هل من العيب ان تغسل سيارتك بنفسك ؟؟؟؟؟؟

[Felefel Ahmed]

السلام عليكم
لما بيكون عندي وقت فاضى بيكون متعه اني اغسل العربيه بنفسي
شمر يا معلم و أوصل الخرطوم (وأديلو أدي)( وأدي جامد)
وجنبى جردل فيه شور جيل جيبه للعربيه (محدش يضحك مش فرفره) ده سعره زي الفيري العادي بس الميزه مش بيجير (اصل العربيه كحلي)
بس لما بكون فى بيتي فى الأسكندريه صعب أني انزل من الدور الخامس بجردل فبسيبها حتى ارجع القاهره وأشمر برحتى

ملحوظه لما تغسل عربيتك بنفسك بتنظفها احسن من البنزينه مليون مره ده غير شعور حلو كده مش عارف اكتبه + انت عارف فين الحتت المتوسخه أوي جوه العربيه مش زي البنزينه تحس انك بتشحت منه وتسيبله 5 جنيه وبرده زيك زي أي واحد

[diaahsn]

المشاركة الأصلية كتبت بواسطة momen_bondok بسم الله الرحمن الرحيم هل من العيب أو من الحرام أن تقف تغسل سيارتك بنفسك ! بعض الناس يقولون بالمال تفعل ما تريد يعنى اى حد يغسلها بمبلغ معين ونخلص ! وناس تقول هيبقى شكلك وحش قوى لما تكون واقف فى الشارع تغسلها واللى رايح واللى جاى يتفرج عليك ! كل ما فى الامر انى احببت بأن ارئ رأيكم فى هل تستطيع أن تغسل سيارتك بنفسك مهما كان مركزك الأجتماعى ؟؟؟ فى انتظار التعليقات

انا افضل اغسلها بنفسى لو كان المكان والوقت ملائمين

[momen_bondok]

المشاركة الأصلية كتبت بواسطة Felefel Ahmed ملحوظه لما تغسل عربيتك بنفسك بتنظفها احسن من البنزينه مليون مره ده غير شعور حلو كده مش عارف اكتبه + انت عارف فين الحتت المتوسخه أوي جوه العربيه مش زي البنزينه تحس انك بتشحت منه وتسيبله 5 جنيه وبرده زيك زي أي واحد

فعلا كلامك صح لان عامل البنزينة واخد الموضوع على إنة شغل بحت وعايز يخلص عربيتك علشان يشوف غيرك
جزاك الله خيراً على المشاركة

[esafegypt]

غسيل السيارة شئ ممتع وخصوصا فى الصيف يااااااااااه انا كل اسبوع فى الصيف بغسلها غسله وفى اوقات مرتين فى الاسبوع
لكن فى الشتاء الموضوع بيكون صعب علشان البرد وكمان انعدام الوقت بس طبعا قبل العيد وفى ايام العطلات والجمعة بغسلها
انا الاول كنت مبعرفش امسحها حتى كويس لكن بعد ما شوفت المتخصصين بيغسلوا العربيات ازاى اتعلمت منهم والان ممكن اغسل العربية واخليها بتلمع ب 4 زجاجات مياه 4 لتر ههههههه

وفى طريقة سريعة بغسل بيها العربية لما بكون مستعجل
1- تمسح العربية بفوطة ناشفة جيدا من اى تراب
2- تجيب فوطة نظيفة وتبلها كويس ويكون معاك 2 زجاجه فيها مياه ايضا
3- تبداء ترش المياه من الزجاجه الاولى على جميع اجزاء السيارة رش خفيف علشان الزجاجه تكفى كل السياره وبعد كده تاخد الفوطة النظيفة اللى بلناها بالمياه من قبل وتمسكها باليد اليمنى وباليد اليسرى تمسك الزجاجه الثانية وتبداء من الجنب الشمال ترمى مياه وتنظف بالفوطة وتمشى على الجنب كله وهكذه فى كل الجوانب ولما تخلص تعصر الفوطة كويس من اى مياه وتنشف السيارة

الموضوع ده موش بياخد معايا 10 دقائق بالظبطت وهى اسرع وسيلة لغسل السياره للناس اللى موش فاضية لكن لو فاضى وعندك وقت يبق تنزل بالجردل وتظبطها بأه وتعيش اللحظة

[حسن بكر]

الأستاذ / مؤمن أولا : تحياتي لك ولجميع أعضاء المنتدى الأفاضل .
ثانيا : ما العيب في ذلك . ثم إذا كان هذا يحرجك فلا داعي منه . وإذا لم تهتم بحاجياتك الشخصية بماذا ستهتم ؟ هذا رايي . أنا شخصيا أشتريت فرشاه لمسح السيارة وأمسحها بصفة دائمة لكي تكون نظيفة دائما لأن نظافة سيارتك يدل على شخصيتك . وكنت منذ فترة لا أتحرج من مسح أو غسيل السيارة مع أني أمتلك شركة كمبيوتر وكنت أقوم بذلك أمام الشركة . وبعد أن تعبت صحيا أقوم بغسلها في الجراج أو في المغسلة لأنني حاليا لا أقوى على ذلك . فافعل مالا يحرجك ولا يضعك في موقف صغير أمام نفسك أولا ثم أمام الناس . ولك تحياتي