أخيرا ركبت ساوند سيستم.

[dr_eslam_66]

يا ميت ألف أهلا والله نورتوني بردكوا بس هوا فيه مشكلة أنا فعلا كنت متوقعها وإني أول سؤال هتسئله عن الأسعار وفعلا ياجماعة أنا بعتذر جدا جدا أنا كنت فاكر إني هيبقى واضح من المعلومات تحت الإسم إني مقيم خارج مصر وعلشان كدة الأسعار هتبقى غير إسترشادية بالمرة.ممكن أفيدكم بشوية أسعار ولاكن بالدرهم الإماراتي والي هوا 1.6 جنيه مصري الي عايز يحول ويضرب.جوز سماعات كيين وود 500 واط توو واي بس وكمان صيني بـ 250 درهم,جوز سماعات جي بي إل 350 واط ثري واي بس مش فاكر الصناعة فين بصراحة بـ 200 درهم,جي بي إل بازوكا 1000 واط 100 أر إم إس بـ 300 درهم.جي بي إل بازوكا 1200 واط بـ 350 درهم.جي إم كيين وود 500 واط أربعة مخارج بـ 400 درهم والصناعة صيني بس صوته حلو على فكرة.جي إم JEC ستة مخرج 750 واط والصناعة كوري 480 درهم والميزة فيه عدد المخارج والصناعة بالنسبة لسعره مقارنتا بباقي الجي إم.كان فيه سوني إسبلود وبايونير وألبينا بس مش فاكر أسعارهم بس عموما أرخصهم كان السوني إكسبلود.عارف إني الأسعار كدة غير الي عندكوا خالص بس كان نفسي أفيدكم والله.

[amr elsisi 1]

ربنا يرجعك بالسلامة

[محمد حسن عبد الرحمن]

الف مبروك يا باشا وربنا يديك خيرهم ويكفيك شرهم
بالنسبة لموضع الزن حول تعمل عند كل جزء فيه مسامير تحط كوتش أو سليكون لأمتصاص الذبذبات أو الزنة وأن شاء الله تروح الزنة أستخدم سليكون أو كوتش بين كل حاجة و بالنسبة للنمر نفس الكلام أو حتت كرتونة ستفى بالغرض.
وأرجو أنى أكون قدرت أفيد حضرتك ومبروك مرة آخرى.

أخوك محمد
:120105~3 52:

[محمدصلاح القاضى]

مبروووووووووووووووووووووك
انا برضه قولت ان الحاجات اللى عندك دى نادر وجودها فى مصر

غير انها طبعا لووجدت هتبقى فرز تالت