ارجو المساعدة بخصوص بعض قوانين المرور للسيارات البيك اب لاني املك الدودج رام 2010

[ROMEOOO]

السلام عليكم

أنا في الحقيقة في موضوع مهم جدا عاوز اعرف معلومات عنه و هو كل مايخص سير السيارات النقل الخفيف أكل من 2 أو 3 طن أو تسمى ايضا البيك اب في القاهرة خاصة ومصر عامة لأن والدي يملك ال dodge ram laramie crew cab

في الحقيقة لم يعترضني أنا أو والدي مشكلة بخصوص العربية ديه من بتوع المرور لكن ساعات كتير سواق والدي مثلا يوصلني مثلا وياخدها لو هيوصل حد تاني فـبيبقى ساعات لوحده وأول لما أمين شرطة يعرف انه سواق يبتدي يرخم عليه فأنا عاوز حد يقولي على كل القوانين عشان يعرفها السواق عشان امناء الشرطة بيستغله عدم معرفة الناس بالقوانين و كده فممكن يرخموا عليه

و لكن مثلا كنت أنا ووالدي مسافرين شرم الشيخ من 5 شهر تقريبا في العيد و كان ساعتها اوباما رايح شرم الشيخ فـكانوا منعين عربيات كتير من دخول جنوب سيناء و خاصة الاوتوبيسات و العربيات اللي فيها ناس رايحين يشتغله أي حاجة منغير عقد عمل مع شركة اللي هما بيسترزقو و كده فـمكنش حد بيعدي بسهولة المهم لما دخلنا على اللجنة أو النقطة ديه الظابط شاف الرخص وبعدها قال لوالدي (العربية ديه أحسن ولا الجيب العادية) فيعني مكنش مرخم المهم فأنا ووالدي مش بيقابلنا مشكلة لكن المشكلة مع السواق فارجو من أي حد يعرفني كل حاجة بخصوص الفئة دي من العربيات لكن ياريت عن علم لأن فيه ناس بتخلط بين النقل التقيل و النقل البيك اب اللي هي بتتساق برخصة عادية اللي هي زي العربيات ديه كده

Dodge ram













_________________________ _________________________ ________

Hummer H3T






_________________________ _________________________ ________
Hummer H2 sut






_________________________ _________________________ ________
Toyota tundra





_________________________ _________________________ ________
cadillac escalade ext







_________________________ _________________________ ________
GMC sierra





_________________________ _________________________ ________
Chevrolet silverado





_________________________ _________________________ ________
Chevrolet avalanche





_________________________ _________________________ ________
Ford f150





_________________________ _________________________ ________
Ford ranger






و في النهاية في رأيي افضل عربية فيهم الدودج رام و بعدها الكاديلاك و بعدها الشيفرولة افالانش

أما اللي شفتهم في مصر بعيني فهما الدودج رام بالتأكيد الشكل الجديد والقديم و هي اكثرهم انتشارا في مصر و شفت الهمر الاتش 2 sut عند الميريلاند و شفت عربية ويارتني ماشوفتها الفورد f150 في شرم الشيخ و هي منتشرة مع الاسرائليين شفت منها نمر سياسية عليها انابيب غطس وشفت نمر عادية الاتنين فـغالبا أي عربية كده في شرم بتبقى اسرائيلي ومعرفش اشمعنى فورد حاسس إن عشان هنري فورد مؤسس فورد يهودي صهيوني و يظهر انهم يشترون منتجاتهم باي طريقة حتى لو كان المنتج الأسوأ و طبعا مش كل اليهود صهاينة لكن فورد و كاتربيلر و شركات كتير في كل التخصصات صهيونية و شفت صورة كانت في المنتدى هنا أو منتدى تاني ناسي كان فيها الكاديلاك و كان مكتوب تحتها انها بتاعت السلاب أو حاجة كده مش متأكد وكانت ملاكي تقريبا و شفت كمان الشيفرولة الافالنش موديل 2002 سوداء في الساحل الشمالي زي دي







و ده كل اللي شفته عن الفئة ده من العربيات في مصر

لكم مني جزيل الشكر وفائق الاحترام والتقدير

[spider_amrdiab]

غالبااا العربيات دى مش بتترخص ملاكى عدا الهامر
فاللى انا اعرفه انه لغير الملاكى
العربية مش بينفع حد يسوقها غير مالكها
يعنى لازم صاحب العربية بس هو اللى يسوقها
انما لو مترخصه ملاكى عادى بتعامل معاملة العربية العادية خااااالص كأنها هيونداى فيرنا بالظبط
المشكلة مش فى العربية المشكلة فى رخصة العربية

