موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[sayed2077]

المشاركة الأصلية كتبت بواسطة kammash0o حبيب قلبي أنا بشكرك جدا علي خبرتك الجامده ديه خصوصا في الفيات 128 وأن شاء الله أحنا أخوات وأصحاب لان معرفه الناس كنوز بسم الله الرحمن الرحيم " وَجَعَلْنَاكُمْ شُعُوبًا وَقَبَائِلَ لِتَعَارَفُوا " صدق الله العظيم أحب أبتدي كلامي بذكر الله وبعدين أوضح إلي أنا عملته ! أنا عملت كل إلي يخطر علي بالك من الخطوات إلي فاتت لدرجة أني بجيب المسمار أصلي من أنصاص عربيات سليمة و وكمان قطع الغيار الأكثر ألماني ويليها الإيطالي طبعا يايات سبورت مع مساعدين منرو و طقم طنابير كامل إيطالي يعني عفشة 100% جرند نيو ومتقفله علي مزاج مزاجك . بالنسبه للمكنه أنا معايا مكنه 1300 مش هقول غير أني لما بشغلها الميه بتنزل منها زي المكن الحديث بالظبط . أما بالنسبه للشاسيه عربيه إستيراد زيرو من الداخل و أنا إلي راششها نظافه من الخارج ومش أي رش بمعني أني رشيت وبعدين سحقت وبعدين لمعت وبعدين سحقت تاني وبعدين رشيت تاني كمان وبعد كده سحقت وفي النهايه لمعت عشان البويا مش تطفي نهائيا من العربيه . طبعا أنا ساكن في منطقه تعتبر زي الحرفيين أسمها عزبه عبد اللطيف علي طريق الزرقيه في الزقازيق وده خلاني أكون معارف من الصنيعيه التوب في الزقازيق كلها وكمان شفها حوالي 7 صنيعيه متخصصين في السمكره والحمد لله كلو أعجب بيها لدرجه أني أتحطلي فيها 28 ألف وأنا لحد دلوقتي مش راضي . مجهودي فيها كبير قوي قوي ويمكن مش بشوف بيتي بسبب العربية ديه . كمان بالنسبه للثبات ، أنا مركب طقم جنط 14 بكاوتش سرعات زيرو ومهبط العربية من قدام ومن وراء وكمان مركب صدادات مرسيدس أصلي لقدام ووراء عشان الصدادات ديه بتشتغل شغل المساعد التاني لان طبعا المرسيدس في السرعات بتنزل لمستوي أقل من إلي هيا عليه وهيا واقفة وبيكون المساعد تقريبا شبه مضغون فبالتالي بتحتاج حاجه تشتغل شغل المساعد في السرعات عشان مش تحس بالمطبات وطبعا عشان لو أي حد عايز يعرف سعر الصدادتين الأصلي هما 90 ج وفي منها 40ج النوع الضعيف منها وأنا بنصح إلي يجيب يجيب إلي سعرها 40ج لان طبعا 128 غير المرسيدس في التقل في السرعات . تعني أنا الحمد لله مخلي العربية مجهزه للسفر لاي مكان . والحاجه التانية أنا مركب شدادين تحت العربية وشداد بين البطحتين عشان علب الشاسية مش تفتح في السرعات وبالتالي أحافظ علي العربية في السرعات وعشان كمان تقل الزبزبه إذا لاقدر الله وجد شروخ في الشاسيه . وأخيرا أنا بعد مجهود عرفت أني الترصيص إلي أنا عملته كان ولا ليه ريحة اللازمه وده طبعا لاني رصرصت وبعدين غيرت الطنابير الأماميه وغيرت كبالن أماميه برده وده كله السبب في المشكله إلي كنت أنا فيها فكان المفروض الحل ليها أني أرصرص تاني وكمان أظبط زوايا والسبب >>>>>>>>>>> لان الطنابير القديمة كان فيها ريجه وريجه معناها وجود علو ووطي وأنعواج بسبب غسل الجنط وهو ساخن وده بيأدي إلي تلف الطنبوره وطبعا ممكن واحد يقولي مهو ممكن نخرطها أو نمسحها عند الخراط وأنا برد عليه وبقوله ده غلط 100% لأن الهزه عمرها مهتروح لأن الخراط نسبة نجاحه فيها لا تتعدي ال 70% يعني فعلا هوا بيمسحها ولاكن بيكون فيها 30% إهلاك والإهلاك ده بيكون بسبب وجود ملي أو 2 ملي ساعه المسح أو الخراطه وال 1مم ده في السرعات بيكون 10مم أهتزاز وده طبعا خطر جدا لانه بيهز العربيه كلها وبيأثر علي القواعد والكبالن والبطاحات والشاسيه وده أخطر حاجه لما يكون معاك عربيه جديده أو لسه خارجه من تجديد . فأنا بنصح أي صاحب عربية 128 أنو يهتم بيها بجد لان العربية ديه لما بتكون جديده فعلا بتكون أجمل من الحديث أكثر أمان . وده ممكن يكون لاني صاحب عربيه 128 وحاسس أنها أحسن عربيه في الدنيا ولكن بجد بيت المهمل يخرب قبل بيت الالم علي رأي المثل بمعني أن الأهمال بيسبب في خسارة المال والندم ولكن الأهتمام بالشيئ بيضمن سلامتك وسلامة إلي معاك ولكن بالمعقول . وأنا بشكرك جدا جدا جدا يا سيد بجد علي أهتمامك ووأن شاء الله أنا هعرض كل حاجه أنا بعملها وهحاول أتابع عشان لو في حل أتعمل فعلي مني وأنفع بيه أي صديق من أصدقائنا إلي في المنتدي هنا والله الموفق ،،،

