنين و من خيبتى و من رحمه و حب الله لى انى كتبت رقم الوثيقة غلط و بعتها على الايميل و الموضوع انتهى معى الى هنا و قلت لما اقبض العموله ابقى اورد الفلوس
وبعد فتره فوجئت بمديرى بيطلع لى صوره الحافظة اللى انا بعتها على الايميل و قال لى ايه الحكايه فقلت له بصراحه الموضوع كذا كذا كذا فضحك و قال لى كده من اول الم تعترف فقلت له و اكدب ليه انا اخطأت و لازم اتحمل خطئى فقال لى طيب سوى المشكله دى لان صاحبها جاء الى فلان و بصراحة فلان دا بوظك عنده انت عارف العين عليك علشان شغلك و الكل يتمنى لك غلطه فقلت له حاضر و فعلا خلال يوم و التانى كانت العمولات نزلت و وردت الوثيقة و اعتذرت له و قال لى انا عارف انك خامه طيبه و محترم بلاش تعمل كده تانى فقلت له اسف ة الله الظروف كانت اقوى منى وكمان مره انا اسف وقال ربنا يوفقك و خلى بالك من نفسك علشان يا ابنى انت مميز و واحد بيحب و 10 ييكرهوا و انت سابق الكل بكيبوات ودا اللى مخلى الكل متغاظ منك و انتهى الموضوع ومن كسوفى لم اسأل حتى هو الراجل صاحب الوثيقة جاء ازاى ولا ايه الحكايه و بس و فوجئت بالاخ سيف بيرن عليا و بيقول لى الموضوع ومن المفاجئه انه نزل فى النتدى قلت له لا دا سوء تفاهم و معلش انا اسف ليه بس مكانش امامى غير كده
و هى دى الحكاية و اسف على الاطاله و الحكم لكم و ان الحكم الا لله و انا عارف انى غلطان و مستعد لتحمل اى عقاب او رد شرف لاخى الاكبر د بلبل و للجميع
بس انا لى شوية تعليقات ممكن اقولها

دكتور بلبل قالف
قال لى انه بيحاول يصلح غلطته هوه ومساعدته معايا لآنهم دوخونى وانه متنازل عن جزء من الكوميشن

بتاعه مقابل ذلك ! وبأن الكوميشن بتاع المندوب بيبقى من داخل مبلغ الوثيقه والزبون لا يعلم ذلك ! وده السبب ان الآستاذ


فلان بتاع المركز الرئيسى عمل الوثيقه ب 4800 ج لكى يلهف هو الفرق ! فابتدأت أحس ان العمليه عصابه وأن التأمين

برمته غلطته ! لكن أعطيته الفلوس 3900ج ! و مما زاد من شكى انه لما أخذ الفلوس قال للى انت دلوقت ارتكبت

غلطه ! فقلت له ليه ؟؟ فأبرز كارنيه من الشركه فيه صورته و رقمه فى الشركه و قال لى كان لازم تطلب تشوف دى

الآول ! فازداد شكى فيه ! ولكنى تماسكت وقلت له لو كنت شاكك فيك كنت طلبت بطاقتك بس أنا مش عايزها !

انا قدمت له البطاقة لما حسيت فيه الشك و الله يعلم

والله أنا افتكرت عادل امام فى فيلم " لصوص و لكن ظرفاء " لما كان لابس ال Under Wear
و بيقول " بلدى طنطا وأنا أحب أعيش أونطه ) ! ptmnlo123per154


يا دكتور حضرتك حكيم و ماكنتش اضن ان تستهزء بى كده



و بعدين انا لو نصاب حسيب فلوس ليه؟
و لو فى الشركة انا كده عملتا اكثر من مره ايه اللى مصبرهم عليا؟




و للحديت بقيه ان شاء الله
و اسف لك يا حكيمنا و للجميع و ابونورا و الاخ سيف و اكمل بكره
ان شاء الله
و مستعد لاى رد منكم
و السلام عليكم و رحمه الله
موضوع مغلق

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 08:23 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017