[ROMEOOO]

المشاركة الأصلية كتبت بواسطة spider_amrdiab غالبااا العربيات دى مش بتترخص ملاكى عدا الهامر فاللى انا اعرفه انه لغير الملاكى العربية مش بينفع حد يسوقها غير مالكها يعنى لازم صاحب العربية بس هو اللى يسوقها انما لو مترخصه ملاكى عادى بتعامل معاملة العربية العادية خااااالص كأنها هيونداى فيرنا بالظبط المشكلة مش فى العربية المشكلة فى رخصة العربية

آه هي الدودج رام بتنزل عند التوكيل نقل و رسوم الملاكي اللي عليها في حدود 650 ألف جنيه ده تمن جمركها أو الفرق اللي يدفع عشان تبقى ملاكي فـطُظ في الملاكي

أما الهمر الاتش 2 sut اللي عند الميريلاند وإنت داخل على خليفة المأمون أو روكسي مترخصة نقل النمر لونها احمر في ابيض اللي مبتترخصش غير ملاكي واللي جابوها رجعوها بلدها بسبب كما الجمرك أو دفعوا جمركها بالكامل هي الكاديلاك escalade ext لأن لو لاحظت الشاسيه بتعها أساسا هو بتاع الكاديلاك escalade العادية وبيرخمو عشان الدعامة أو اليد اللي نزله على الجوانب بتاعت ال bed أو الصندوق بتاع العربية لكن اللي دخل افالانش ده دخلها عادي لأن زمان كان سهل دخول النقل أكتر من كده يعني احتمال 99% دلوقتي متنزلش دودج رام 2011 مصر ده على حسب كلام موظف التوكيل وهنا بنعمل الصيانة الدورية ان الجمارك رخمه لما لقوا كل الكماليات الرهيبة ده فيها و ان الناس بدأت تتجه ليها عشان موضوع ان شبه مفيش جمارك فـقاله للتوكيل لازم تشيل كل ده و تجيب الكابينة الاصغر اللي هي ال 4 أبواب بس الاصغر أو الاضيق لأن لاحظوا ان ناس كتير استغلت موضوع الدودج رام ده وبقت تشتريها شبه منغير جمارك من التوكيل الكلام ده حصل من شهرين و نص كان في نفس اليوم ده طلعوا قرار هيتنفذ قريبا إن ممنوع حد يدخل بعربية نمر جمرك لمدة 6 شهر زي الاول لأ خلوها شهرين وكمان مش لاي حد لأ ليلي معاه العقد أو الاثبات انه لسة شغال برة و جي أجازة بس عشان ناس كتير كأنه معاهم جنسية تانية أو اقامة فكانه بيستغله الموضوع ده لما يرجعو مصر يستقروا فبيدخلو العربية معاهم دلوقتي لأ كل ده اتلغى بيديقوا على الناس جامد عشان محدش يركب اعلى من 1600 سي سي جديد بسهولة و ده الخبر

http://www.youm7.com/News.asp?NewsID...=24&IssueID=65

اشكرك على المشاركة

تسلم ايدك علي الموضوع وبعدين فين التقرير اللي انتا قولت هتعمله عنها يا روميو ولا انتا نسيتنا يا روميو باشا

[خالدخليفة]

شوف العربية دى لو هيا مترخصة نقل هتلاقى مكتوب فى الرخصة الوزن والحمولة والابعاد وعدد الأفراد وكل شىء وبالتالى اى حمولة زائدة عن الحمولة المكتوبة فى الرخصة هيرخمو على السواق وهما عارفين ان العربية دى غالبا اصحابها من المرتاحين ماديا فلما بيشوفو شخص من شكله كده انه صاحبها بيسيبوه لكن لو حسو انه سواق عليها بيتراذلو عليه
وان كان السواق حمولته القانونيه سليمة وعدد الأفراد زى م هو فى الرخصة وماشى سليم ورخصه سارية محدش هيقدر يكلمه وملهومش حاجة عنده
ووصيه يخش فيهم شمال طالما ماشى قانونى
لكن لو مركب عدد افراد زيادة عن المكتوب فى الرخصة (اعتقد ده اللى بيحصل ) يبقى 10 جنيه تحل المشكلة
وهيا غالبا حمولتها اعتقد طن بالظبط