اريد معلومات عن 307xt mod. 2005 و اسعار قطع غيارها و صيانتها

[Ahmed fathy]

الاعضاء الاعزاء . .

ارجو افادتى بكفاءة ال 307xt mod. 2005 automatic و مدى توافر قطع غيارها و ايه مشاكلها او عيوبها و اسعار صيانتها و لانى قدامى واحده ب 70000 و محتار و قلقان جدا من شراءها مع انى معجب جدا بيها و بامكانيتها ولكنى متردد و ما هو اقرب مركز خدمه لمنطقة المهندسين ممكن اكشف عليها فيه و كم تكلفة الكشف , وشكرا جزيلا على المنتدى القوى ده و مساعدتكم الكبيرة .

[Nour_peugeot]

بص يا سيدي الكشف بالنسبه لل بيجو في اي مركز خدمة معتمد ب 150 جنية

و ده لينك في كل ارقام و عناوين المراكز

http://www.masrmotors.com/vb/showthread.php?t=864

و بالنسبه للفتيس الاتوماتيك هو عيب ال 307 الوحيد

لان التعامل معاه في مصر غلط لان فيه تكنولجيا عاليه اووووي

و السوفت وير بتاعه في مشاكل بس دلوقتي بينزل له سوفت وير جديد افضل بكثير

لو حضرتك من النوع المحافظ علي السياراة هتنفعك لو من النوع عيز عربيه تنساها مش هتنفعك

و علي اي حال كده كده ال 307 كل قطع غيارها بقيت خارج التوكيل و باسعار كويسة جدا و ميكانيكتها مش معقدة خالص

اغلب ميكانيكية البيجو فهمين فيها

و بالنسبه للسعر لو العربيه حالتها حلوه اوووي كويس اما لو فيها مشاكل لازم تقل

و ربنا يقدم الفيه الخير ان شاء الله

و متساش صلاة الاستخارة

[Ahmed fathy]

العضو العزيز نور ....

شكرا جدا جدا على ردك و معلوماتك القيمة الى افادتنى بيها و فعلا انت الخبرة بتاعة المنتدى ده ، بص يا سيدى انا كشفت على العربية فى وهدان الى فى العجوزة و نتيجة الكشف بينت شوية مشاكل كدة وهى :
- بلف الفتيس فيه مشكلة و بيأثر على سحب العربية و عايز يتغير.
- فيه وحدة اسمها com 2000 دى مخليا لمبة الاير باج على طول منورة و ممكن بعد كدة تاثر على الاشارات و كل المنطقة بتاعت الطارة و محتاجة تتغير.
-الشاشة بتاعت المعلومات فيها خطوط ومش موضحة اى حاجة محروقة يعنى و محتاجة تتغير.
- تيل الفرامل امامى و خلفى محتاج تغيير.
-كارتيرات امامية .
-الكبالن فيها بوش خفيف مع الوقت هتحتاج تغيير .
- باقى العربية سليم.
انا وصلت مع صاحب العربية لي 66000 جنيه نهائى فهل المشاكل دى بسيطة وتتلم وبكام تقريبا ولا اصرف نظر احسن و اشوف حاجة مظبوطة عن كدة ؟.

وشكرا يا باشا على اهتمامك ومساعدتك الكبيرة. . .

[AlaaEldein]

المشاركة الأصلية كتبت بواسطة Nour_peugeot و بالنسبه للفتيس الاتوماتيك هو عيب ال 307 الوحيد لان التعامل معاه في مصر غلط لان فيه تكنولجيا عاليه اووووي و السوفت وير بتاعه في مشاكل بس دلوقتي بينزل له سوفت وير جديد افضل بكثير لو حضرتك من النوع المحافظ علي السياراة هتنفعك لو من النوع عيز عربيه تنساها مش هتنفعك

طيب دة انا كنت ناوى اشترى 308 اوتوماتيك
بس كلامك يا اخ نور خوفنى اوى والله
ptmnlo123per144

[mahmoudnada80]

السلام عليكم
الاخ علاء متخفش من 308 لان شركه بيجو كان فعلا عندها مشاكل في موديلات معينه بس تم انهاء المشاكل كلها وال308 مفيهاش اي مشكله حتي الانptmnlo123per171