ياباشا ربنا يخليك وفعلا ال128 عربيه جميلة جدااا بس للى يهتم بيها وللاسف الشعب المصرى بيبقى اغلبه عاوز يحلب الحاجه ويشفوطها وكمان مش عاوز يصرف عليها زى مثلا قصة الراجل اللى قولتها قبل كده فى المنتدى اللى كان معاه 127 وسير الدينموا بقى بيصفر واتهرى خلاص يقول للكهربائى شدهولنا شويه الكهربائى يقوله السير مشدود يا حج على الاخر يقول طيب معلش حاول معاه يقوا ياحج السير على اخره يقوله طب حط زيت على السير هههههههههه اه والله زى ما بقولك والحكاية مش مستهله كل ده الحكاية كلها هيروح يشترى سير ب 8 جنية وخلص الكلام بس ازاى يشترى سير والسير لسه متقطعش فزى ما بقولك ان مادام بتصرف على الحاجه هتديك اللى انت عاوزه ومش هتبخل عليك

وياباشا انا يشرفنى معرفتك وانا على فكره زى اخوك الصغير انا لسه 18 سنه فاعتبرنى زى اخوك الصغير وربنا يديم المحبه ما بينا ان شاء الله

اخوك فى الله سيد

[farouk89]

يا جماعة انا لسه جي من عند الميكانيكي كنت بظبط الفرامل وركبت طنابير خلفي جداد بس لحظت حاجه فالعربيه ان اللمبه بتاعة الحرار لما بتنور بتفضل شغاله مبقتش تنور وتطفي زي الاول فخايف يكون درجة حرارة العربية بيعلي جامد حد يعرف المفروض اعمل ايه الوقتي

[sayed2077]

المشاركة الأصلية كتبت بواسطة farouk89 يا جماعة انا لسه جي من عند الميكانيكي كنت بظبط الفرامل وركبت طنابير خلفي جداد بس لحظت حاجه فالعربيه ان اللمبه بتاعة الحرار لما بتنور بتفضل شغاله مبقتش تنور وتطفي زي الاول فخايف يكون درجة حرارة العربية بيعلي جامد حد يعرف المفروض اعمل ايه الوقتي

بص يا استاذ فاروق لمبة الحرارة اللى فى العداد ديه بتاخد معلوماتها منين يعنى ايه اللى بيقولها نورى علشان درجة الحرارة عالية اللى بيقولها نورى ده حاجه اسمها صباع الحرارة وحضرتك بتلاقيه راكب فوق منطقة البوجيهات او تحتها فى الماتور المهم انه فى المنطقة ديه المهم حضرتك حضرتك اللى هتعمله كالاتى

