تأكيد خبر ارتفاع سعر البنزين و طريقه اعطاء الدعم عليه (الكوبنات )

[MmFFoR]

المشاركة الأصلية كتبت بواسطة خالد الجوكر هو ايه اللى بيحصل ف مصر ده يا جماعه حقيقى يعنى انا بقعد مع ناس بيقولو الله يرحم ايامك يا حسنى اينعم كان سارقنا بس مكنش فيه العذاب ده ( بنزين متوفر - كهربا متوفره - الغاز متوفر - ألخ ألخ ... ) لحد امتى يا جماعه هنفضل كده ولا العيشه هتبقا كده بقا طول عمرنا يعنى لو هتفضل كده المفروض يزودو الاجور بقا مش هتفضل الاجور زى ما هيه السلع والعيشه بتغلى ولا كده الطبقه الفقيره هتنعدم نهائى ولا محدش معايا ف الكلام ده لو انا كلامى غلط حد يقولى ايه الصح دا بالنسبه للبنزين عندى العربيه شغاله حنفيه اوقات ف ايام السفر بفولها مرتين اسبوعياً 100 لتر

مين دا اللي كان موفر البنزين و العيش!!!

بلاش لحسن يتعملي منع في المنتدى

[MmFFoR]

المشاركة الأصلية كتبت بواسطة miam0502788391 طيب وا 1800 لتر هيكونوا بنزين 80 ولا 90 ولا 92 طيب اذا الكوبون ضاع منى هعمله بدل فاقد ولا ايه طيب واذا دخلت بنزينة والعربية مشطبة بنزين لقيت المكنة بتاعة الكروت بايظه العمل ايه طيب هيبقى فى سوق سودة لبيع كروت البنزين يعنى اى واحد يروح يشترى عربية رخيصة زى القردة ولا السيات 133 ويطلع ليها كوبون ويبيعه تجارة اغلى من تمن العربية اللى اشتراها لك الله يا مصر

ال 1800 اعتقد مش مجاني و لكن بالسعر المدعم - يعني لو عايزهم 80 حتاخد بسعره و لو 90 حتاخده بسعره المهم الكمية في النهاية 1800 لكن النوع يرجع لك على حسب انت عايز تدفع كام او عربيتك بتقبل كام

[hamed2020]

المشاركة الأصلية كتبت بواسطة خالد الجوكر هو ايه اللى بيحصل ف مصر ده يا جماعه حقيقى يعنى انا بقعد مع ناس بيقولو الله يرحم ايامك يا حسنى اينعم كان سارقنا بس مكنش فيه العذاب ده ( بنزين متوفر - كهربا متوفره - الغاز متوفر - ألخ ألخ ... ) لحد امتى يا جماعه هنفضل كده ولا العيشه هتبقا كده بقا طول عمرنا يعنى لو هتفضل كده المفروض يزودو الاجور بقا مش هتفضل الاجور زى ما هيه السلع والعيشه بتغلى ولا كده الطبقه الفقيره هتنعدم نهائى ولا محدش معايا ف الكلام ده لو انا كلامى غلط حد يقولى ايه الصح دا بالنسبه للبنزين عندى العربيه شغاله حنفيه اوقات ف ايام السفر بفولها مرتين اسبوعياً 100 لتر

و انا كمان بشوف ناس كتيييييييييير بتقول كده
بس انا بصراحه شايف انهم بيخدوا قرارت عشوائيه و ديكتوريه
من الاخر حسني بدقن

المشاركة الأصلية كتبت بواسطة yoyo_1989 انا اوؤيد بشدة رفع الدعم الكامل عن بنزين 92 و 90 و 95 لان هو ده الطريق الوحيد للنهضة فى مصر و اوؤيد رفع الدعم الكامل عن كل السلع بس مش دلوقتى . و الفلوس ديه تتبنى مصانع او تستصلح اراضى ..انا والدى كان مفتش تموين من 15 سنه و بيحلفلى ان الدعم لا يصل الى مستحقيه حتى العيش الى احنا نقول حانغليه على الفقرة ؟؟؟ بيقولى ان الشوال الى بيتهرب من المخبز بيكسب فية صاحب الفرن 100 جنيه شوف بقى 3 شولة فى اليوم ب 300 جنيه يعنى فى الشهر ب9000 ده عير مكسبه الطبيعى اما بالنسبة للاعباء الى حاقع عليا فبدعى ربنا ان يزيد فى رزقى

الشيخ اخوان بردو
تؤيد ايه احنا بناخد كام اصلا في الشهر علشان ندفعهم في الشهر بنزين
ولا نبيع عربيتنا و نقضيها بهدله وقله ادب في الموصلات
وبعدين انتم ليه معندكوش وسطيه زي الاسلام ما بيقول
انا معا الغاء الدعم بالكامل عن 95
و الغاء بنزين 90 من الاساس ووجه الدعم كله ل80 و 92
لان الفرق بين 90 و 92 فقط 10 قروش

