موسوعه فى الرد على اعطال السيارات الفيات

[fiat 124 sport]

دي بقي اكبر مشكله في الفيات ممكن تقابل حضرتك
مردتش حضرتك عليا بخصوص فيات 124 سبور موديل 1974 موتور 131 1600 فتيس 131 5غيار كارونه لادا سريعه و الراجل عايز 6500 جنيه اشتري ولا لا وايه عيوب العربيه او مميزاتها و ليها قطع غيار ولا لا لان هعوز اكصدامين و تابلوه و كده يعني حتي لو يكونو من عربيه تانيه بس يركبو عليها و يكون شكلهم كلاسيك برضه

[finance]

شكرا جزيلا ياشباب لكل من اهتم بالرد على استفساري بخصوص استهلاك البنزين في فيات 128
بالنسبة لموضوع الكربرتير انا مش بشم ريحة بنزين خالص جوه العربية وبرضه جوا البلد مش بقف كتير والعربية شغالة ، انا من محافظة هادئة ومفيش فيها زحمة تقريبا زي القاهرة بالعكس انا تقريبا معظم الطرق عندي مفتوحة ، مش عارف احكم ازاي على الكربراتير انه فيه مشكلة ولكم جزيل الشكر ............

[JILANCO]

المشاركة الأصلية كتبت بواسطة الهولندى الطائر معدلات الاستهلاك نسبية فى العربيات المستعملة انما فى الجديد قياسية يعنى ال 128 ممكن تعمل فى اللتر الواحد من 7 الى 10 لتر حسب ظروف الطريق وحسب حساسية القدم وحسب سرعتك وعوامل تانية كثير لو عملت معاك 8 كيلو فى اللتر حلو لو عملت 9 حلو جدا لو عملت 10 يبقى ممتاز انت على الطريق السريع عملت 200 كيلو فى ال 20 لتر كده فى السليم جوه البلد والزحمة هيزيد الاستهلاك وخلاصة الكلام لو فيه مشكلة فى الاستهلاك اولا بيكات الكاربيراتير ( واسعة من قدم عمرها او من الاستهلاك ) عوامة الكاربيراتير بتخرف بوجيهات مهنجة او مش بتحرق كويس خليط غير موزون نتيجة فلتر مش ابن حلال ( مترب او مبهدل او مسدود ) ضبطة الكهرباء مش متوازنة يعنى عالية سنة بسيطة راجع دول وان شاء الله عزوجل هتتحل المشكلة وادعيلى

: 010104~171::0 10104~171:

[طارق ابوذيد]

المشاركة الأصلية كتبت بواسطة finance الشيخ طارق الرجل صاحب الخلق الرفيع ، والشخصية التي قلما يجود الزمان بمثلها تحياتي الشديدة لحضرتك ، وشفاك الله وعافاك من مرضك وجعله في ميزان حسناتك ان شاء الله . جزاك الله عنا خير الجزاء . بعد اذنك انا عندي مشكلة في سيارة 128 موديل 78 وهي ان العربية بتاكل بنزين بشكل ملحوظ مع العلم أن حالة الموتور جيدة جدا وسحب العربية ممتاز وصوت العربية مش عالي والكهرباء مظبوطة . تم عمل الآتي : 1- طقم سرفيس كامل للسيارة (بوجيهات + أبلتين + كوندنسر) وتم الكشف على سير الكاتينة وحالته ممتازة . 2- تم تغيير علبة شكمان بها ثقوب تحسبا أن تكون هي السبب . 3- تم ظبط تاكيهات للعربية وصوت العربية كويس ومش بتسخن . قبل كده لما كنت بظبط تاكيهات وأقطع مشوار كبير في حدود 50 كم على طريق سريع كنت آلاقي شكمان العربية من الديل لونه رصاصي مش هباب لكن دلوقتي وبعد الظبطة الأخيرة بلاقي هباب مش عارف ممكن تكون المشكلة في ظبط التاكيهات ولا ايه . العربية مش بشم رريحة بنزين وأنا ماشي ولون العادم الصبح طبيعي من غير لون والعربية مش بتنتش ولا فيها اي مشكلة غير أكل البنزين تقريبا بتعمل 140 كم / 20 لتر داخل البلد مع العلم اني مش بمشي بيها في زحمة جوه البلد ومش بتقف شغالة لفترة طويلة من غير حركة . على الطريق السريع بتعمل تقريبا 200 كم / 20 لتر . فياترى ايه سبب المشكلة ديه ولك من عظيم الشكر والاحترام والتقدير .

السلام عليكم ورحمه الله وبركاته .
أخى العزيز أشكر حضرتك كلام حضرتك الطيب الذى قلته .
أما بخصوص ما ذكرته فالعيب عندك فى الكربراتير فبه أكس وباب مبوش وهذا يأكل بنزين ولا أنصحك بالاصلاح فالنتيجه ستكون لفتره لا تتجاوز الشهر فالافضل شراء كربراتير .

[onemanmedo]

عندي مشكلة في عربيتي فيات سيينا 2002 /1400 العربية بتبطل وخصوصا لما تهدي ولازم تسنده ببنزين وإلا تبطل حتي لو مموره
ارجو الرد