حضرتك اكيد راكن العربيه دلوقت ومعنى ان حضرتك راكنها دلوقت ان العربيه بكره الصبح هتبقى بارده تماما اوك كده حضرتك هتيجى والعربيه بارده تماما كده تفتح كونتكت وليس انك تدور الماتور يعنى كل اللى هتعمله تفتح كونتكت بعد كدا تشوف اللمبة نورت ولا لا لو نورت يبقى احنا كده عرفنا ان المشكله دلوقت مش مشكلة سخونية كده عرفنا ان المشكله فى دايرة اللمبة بتاعت الحرارة فاول حاجه حضرتك هتعملها لو بعد ما فتحت كونتكت ولقيت اللمبة منوره هتفتح الكبوت وبعد ما تفتح الكبوت هتشوف فين صباع الحرارة اللى بقول لحضرتك عليه ده هتلاقى المفروض راكب فيه سلكه واحده بس ديه هى اللى بتبقى راكبه فيه شوف كدا السلكه ديه راكبه ولا مش راكبه وهل لو راكبه مقطوعه ولا السيلك متوصل تمام وتحاول تهزها يمين شمال لو السلكه بعد ما ركبتها صح او هزتها تروح وتفتح كونتتكت تانى وتشوف لمبة الحرارة فصلت ولا لا لو فصلت يبقى كده عرفنا ان المشكله مشكلة سلكه وهزيناها وخلاص لو مفصلتش يبقى احنا نتجه ان صباع الحرارة اللى راكب عندك خلاص كده باظ فهتجيب صباع حرارة بتاع 128 لمبة وليس مؤشر لان فيه نوعين فى السوق صباع حرارة للمؤشر اللى بيقولك درجة الحرارة بالظبط كام والنوع التانى زى اللى راكب عند حضرتك اللى هو لمبة المهم صباع الحرارة اللمبة ده ب 20 جنية بس على فكره حضرتك حاول تشترية من تاجر امين لان نسبة 90% من صوابع الحرارة اللى فى السوق مضروب المهم دلوقت جبت الصباع الجديد تشيل القديم بمفتاح 19 على ما اظن المهم شيل الصباع القديم وركب الجديد ووصل السلكه اللى بتبقى راكبه فيه وافتح كونتكت وشوف ايه الاخبار وان شاء الله يشتغل تمام

ولكن لو انت جيت تفتح كونتكت الصبح والعربيه بارده ولقيت اللمبة طافيه يبقى حضرتك تشغل العربيه عادى جداااا وتستعملها وتشوف اللمبة لو نورت هتطفى ولا لا لو بقت تطفى وتشتغل زى الاول يبقى خير وبركه مبقتش تتطفى ومره واحده نورت يبقى حضرتك تركن على جنب وتبقى محضر فوطه فى ايدك وتنزل تفتح غطا الردايتير بالفوطه ولازم تفتحه بالفوطه علشان لو المايه بتغلى متحرقش ايدك وتشوف وانت بتفتح غطاء الردايتير بالفوطه المايه عادية ومش بتفور من الغليان ولا اول ما تفتح الردايتير هتلاقى فوران من كتر غليان المايه لو لقيت المايه بتغلى يبقى كده عرفنا ان المشكله مشكلة سخونيه لو مش بتغلى يبقى كده حضرتك تروح عند اقرب كهربائى يراجع لك على التوصيلات لان ممكن يكون فيه ماس وهو اللى منور اللمبة
والله اعلى واعلم

[farouk89]

