شكر و طلب

[اســـ من اسكندرية ـــامة]

بسم الله الرحمن الرحيم

بداية أحب اشكر الناس الجميله الى هنا و بالذات :
؛ Injection ؛و Jack Box و
nktis
انا هنا قاعد اتابع مواضيعكم من امبارح بالليل بس
لكن تقريبا عديت 6 ساعات قراءة من غير ما احس , و اخدت معلومات كتير منكم فى الفتره القليله دى منكم و من باقى الاعضاء
المميز فيكم الله يحفظكم روح التعاون و كأنكم فى عشره ما بينكم من سنين , حابب فعلا انى اشارك فى جو زى ده ...
بالنسبه للطلب :
انا طالب جامعي فى كلية هندسة و المواصلات بتضيع عليا وقت كتير جدا
علشان كده بقالى حوالى اسبوع نازل زن عليهم فى البيت انى اجيب موتسكل و ان شاء الله قريب هيضعفوا

دلقوتى عاوز نصيحه لواحد مش ركب موتسكلات قبل كده :
اجيب موتسكل بينيلي و معاه طقم Safety
ولا اجيب موتسكل بجاج - فى انواع حاسسها ممتازه لسه فى اول السنادى نازله ,
او ممكن موتسكل هوندا مستعمل 250 و يبقى الطقم يجى بعدين

انا هنا من كلامكم بتوقع ان الاجابه تكون هوندا بس انا مش عارف ليه
يعنى مثلا ايه الى هيميز هوندا مستعمل عن بجاج جديد
بتمنى يكون فى الاجابه تفاصيل زى دي
متشكر ليكم كتير جدا

[nktis]

يا باشا كفايه اطرائك و ذوقك .,,,.
الاول ميزانيتك كام .؟؟؟. عشان تعرف هتجيب يباني افراج و لا استعمال .؟؟؟.
للاسف السوق عليه زفت اليومين دول و المكن غالي ( مكنه 250 95 بس حالتها حلوه صاحبها طالب 19 ) فما بالك لو حبيت تجيب افراج .؟؟؟. و طبعا ده بسبب الاقتصاد ربنا يسترها علي البلد لان بنظام الغلاء ده مش هنعرف نعيش ...
طبعا هناك فرق كبيررررررررررررررررر بين اليباني و الهندي و تقليد البنيللي .,,,. بس ده لا يمنع من جوده البجاج او البنيللي .,,,.
يا تجيب يباني حاله فوق الممتازه و افضل تكون افراج .,,,. عشان متتعبش مع الميكانيكيه او .؟؟؟.
فيه مكنه بجاج بيشكروا فيها جااااااااااااامد و هي بولسار 200 اس ان و البنيللي كام واحد زبائن ركبينها برده مكنه حلوه .,,,. فدول كدا يعيشوا معاك افضل كتير من الصيني .,,,. بس لو هتجيب هوندا يبقي نصيحه اتعلم سواقه الموتسيكلات اولا عشان لا يفضل انك تتعلم علي يباني مش عشان حاجه بس عشان قطع غياره اغلي و اندر من الهندي .,,,. و ربنا يوفقك ...

[myson medo]

ان شاء الله حد يفيدك