المشاركة الأصلية كتبت بواسطة eng/walaaeldeen السلام عليكم المختصين هيركبو امتى عدادات علي النفس و الكلام والضحك والبكاء وال........... وال.......... علشان يحصلو فلوس مننا علي فكره الرد ده عمش علشان رفع الدعم عم البنزين انما لأشاعة ال100 جنيه بتوع الراديو وضريبة التكييف وهل سيصل البنزين الي مستحقيه ولا هيكون في كوسه برده وهل ابناء أسياد البلد وعربياتهم هيتطبق عليهم النظام ده ولا هيطبقوه علينا علشان يحطو همه بنزين ببلاش علي حسابنا لك الله يا مصر ويارب يولي فيها من يصلح فيها والله المستعان

المشاركة الأصلية كتبت بواسطة miam0502788391 طيب وا 1800 لتر هيكونوا بنزين 80 ولا 90 ولا 92 طيب اذا الكوبون ضاع منى هعمله بدل فاقد ولا ايه طيب واذا دخلت بنزينة والعربية مشطبة بنزين لقيت المكنة بتاعة الكروت بايظه العمل ايه طيب هيبقى فى سوق سودة لبيع كروت البنزين يعنى اى واحد يروح يشترى عربية رخيصة زى القردة ولا السيات 133 ويطلع ليها كوبون ويبيعه تجارة اغلى من تمن العربية اللى اشتراها لك الله يا مصر

انا معاك في كل بتقوله وحاولت اقوله فوق
بالنسبه لنوع البنزين زي ما حضرتك عايز

[hamed2020]

المشاركة الأصلية كتبت بواسطة ahany الخبر صحيح بس مش كوبونات . هيكون كارت زكى ممغنط وكل سيارة للاسرة 1800 لتر وناخد بالنا من موضوع سيارة الاسرة يعنى لو المدام عندها عربية مش هتاخد عليها كوبونات او لو حد عندة عربيتين هيتم صرف كوبونات للسيارة الاولى فقط وتم احتساب الكمية على متوسط 50 كم يوميا وكافة العربيات زى بعض بغض النظر عن السعة اللترية وفية كلام على تحصيل ضريبة 100 من كل سيارة للراديو وضريبة اخرى للتكييف المنزلى وربنا يسترها علينا وتقبل مرورى

نورت الموضوع
طيب اولا انا عايز مصدر سياتك في الكلام ده
ثانيا لو الكلام صح وانا عندي عربيه و الدي عربيه ايه النظام ؟
ضريبه 100 جنيه للراديو مش قصه بالنسبه ليا مع انهم مش من حقهم بس زكاء عن العربيه
50 كم يوميا دا قليل جدا
اخر حاجه من المستحيل مساوه سياره 2000 سي سي بسياره 800 سي سي
دا كده بيفتح سوق السودا و بيغلي السياره ذو المحركات الصغيره

المشاركة الأصلية كتبت بواسطة الكردي2000 اتمني ان ما يكونش فية خطأ في الخبر وبدل ما هو 1800 لتر في السنة , يطلعوا 1800 جنية في السنة وساعتها تبقي مصيبة سودا

لا 1800 لتر

المشاركة الأصلية كتبت بواسطة sayed2077 انا شايف لو هيدينى 1800 لتر طول السنه يعنى بحسبه بسيطه هتفول كل اسبوع 38.5 ليتر يبقى كده حلو جدااااااااااااااااااااااا ا جدااااااااااااااااااااااا ا كمان ومناسب لشريحه كبيرة جدااا من الناس انا عموما استهلاكى حاليا 25 ليتر الى 30 ليتر اسبوعيا

:w6w2 00504111340266d:w6w200504 111340266d

المشاركة الأصلية كتبت بواسطة screamseko يعني 5 لتر في اليوم وانا شايفهم قليل جدااا وخصوصا للي بيستعمل عربيته معظم الوقت في سفر او مشاوير طويله يعني انا ممكن اعمل في اليوم 150او 200 كيلو وده داخل البلد لان طريقي الدولي علي طول في اسكندريه !!

بس دي حاله خاصه
هو بياخد علي المعظم

المشاركة الأصلية كتبت بواسطة msr1192 يا ريت يبقى زي ما سياتك بتقول 1800 سنويا على فكرة بالحسبة البيسطة يعنى 150 لتر بنزين يعنى حوالى اربع تفويلات اية المطلوب تاني انت لو بتلف بعربيتك طول النهار مش هتخلصهم

:w6w2 00504111340266d:fun_36_1_ 39[1]:

[MmFFoR]

انا متوسط استهلاكي اليومي فوق ال 150 كيلو و العربية عندي استهلاكها كتير يعني ممكن استهلك بتاع 20 لتر يوميا

بس بالشكل دا حبقى حذر جدا اني اسوق بطريقة اقتصادية مش جري و حرق - و حبقى حذر اني اصين سيارتي و اعمل اللي اقدر عليه انها تبقى مضبوطة علشان متحرقش كتير
و مش بعيد اضيفلها غاز علشان توفر معايا و معروف ان الغاز متوفر في مصر لمدة 40 سنة قادمة و صديق للبيئة و سعره رخيص!!!
بس يا ريت مع الخطوة دي يقللوا جمرك السيارات الهايبرد اللي بتشتغل بنزين و كهرباء مع بعض