لمالكي و خبراء اسبرانزا A516 برجاء المساعدة

[hossamhussein0]

زملائي الاعزاء

اشتري خالي سيارة اسبيرانزا موديل 2008 عاملة 65000 كم بمبلغ 35000 ج وهو علي فكرة راجل ملتحي و بيشتري كده بالبركة و مالهوش في حوارات العربيات اصلا (ما يعرفش ان كانت رشه دواخل ولا لأ و كمان مالهوش في الفنيات اوي يعني يدوب بيسوق و خلاص ) المهم انه اشتراها من واحد معرفته و هو ملتحي ايضا و اللي خالي فاكره ان الراجل الثاني مكارمه في سعرها

مش ده موضوعنا،،، المهم خالي ده دكتور في السعودية و ساب العربية و سافر بعد شراؤها باسبوعين و طلب مني رعايتها بين الحين و الاخر علشان البطارية و الكاوتش و الكلام ده

المهم بقه يا اساتذه ، أنا لاحظت ان الموتور به رعشة كبيرة (كما لو كانت احدي قواعده مكسورة مثلا ) و كمان لمبة الصيانة بتنور وقت طويل طالما ان الدوارة سالنسيه و ساعات بتطفي و ساعات لأ ، و العربية بها تنتيش جامد عند التحرك بها علي سرعة بطيئة (بعد ما اشيل رجلي من علي الدبرياج ) وانا لسه علي الاول او حتي بعد ما اجيب الثاني بس علي سرعة بطيئة (20 - 25 كم مثلا) و عند كبس البنزين و الجري بتبقي زي الفل و مافيهاش تنتيش ولا حاجة

تفتكروا ايه سبب التنتيش ده ؟ و هل ده هوه العيب اللي انا قرأت عنه من ملاك اسبرانزا نفس الموديل و لا ايه ؟

و كمان بسمع صوت تزييق من الخلف مع المطبات ، فهل ده عادي ؟

و كمان بلاحظ ان الكيلومتر و الساعة اللي في التابلوه بتفضل القراءة باينه فيهم حتي بعد قفل الكونتاكت (الشاشة نورها بيتطفي بس الكلام مقروء و كانها ساعة يد مثلا ) فهل ذلك طبيعي؟

و كمان تحس كده و انت بتحرك عصاية الفتيس انها فيها بوش شوية ، يعني كده كانها عربية قديمة شوية مش عربية لسه 2008 و طارة الدركسيون مقشرة

كمان الكاسيت اللي راكب فيها ( كاسيت و سي دي كلاريون و حجمه كبير ) و مش مكتوب عليه اسبرانزا ، مش عارف ان كان بتاع الفبريكه ولا المالك السابق مغيره ؟ المهم انني مش عارف ابرمج الراديو بتاعه.

فهل من الممكن مساعدتي في ذلك و ابداء رايكم في السيارة و الملاحظات اللي فيها خصوصا و ان دي اول مرة في حياتي اركب فيها صيني عموما فمش عارف العربية هيه اللي وحشة و لا الملحوظات دي عادية و لا ايه

و علي فكرة العربية متهانة شويه من بره يعني واضح ان الفوانيس مغبشة و الاكصدام به تخييط بسلك بلدي لوجود بعض الكسور البسيطه فيه و الفانوس الامامي شمال بينه و بين الرفرف و الشبكة فرق حوالي 1 سم في كل اتجاه (تقريبا داخل لجوه نتيجة حادثة و سمكرة اي كلام ) او لان قواعده مكسورة الله اعلم انا بصراحة ما فتشتش فيها

امستني ارائكم

[alaa moh]

الى اقدر افيك فية ممكن التنتيش دة يكون بوجيهات - شيك عليها

[m.genedy]

احمد مهران
عليك وعلى احمد مهران
ح يجيب معاك م الاخر.. وبالتوفيق

[أحمد فاروق سيد]

