|
#6
10-10-2012, 01:29 PM
|
||||
|
||||
رد: ارجو المساعده ضروري
حضرتك الموضوع يطول شرحه بس أنا هحاول أختصر:
Offset: الألمان بيسموه ET وهو المسافة بين وش الجنط اللي بيركب عليه المسامير و بين منتصف الجنط و المفروض تلاقيه علي الجنط بتاعك عباره عن رقم مكتوب جنبه ET. زي الصور المرفقة. المهم ده لو زودته عن الرقم اللي عندك الجنط لما تركبه هيدخل ناحية موتور العربيه و ممكن يحك و لو قللته الجنط هيخرج لبره يعني هيبعد عن الموتور و هيحمل علي المسمير و يدايقك و أنت بتحود. فانصحك ما تغيروش كتير. يعني لو 49 مثلا أخرك تخليه 50 أو 51 و ممكن 48. BCD - Bolt Circle diameter ده عبارة عن قطر الدايرة اللي موصلة المسامير ببعض. Bolt pattern: ده عباره عن رقمين مثلا 4x100 يعني 4 مسمار و 100 هو BCD. و بردو هتلاقيه علي الجنط , لو غيرته الجنط الجديد مش هيركب. HCB او Hub Center Bore ده بقي الفتحه اللي في نص الجنط من ورا اللي بتقابس علي طمبورة العربيه نفسها و ديه لو جت أكبر مش مشكلة و كل الناس حتي بره بيجيبو رنجات بلاستيك عشان تركب بين الطمبورة و بين الجنط نفسه. أسف علي الاطالة و أرجو أكون ساعدتك. علي غكرة أنا حاولت أرفق الصور بس مش عارف فيه مشكلة. ممكن تبعتلي الميل بتاعك أبعتهوملك عليه. 
|
|
#8
11-10-2012, 02:09 AM
|
|||
|
|||
رد: ارجو المساعده ضروري
بس انا دلوقتي عندي مشكله كنت عاوز اعرف الارقام دي لعربيه دايو نوبيرا 2005 هتبقي ايه لان العربيه مش معايا هنا وقعدت دورت كتير علي النت في المواقع وكل موقع برقم فلو حضرتك تعرف تفدني وشكرا جزيلا لاهتمام حضرتك
|
|
#9
11-10-2012, 07:18 AM
|
||||
|
||||
|
رد: ارجو المساعده ضروري
المعلومات ديه لو جبتها من علي النت هتكون مختلفة لأن العربيات عندنا بتنزل بكاوتش و مواصفات مختلفة عن بره. الحل الوحيد تحاول تخلي حد يفك الجنط و يجيبلك المعلومات ديه. اسف مش عاوز أفتي. ربنا يوفقك.
|
 |
|
|
