طريقه ظبط الفرامل ورفع كفائته

[essamenen]

الموضع ده تجربه شخصيه بنفسى
الفرامل الخلفيه لها رجلاش لما يكون الرجلاش واسع بيضعف يعنى تيل الفرامل بعيد عن الطمبوره وعلشان تتاكد من الموضوع ده اعمل الاتى
1- ارفه العجلتين الخلفيتين
2-لف العجلتين الخلفيتين طبعا هيلفو بدون اى تقل
3- ارفع فرامل اليد تكه واحده
4- انزل ولف العجلتين الخلفيتين لو حسيت ان فيهم تقل هما الاثنين يبقى رجلاش الفرامل بريء من الموضوع نزل العربيه وشوف الماستر او خلافه ولو حسيت انه مافيش اى مقاومه شوف الى بعد كده
5- ارفع فرامل اليد كمان تكه وشوف مقاومه حركه العجلتين
6- ارفع كمان تكه وجرب حركه العجل كررالعمليه ديه لحد ما فرامل اليد تتقل فى ايدك
النتائج
1 -لو العجلتين بتتقل من اول تكه يبقى مفيش مشكله زى ما قلنا
2- لو بتتقل من بعد ثانى تكه يبقى الفرامل الخلفيه عايزه تتلجلش هنعرف طريفه الرجلشه بعدين
احتمال يكون فى عجله بتتقل قبل الثانيه يبقى الرجلاش بتعها عايز يتشد
طريقه عمل الرجلاش
1- فك كل عجله وفك الطمبوره الخلفيه وعمل الرجلاش لها وديه بيعملها الميكانيكى وكمان فى طريقه اسهل من غير فك ولا يحزنون وديه موجوده فى 131 ومش عارف موجوده فى الشاهين ولا لا بص تحت الهاند بريك توجد صاموله 13 بتشد الوير الى بيشد الفرامل الخلفيه ممكن تربط الصاموله ديه لحد ما تتظبط معاك بس ما تعملشى الحركه ديه الا لما تكون الفرامل الخلفيه بتمسك مع بعضها ولو ما كانتشى بتمسك مع بعض يبقى لازم تفك علشان تظبطهم مع بعضهم
ممكن تختبر الموضوع من غير ما ترفع العربيه بس مشكلتها انك مش هتعرف انهو عجله اتقل من الثانيه ,ارفع الهاند تكه واحده والعربيه واقف وزقها لوحك واعمل رجلاش لحد ما تمسك
كمان فى حاجه ثانيه ارفع الهاند تكه واحده وامشى بالعربيه ودوس فرامل لو فى تحسن يبقى لازم تعمل الموضوع ده
بعد التجربه حتى لو الميكانيكى ظبطهالك انتى محتاج تظبط الرجلاش من عند فرامل اليد
على فكره انا مجربها فى عربيتى وانا الى بفك الطنابير الخلفيه وبعملها رجلاش كل فتره
معظم العربيات فيها الرجلاش ده بس انا جربته فى عربيتى 131 وعربيه والدى 504

[aymangalal]

معلومات قيمة على طريقة DIY
Do It Yourself
شكرا على التوضيح

[بدر بسيونى]

شكرا ليك موضوع جميل

[essamenen]

الفرامل الاماميه مفيهاش رجلاش الخلفيه بس الىليها رجلاش
انا لقيت على النت رجلاش بس للفرنا يوضح فكرتى من الالف للياى ( مش انا الى فى الفديو )

http://www.youtube.com/watch?v=AIZ0VXZe5zw

[samirsaid1]

شكرا على المعلومات