المشاركة الأصلية كتبت بواسطة sayed2077 بص يا استاذ فاروق لمبة الحرارة اللى فى العداد ديه بتاخد معلوماتها منين يعنى ايه اللى بيقولها نورى علشان درجة الحرارة عالية اللى بيقولها نورى ده حاجه اسمها صباع الحرارة وحضرتك بتلاقيه راكب فوق منطقة البوجيهات او تحتها فى الماتور المهم انه فى المنطقة ديه المهم حضرتك حضرتك اللى هتعمله كالاتى حضرتك اكيد راكن العربيه دلوقت ومعنى ان حضرتك راكنها دلوقت ان العربيه بكره الصبح هتبقى بارده تماما اوك كده حضرتك هتيجى والعربيه بارده تماما كده تفتح كونتكت وليس انك تدور الماتور يعنى كل اللى هتعمله تفتح كونتكت بعد كدا تشوف اللمبة نورت ولا لا لو نورت يبقى احنا كده عرفنا ان المشكله دلوقت مش مشكلة سخونية كده عرفنا ان المشكله فى دايرة اللمبة بتاعت الحرارة فاول حاجه حضرتك هتعملها لو بعد ما فتحت كونتكت ولقيت اللمبة منوره هتفتح الكبوت وبعد ما تفتح الكبوت هتشوف فين صباع الحرارة اللى بقول لحضرتك عليه ده هتلاقى المفروض راكب فيه سلكه واحده بس ديه هى اللى بتبقى راكبه فيه شوف كدا السلكه ديه راكبه ولا مش راكبه وهل لو راكبه مقطوعه ولا السيلك متوصل تمام وتحاول تهزها يمين شمال لو السلكه بعد ما ركبتها صح او هزتها تروح وتفتح كونتتكت تانى وتشوف لمبة الحرارة فصلت ولا لا لو فصلت يبقى كده عرفنا ان المشكله مشكلة سلكه وهزيناها وخلاص لو مفصلتش يبقى احنا نتجه ان صباع الحرارة اللى راكب عندك خلاص كده باظ فهتجيب صباع حرارة بتاع 128 لمبة وليس مؤشر لان فيه نوعين فى السوق صباع حرارة للمؤشر اللى بيقولك درجة الحرارة بالظبط كام والنوع التانى زى اللى راكب عند حضرتك اللى هو لمبة المهم صباع الحرارة اللمبة ده ب 20 جنية بس على فكره حضرتك حاول تشترية من تاجر امين لان نسبة 90% من صوابع الحرارة اللى فى السوق مضروب المهم دلوقت جبت الصباع الجديد تشيل القديم بمفتاح 19 على ما اظن المهم شيل الصباع القديم وركب الجديد ووصل السلكه اللى بتبقى راكبه فيه وافتح كونتكت وشوف ايه الاخبار وان شاء الله يشتغل تمام ولكن لو انت جيت تفتح كونتكت الصبح والعربيه بارده ولقيت اللمبة طافيه يبقى حضرتك تشغل العربيه عادى جداااا وتستعملها وتشوف اللمبة لو نورت هتطفى ولا لا لو بقت تطفى وتشتغل زى الاول يبقى خير وبركه مبقتش تتطفى ومره واحده نورت يبقى حضرتك تركن على جنب وتبقى محضر فوطه فى ايدك وتنزل تفتح غطا الردايتير بالفوطه ولازم تفتحه بالفوطه علشان لو المايه بتغلى متحرقش ايدك وتشوف وانت بتفتح غطاء الردايتير بالفوطه المايه عادية ومش بتفور من الغليان ولا اول ما تفتح الردايتير هتلاقى فوران من كتر غليان المايه لو لقيت المايه بتغلى يبقى كده عرفنا ان المشكله مشكلة سخونيه لو مش بتغلى يبقى كده حضرتك تروح عند اقرب كهربائى يراجع لك على التوصيلات لان ممكن يكون فيه ماس وهو اللى منور اللمبة والله اعلى واعلم

ان شاء الله هنفذ كل ده بس عشان انا مكنتش قريت التعليق قبل ماطلع بيها الصبح فانا هسبها تبرد وهجرب الي انت قلت عليه بس انت معلقتش ان الطنابير الجديده ممكن تسخن العربيه ولا لا وفي حاجه كمان نسيت اقولها اني غسلت الماكنه عشان كنا عاوزين نشوف فيه تسريب زيت ولا لا والحمد لله مفيش فممكن ده يكون عمل حاجه فالكهربا او صوباع الحرار زي مابتقول علي العموم جاري العمل بنصحتك وربنا يخليك لينا يارب والله نفسي نبقي اصدقاء

[farouk89]

المشاركة الأصلية كتبت بواسطة farouk89 ان شاء الله هنفذ كل ده بس عشان انا مكنتش قريت التعليق قبل ماطلع بيها الصبح فانا هسبها تبرد وهجرب الي انت قلت عليه بس انت معلقتش ان الطنابير الجديده ممكن تسخن العربيه ولا لا وفي حاجه كمان نسيت اقولها اني غسلت الماكنه عشان كنا عاوزين نشوف فيه تسريب زيت ولا لا والحمد لله مفيش فممكن ده يكون عمل حاجه فالكهربا او صوباع الحرار زي مابتقول علي العموم جاري العمل بنصحتك وربنا يخليك لينا يارب والله نفسي نبقي اصدقاء

سيد باشا انا عملت الي انت قلتيلي عليه والعربيه بارده فتحت الكونتكت وانا بفتحه اللمبه رعشت خفيف قوي بس اول ماجبت الموفتاح علي الكونتكت مفيش حاجه منوره ومشيت بالعربيه تقريبا واللمبه منوره حوالي اربعين دقيقه كل ده وهيه مطفتش وركنت وفتحت الرداتير ولقيت الميه سخنه بس مش بتغلي يعني انا مش قادر المسها بس مش بتغلي مش عارف كده تبقي سخنه ولا لآ المهم جنب البيت عندنا ميكانيكي بس مش بتعامل معاه بس مقدرتش بقي مقولوش شوفلي كدده العربيه سخنه عشان موضوع اللمبه ده ولا لأ راح شاف الميه وبعدها نفخ فالقرربه لقاها بتودي ميه للرداتير وبعديت قالي مظبوطه مفيش سخونيه ده اكيد من الترموستات الي تحت الرداتير عاوزه تتغير فشوف انت ايه رايك