استفسار فى تغيير العدادات لعربية اونو 45

[nicolass]

السلام عليكم ورحمه الله وبركاته

عربيتى اونو45
وعايز اركب rpm ومش ينفع طبعا
فـ فكرت اغير العدادات كلها للاونو تربو وهى برضة ديجيتال يعنى شكلها اشيك
فـ هل دا عادى؟ ولا هيعمل مشاكل وسعرها كام اصلا ؟
ولو فكرت اغير التابلوه كله هيتكلف كام برضة
وهيفرق فى قراية العدادات ؟ وشكرا جدا ليكم

[hossamhussein0]

انس خالص موضوع الديجيتال ده ،،،

الموضوع كبير جدا مش قصة عدادات بس ،، دي ضفيرة و كنترول و فيش مخصوصة و عوامة بنزين مختلفة و صباع حرارة مختلف ،،، أنا أصلي عاصرت الفيلم ده مع عربيتي الهوندا اكورد و بعد ما اشتريت كل حاجه بالف و مائتين جنيه معملتش بيهم حاجة و محدش عرف يوفق الضفيرة عليهم و كانت قصة طويلة و بعد كل المصاريف و المصنعيات و المشاوير و الافتاءات وجدت علي الانترنت السرفيس مانيوال بتاع العربية و منه فهمت ابعاد الموضوع بس برضه معرفتش اركبهم و الي الان محتفظ بيهم في البيت

نصيحتي لسيادتك ،،،

هناك عدادت RPM خارجية و شكلها حلو جدا جدا بتتركب علي التابلوه و سهله جدا في توصيلها و ابعد نفسك عن وجع الدماغ

[nicolass]

المشاركة الأصلية كتبت بواسطة hossamhussein0 انس خالص موضوع الديجيتال ده ،،، الموضوع كبير جدا مش قصة عدادات بس ،، دي ضفيرة و كنترول و فيش مخصوصة و عوامة بنزين مختلفة و صباع حرارة مختلف ،،، أنا أصلي عاصرت الفيلم ده مع عربيتي الهوندا اكورد و بعد ما اشتريت كل حاجه بالف و مائتين جنيه معملتش بيهم حاجة و محدش عرف يوفق الضفيرة عليهم و كانت قصة طويلة و بعد كل المصاريف و المصنعيات و المشاوير و الافتاءات وجدت علي الانترنت السرفيس مانيوال بتاع العربية و منه فهمت ابعاد الموضوع بس برضه معرفتش اركبهم و الي الان محتفظ بيهم في البيت نصيحتي لسيادتك ،،، هناك عدادت RPM خارجية و شكلها حلو جدا جدا بتتركب علي التابلوه و سهله جدا في توصيلها و ابعد نفسك عن وجع الدماغ

اولا شكرا جدا ليك

ياخرابى ptmnlo123per172 ptmnlo123per172 ptmnlo123per172 ptmnlo123per172 دا احباط بجد

طيب التابلوه بتاع الاونو ال 60 الى هو فى rpm بكام طيب ؟ واظن كد الموضوع هيبقة اسهل
لان ال rpm الى برا بحسة مش حلو اوى

[hazem_khidr]

انسب حاجه تركب تابلوه الاونو 60 فعلا
حتلاقي فيه ال rbm و كل ما تتمناه
و اعتقد انك ممكن كمان تركبه من غير تعديل
لكن مش عارف سعره كام للاسف
بس اعتقد انه لا يزيد عن ال 200 جنيه في اي حال من الاحوال

[nicolass]

المشاركة الأصلية كتبت بواسطة hazem_khidr انسب حاجه تركب تابلوه الاونو 60 فعلا حتلاقي فيه ال rbm و كل ما تتمناه و اعتقد انك ممكن كمان تركبه من غير تعديل لكن مش عارف سعره كام للاسف بس اعتقد انه لا يزيد عن ال 200 جنيه في اي حال من الاحوال

ياريت يكون اعتقادك دا صح لانى سمعت 500 و 600 دا غير التركيب
ولو عايز انزل اشوفة اشوفه فين ؟
انا من كايرو على العموم ؟