4 اسئله مدوخنى فى الكاوتش

[queen]

السلام عليكم

عندى 3 حاجات مش فاهماهم خالص :
1 - لما باروح عند بتاع الكاوتش ازود يسألنى هوا ولا نيتروجين ومعرفتش أرد عليه لان دايما بازود فى البنزينه ومحدش سألنى ابدا ونفسى افهم ايه الفرق ( عربيتى اسبيرانزا 113 ).

2- هل احسن ضغط للاطارت هو 30 ولا المكتوب فى كتيب العربيه (عندى 32 واستبن 35) لان كلهم بيقولولى 32 كتير ويعملوها 30 ودايما احس انها مريحه ما اتعدلتش غير لما اصريت على 32 وانا بازودها كل اسبوع عموما.

3- يعنى ايه تيوبلس وهل الكاوتش عندى كده وايه مميزاته وعيوبه؟؟؟

4- الاستبن عندى متأكل منه جزء نتيجه جر فى الارض بعد خبطه وفى التوكيل قالوا لازم يتغير لكن بره الميكانيكى قالى شغال ومشى بيه وقالى هو بس بيغربل العربيه شويه. ولما جيت اشترى مش لاقيه زى اللى جاى فى العربيه هندى ولقيت البديل ايطالى ممكن اركبه ولا لازم زى اللى راكب.

اسفه ع الاطاله وشكرا لكل من سيفيدنى

[محمد فيصل]

المشاركة الأصلية كتبت بواسطة queen السلام عليكم وعليكم السلام ورحمه الله وبركاته عندى 3 حاجات مش فاهماهم خالص : 1 - لما باروح عند بتاع الكاوتش ازود يسألنى هوا ولا نيتروجين ومعرفتش أرد عليه لان دايما بازود فى البنزينه ومحدش سألنى ابدا ونفسى افهم ايه الفرق ( عربيتى اسبيرانزا 113 ). نصيحة لا يفضل التعامل مع الكاوتش فى اى بنزينه يوجد الان فى انظمه هواء السيارات النيتروجين ومتوفر فى محلات الكاوتش الكبيرة وهو اختراع ظهر اولاً فى كاوتش الطائرات فى 1989 ثم فى السيارات فى الخارج 1998 ووصل مصر فى 2006 والميزة الوحيدة هى انه ثابت الضغط لا يتاثر بالحرارة المتولدة من احتكاك الاطارات بالطريق وفى حاله استخدامه يكون احساس المطبات اقل 2- هل احسن ضغط للاطارت هو 30 ولا المكتوب فى كتيب العربيه (عندى 32 واستبن 35) لان كلهم بيقولولى 32 كتير ويعملوها 30 ودايما احس انها مريحه ما اتعدلتش غير لما اصريت على 32 وانا بازودها كل اسبوع عموما. اتبعى كتيب السيارة فى حاله النيتروجين 3- يعنى ايه تيوبلس وهل الكاوتش عندى كده وايه مميزاته وعيوبه؟؟؟ التيوبلس هو مصتلح ان الاطار بدون انبوب داخلىtube lessوهو شىء مفيد وآمن فى الاستخدام عن الاطار المزود بأنبوب داخلى تيوبد tubed 4- الاستبن عندى متأكل منه جزء نتيجه جر فى الارض بعد خبطه وفى التوكيل قالوا لازم يتغير لكن بره الميكانيكى قالى شغال ومشى بيه وقالى هو بس بيغربل العربيه شويه. ولما جيت اشترى مش لاقيه زى اللى جاى فى العربيه هندى ولقيت البديل ايطالى ممكن اركبه ولا لازم زى اللى راكب. الاستبن هو وسيله إنقاذ فيجب ان يكون فى احسن صورة سواء كان هندى ايطالى كورى المهم نفس المقاس اسفه ع الاطاله وشكرا لكل من سيفيدنى لايوجد إطاله نحن جميعاً كنا كذلك فى البدايات

الرد فى داخل المحتوى

[I.fouad]

المشاركة الأصلية كتبت بواسطة queen السلام عليكم عندى 3 حاجات مش فاهماهم خالص : 1 - لما باروح عند بتاع الكاوتش ازود يسألنى هوا ولا نيتروجين ومعرفتش أرد عليه لان دايما بازود فى البنزينه ومحدش سألنى ابدا ونفسى افهم ايه الفرق ( عربيتى اسبيرانزا 113 ). 2- هل احسن ضغط للاطارت هو 30 ولا المكتوب فى كتيب العربيه (عندى 32 واستبن 35) لان كلهم بيقولولى 32 كتير ويعملوها 30 ودايما احس انها مريحه ما اتعدلتش غير لما اصريت على 32 وانا بازودها كل اسبوع عموما. 3- يعنى ايه تيوبلس وهل الكاوتش عندى كده وايه مميزاته وعيوبه؟؟؟ 4- الاستبن عندى متأكل منه جزء نتيجه جر فى الارض بعد خبطه وفى التوكيل قالوا لازم يتغير لكن بره الميكانيكى قالى شغال ومشى بيه وقالى هو بس بيغربل العربيه شويه. ولما جيت اشترى مش لاقيه زى اللى جاى فى العربيه هندى ولقيت البديل ايطالى ممكن اركبه ولا لازم زى اللى راكب. اسفه ع الاطاله وشكرا لكل من سيفيدنى

الاجابة علي السوال الاول اكيد هواء عشان لو نتروجين مش هتديله جنيه وتقله زود الفردة ده ليه مقياس وبتدفعهاجابة السوال الثاني مش هتفرق من 30 الي 32 خالص اجابة السوال الثالث التيوبلس افضل واليحددلك الكوتش ينفع ولا لا بتاع الكوتش القريب منكاجابة السوال الرابع لا مش لازم النوع الجي في عربيتك المهم نفس المقاس

[epnmasr]

مميزات النيتروجين إنه بيفضل أطول فتره ممكنه في الكاوتش ومش بيحتاج تزويد بإستمرار زي الهوا
يعني طول ما الكاوتش سليم مش بتحتاج تزوده على الأقل كل 6 شهور وده المعدل بتاعي شخصياً ومش أي بتاع كاوتش ممكن تثق فيه لازم يكون مجرب لأن في منهم معندهمش ضمير وكمان لازم يكون نسبة النيتروجين أكتر من 96%
بالنسبه لضغط الإطار نتبع الكتالوج أفضل
والتيوبلس شرحه الزميل محمد قيصل ولكن أضيف إن الكاوتش العادي لو دخل فيه مسمار مثلاً الفرده بتنام فوراً ولازم تتغير في نفس الوقت أما التيوبلس ممكن يدخل فيها مسمار وتكمل مشوارك وبعدين تلحم العجله وغالباً لا تكتشف إن العجله دخل فيها مسمار إلا بعد فتره أو تاني يوم تنزل تلاقي العجله مريحه
أما الإستبن فمن يحدد صلاحيته بتاع الكاوتش الثقه وليس الميكانيكي
وإحنا هنا كلنا عشان نفيد ونستفيد ومفيش إطاله إن شاء الله وربنا يستر طريقنا جميعاً

[amr elsisi 1]

م. محمد فيصل