مصر موتورز والامال المنشودة

[حبيب الناس]

علي فكره الفكره ده منفذه بالفعل لكن من الاعضاء وليس المشرفين لان المشرفين دورهم رقبي او تقديم النصح
لكن الاعضاء دورهم ارشاد الناس عن ما حدث معهم من الاخرين وده فعلان بيحصل هنا
زي اللي حصل في مشاركة الاخ مادا اللي تم الاشاره ليها
في عضو دخل قاله علي اسم مركز هوا اتعامل معاه بره التوكيل وقاله سعر الصيانه كام

[AbOnOrA]

اولاً بشكرك على تفكيرك الايجابى وياريت تشرفنا بالحضور المقابلة الجاية ان شاء الله

ثانياً اللى حضرتك بتقوله هو همنا الشاغل من بداية عملنا فى المنتدى فعلاً

يقوم بعض المشرفين والخبراء فى المنتدى (ومااكثرهم ) بتوجيه النصح والارشاد للاعضاء بتحديد مركز صيانة معين يكونوا هما زاروه وشافوا امكانياته وانه مش نصاب من الاخر ويقوموا بالاشراف على صيانة سيارات الاعضاء فيه ولو على فترات والمراكز دى تبقى فى المحافظات برضه وهيتسابقوا لنيل رضا الاعضاء

ده بيحصل فعلاً وعندنا مجموعة من المراكز والشركات اللى علاقة ادارة الموقع كويسة او ممتازة بيهم بداية من قطع الغيار للسمكرة للصيانة للايجار لتامين كل التخصصات تقريباً بس مقدرش اقولك انها شبكة ضخمة برضو ومغطية مصر كلها لكن البداية موجودة وان شاء الله تكبر اكتر مع الوقت وخبرات وتجارب مجموع الاعضاء

ثانيا عند نزول سيارة جديدة للسوق برضه يقوم خبراء المنتدى بدراسة امكانياتها وسعرها ثم ابداء الرأى فيها للاعضاء بالشراء او عدم الشرا

بص احنا لينا مبداء عام وهو ان الموقع نفسه افضل يكون حيادى تماماً مع كل الاطراف بما فيهم العربيات نفسها او الشركات والتوكيلات

بمعنى ان من حق اى حد ينتقد شركة او ماركة او عربية او خدمة ويحذر الناس منها بناء على تجربتة وادلتة ومن حق الشركة او مالكى العربية المعجبين بيها يردو برضو ويدافعو عنها
لكن الادارة بصفتها تختم على عربيه انها تنفع او متنفعش ديه حاجة تانية وهتخرجنا كلنا من اطار الموضوعية والحياد

ممكن عضو فى الادارة ينتقد عربيه او يحذر منها انا نفسى وباقى الزملاء بنعمل كده بس برضو بناء على تجاربنا وارائنا الشخصية وده اكثر واقعية واكثر مصداقية على فكرة كمان

ثالثا ياريت يتم عمل بدج للمنتدى يقوم الاعضاء بشرائه ولصقه على سيارتهم اكيد هيبقى شئ نفتخر بيه ونعرف بيه بعضنا فى اى مكان هذ بعض ماجال فى خاطرى وشكرا واسف للاطالة

ديه فكرة ممتازة و احنا هنطبقها ان شاء الله وسبق وعملنا كروت عضوية بيستخدمها الاعضاء للحصول على الخصومات فى مراكز الخدمة ومرة تانية بشكرك على اهتمامك وايجابيتك واتمنى تشرفنا بالحضور الجمعة الجاية ان شاء الله واسمحلى انقل موضوعلك لموضوع المقابلة علشان تبقى اقتراحاتك من ضمن جدول اعمال ومناقشات الاجتماع ايه رايك ؟؟

[tata33]

العضو المحترم ابو نورا شرف كبير ليا ان ترد على موضوعى بل وان تناقشوا فكرة قدمتها وهذا دليل على ان الرغبات الصادقة دائما ماتلاقى القبول وهذا اقل شئ نقدمه لمنتدانا مصر موتورز والذى استفدت منه انا شخصيا الكثير والكثير وشكرا على دعوتك الكريمة لحضور الاجتماع .