المشاركة الأصلية كتبت بواسطة hossamhussein0 زملائي الاعزاء اشتري خالي سيارة اسبيرانزا موديل 2008 عاملة 65000 كم بمبلغ 35000 ج وهو علي فكرة راجل ملتحي و بيشتري كده بالبركة و مالهوش في حوارات العربيات اصلا (ما يعرفش ان كانت رشه دواخل ولا لأ و كمان مالهوش في الفنيات اوي يعني يدوب بيسوق و خلاص ) المهم انه اشتراها من واحد معرفته و هو ملتحي ايضا و اللي خالي فاكره ان الراجل الثاني مكارمه في سعرها مش ده موضوعنا،،، المهم خالي ده دكتور في السعودية و ساب العربية و سافر بعد شراؤها باسبوعين و طلب مني رعايتها بين الحين و الاخر علشان البطارية و الكاوتش و الكلام ده المهم بقه يا اساتذه ، أنا لاحظت ان الموتور به رعشة كبيرة (كما لو كانت احدي قواعده مكسورة مثلا ) و كمان لمبة الصيانة بتنور وقت طويل طالما ان الدوارة سالنسيه و ساعات بتطفي و ساعات لأ ، و العربية بها تنتيش جامد عند التحرك بها علي سرعة بطيئة (بعد ما اشيل رجلي من علي الدبرياج ) وانا لسه علي الاول او حتي بعد ما اجيب الثاني بس علي سرعة بطيئة (20 - 25 كم مثلا) و عند كبس البنزين و الجري بتبقي زي الفل و مافيهاش تنتيش ولا حاجة تفتكروا ايه سبب التنتيش ده ؟ و هل ده هوه العيب اللي انا قرأت عنه من ملاك اسبرانزا نفس الموديل و لا ايه ؟ قواعد موتور و بوجيهات و كمان بسمع صوت تزييق من الخلف مع المطبات ، فهل ده عادي ؟ أسبراى شحم حيخلص على الصوت ده و كمان بلاحظ ان الكيلومتر و الساعة اللي في التابلوه بتفضل القراءة باينه فيهم حتي بعد قفل الكونتاكت (الشاشة نورها بيتطفي بس الكلام مقروء و كانها ساعة يد مثلا ) فهل ذلك طبيعي؟ طبيعى ،،، هى كده و كمان تحس كده و انت بتحرك عصاية الفتيس انها فيها بوش شوية ، يعني كده كانها عربية قديمة شوية مش عربية لسه 2008 و طارة الدركسيون مقشرة رجلاش عصاية الفتيس كمان الكاسيت اللي راكب فيها ( كاسيت و سي دي كلاريون و حجمه كبير ) و مش مكتوب عليه اسبرانزا ، مش عارف ان كان بتاع الفبريكه ولا المالك السابق مغيره ؟ المهم انني مش عارف ابرمج الراديو بتاعه. تمام هو ده الفابريكه فهل من الممكن مساعدتي في ذلك و ابداء رايكم في السيارة و الملاحظات اللي فيها خصوصا و ان دي اول مرة في حياتي اركب فيها صيني عموما فمش عارف العربية هيه اللي وحشة و لا الملحوظات دي عادية و لا ايه و علي فكرة العربية متهانة شويه من بره يعني واضح ان الفوانيس مغبشة و الاكصدام به تخييط بسلك بلدي لوجود بعض الكسور البسيطه فيه و الفانوس الامامي شمال بينه و بين الرفرف و الشبكة فرق حوالي 1 سم في كل اتجاه (تقريبا داخل لجوه نتيجة حادثة و سمكرة اي كلام ) او لان قواعده مكسورة الله اعلم انا بصراحة ما فتشتش فيها أفتح الكابوت وبص قدام الردياتير حتلاقى كامه حديد أتأكد أنها سليمة مش معوجه امستني ارائكم

لو على الحاجات ده وبس
يبقى مفيش غير أحمد مهران
لأن واضح أن العربية متعملهاش صيانات دورية

[hossamhussein0]

أشكركم للرد و الاهتمام

بس مين احمد مهران ده ؟ و مكانه فين ؟

و هل سعر العربية ده سعر السوق (اللي فعلا بيتم البيع و الشراء عليه ) ولا زي ما بشوف الناس بتطلب 42 و 43 لنفس الموديل

و ياريت طريقة برمجة الراديووووووووووووووووووو وووو

و الف الف شكر