موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[sayed2077]

المشاركة الأصلية كتبت بواسطة ahmed_592005 قبل اي حاجه اشكر كل القائمين علي هذا الموضوع المفيد الحمد لله ربنا ةكرمني واشتريت 128 1300 موديل 90 ب16000الف بس فيه ناس كتيير قالتلي ان هي غاليه المشكله ان العربيه كل ما تيجي تطلع بيها العربيه مبتقومش بسرعه والمارش يفضل شغال لغاية ما البطاريه تنام المهم هنوديها لكهربائي علشان يشوف الدينامو (هل ممكن يكون بسبب ان انا لسه السواقه مش تمام؟) في ميكانيكي شاف العربيه وقالي ان العربيه بتترج جامد وهي طالعه وقالي ان ده بسبب الشاسيه فيه شروخات وممكن توسع بس قالي اتعلم عليها وبدع كده نبقي نغيرلك فردتين الشاسيه الاماميين وقالي ان فردتين الشاسيه الاماميين عايزين يتغيروا وهيخشلهم في حوالي900 جنيه بالسمكره

الله يكرمك اخى العزيز على كلامك الحلو وان شاء الله نكون عند حسن ظن الجميع

بص يا اخى مشاكل عربيتك دلوقت هنعملها بالترتيب
1:بالنسبه للسعر فهو جيد انا شارى عربيتى موديل 87 ب 16.5

2:بالنسبه لان العربيه مبتشتغلش على طول فده ممكن يكون ليه كذا سبب وهم كالاتى:-
أ:الابلاتين والكوندنسر عاوزين يتغيروا ودول ب 22 جنية وتركيبهم ب 20 جنية وده الاحتمال الاقوى
ب:طقم السرفيس تعبان بمعنى (بوجيهات سلوك بوجيهات )
وديه لازم تروح لميكانيكى كويس لان اللى معاك شكله عاوز يعمل شغل عليك

3:بالنسبه للاهتزازات اللى بتحصل وحضرتك طالع بالعربيه ممكن تكون لكذا سبب :-
أ:طقم الدبرياج فه حاجه غلط او فيه حاجه باظت وده بتروح طبعا تشوف ايه اللى فيه
ب:فعلا ممكن يكون عندك شروخات

ونصيحتى لييك لازم تتوجه لاقرب سمكرى فى اقرب وقت واوعى تسمع كلام الميكانيكى ده عاوز يوديك فى داهيه (لان يعنى ايه نسيبك تتعلم عليهم وبعدين نغيرلك فردتين الشاسيه بعدين )عارف ده هيبقى معناه ايه ان عربيتك بقت مشيسه و سعرها مش هيجيب 5تلاف جنية وعموما نصيحتى ليك كالاتى تروح عند سمكرى محترم وبيخاف ربنا يظبطلك الشاسيه ويلحملك كل الشروخات اللى فيه ويظبطلك الشاسيه على مقاس الفبريقه وبعدها فى نفس اليوم تروح لعفشجى يكشفلك على المساعدين لان طول ما المساعدين سليمة طول ما عمر العربيه ما يحصل فيها اى شروخات نهائيا
واوعى تستنى زى ما الميكانيكى اللى عاوز يوديك فى دهيه ده قالك وفى الاخر انت اللى هتشيل كل ده وهو مش هيحصله حاجه غير انه كسب منك مع العلم لحام الشاسيه وتظبيطه على مقاسات الفبريقه ولو المساعدين بايظه تجيب 2 استيراد نضاف مش هيخشله فى 500 او 600 جنية بالكتير اوووى وهيبقى العربيه معاك بحالة الفبريقه مش تروح تبوظ شاسيه العربيه بأيدك وفى الاخر انت اللى خسران واى حاجه حضرتك عاوز تستفسر عليها ده رقم تليفونى 01007490168 اتصل بيا وان شاء الله مفيش حاجه وانا مش عاوز من حاضرتك حاجه كله لوجه الله تعالى عز وجل فقط
اخوك فى الله سيد

[beshay]

الف شكر ليك على الرد السريع
وانشاء الله موفق فى دراستك
وانا هاعمل اللى قلت عليه وانشاء الله ابلغك باللى حصل

[ahmed_592005]

اشكرك يا بشمهندس سيد علي الرد السريع
ورقمك اناسجلته ولو فيه حاجه هكلمك ان شاء الله
واذكرك بقول الرسول صلي الله عليه وسلم
كان الله في عون العبد ما دام العبد في عون اخيه
ربنا ان شاء الله يجزيك خير علي عملك ان شاء الله

:GR OWIN~12:

[farouk89]

السلام عليكم

في صوت عالي قوي طالع من الشكمان وبصيت كده عليه فيه خرم صغير في الحته اللي شبه الشكل الاسطواني ده فهل لازم يتغير ولا يتلحم عن بتاع شكمانات وتكلفته قد ايه

[sayed2077]

المشاركة الأصلية كتبت بواسطة farouk89 السلام عليكم في صوت عالي قوي طالع من الشكمان وبصيت كده عليه فيه خرم صغير في الحته اللي شبه الشكل الاسطواني ده فهل لازم يتغير ولا يتلحم عن بتاع شكمانات وتكلفته قد ايه

ما دام الخرم صغير يبقى يتلحم مش هيكلفك اكتر من 20 جنية مثالا
وعموما الشكمان كامل ب 150 جنية بكتيرة بس ما دام الخرم صغير يبقى خلاص يتلحم وهيبقى زى الفل ان شاء الله