|
#1
22-10-2015, 02:10 AM
|
||||
|
||||
ارتجاع المرئ
السلام عليكم . بقالى كتير عاوز اكتب الموضوع ومكسل لكنى حسيت بالذنب لان ربما فيه حد عنده نفس المشكلة . المهم الموضوع ابتدى عندى من زمان وانا لسه فى العشرينات كانت بتجيلى حالة وانا نايم الاقى نفسى فجأة صحيت على حرقان جامد فى زورى مع الوقت ابتدى الموضوع يزيد . طبعا اتجوزت وبقى الاكل كل يوم شكل لان الزوجة طبعا عاوزة تبين شطارتها وابتدى الموضوع يزيد ابتديت اسأل المعارف والاصدقاء ولاول مرة اسمع كلمة ارتجاع المرئ وده اسمه واخدت بعض النصايح ( طبعا انا كنت باكل كل حاجة من اول البيتزا لحد الكوارع والكرشة ) طبعا النصايح بلاش اكل مسبك بلاش تاكل وتنام على طول وكده وكنت بصراحة ساعات بطنى تغلبنى واكل متأخر فكنت يا اما اخد فوار يا اما افضل صاحى للصبح وطبعا كان وزنى زايد وعندى كرش محترم .
ومرت السنين وعديت الاربعن بشوية وجه رمضان اللى فات طبعا صيام وباكل براحتى وكان الارتجاع ده راح بقاله فترة المهم اتسحرت فى يوم ونمت وبعد 3 ساعات كده صحيت فجأة لكن ياجماعة مقلوكوش صحيت على كحة رهيبة و مش عارف اخد نفسى لا من انفى ولا بقى وتقريبا كنت خلاص باخلص فضلت ثوانى احاول اتشاهد وبعدين برحمة ربنا اخدت نفسى تانى وقعدت فى ذهول مش عاوز اطول عليكم رحت الاول لدكتور صدر( وهنا الغلطة لانى ظنيت ان الكحة دى هى سبب الخنقة ) طبعا كشف عليا لقانى تمام وكتب لى شوية حاجات احتياطى . للاسف الكحة كانت بتزيد بشكل غريب وانا تفكيرى مراحش للارتجاع خالص . المهم لما الحالة ساءت اكتر نصحنى الاصدقاء بالتوجه لدكتور باطنة وفعلا كشف عليا وقالى كل اللى عندك ده ارتجاع المرئ والارتجاع زاد وأثر على الحنجرة فعمل كحة مزمنة وبالتالى بيسبب اختناق وادانى دوا اسمه كونتورلك دوا المانى بيمنع العصارة المعدية وكمان دوا اسمه جافيسكون وامرنى بالاتى 1 لازم اخس 2 تنظيم الاكل (مفيش دهون ولا حلويات ولا بهارات ولا اكل مسبك ولا مياه غازية واى حاجة حمضية لا يعنى مثلا النعناع والشاى والقهوة وحتى الطماطم لا 3 اخر معاد للاكل الساعة 7 4 تنام رافع راسك ( على فكرة قعدت اسبوع انام على كرسى ولكن ده سبب لى تورم فى القدم والله كنت بحسد النايمين طبيعى) المهم طبعا المرة دى نفذت الكلام بالحرف . لكن عاوز اقول ان التحسن كان بطئ خصوصا حنجرتى كانت ضايعة لكن الحمد لله كان فى فوائد كتير يمكن اهمها قربت لربنا اكتر لانى شفت الموت بعنيه وعرفت اد ايه الدنيا ممكن نسبها فى لحظة وكمان عسى ان تكرهوا شيئا لان الموضوع ده عملى فايدة كبيرة اوى وهى تخسيس جسمى وده ان شاء الله هعمله فى موضوع تانى ان شاء الله
__________________
لا اله الا انت سبحانك انى كنت من الظالمين 
|
|
#2
22-10-2015, 10:54 PM
|
||||
|
||||
|
رد: ارتجاع المرئ
الف حمد الله علي سلامه حضرتك
و عشان اطمن حضرتك نسبه كبيره جداااااااااااااا من المصريين مصابين بامراض الجهاز الهضمي و الحموضه و ارتجاع المريء و ده بسبب نوعيه الاكل و عادات غلط و السمنه , و كتيرررررررررر شفت حالات لوز و يشتكي من زوره و يكشف و ياخد علاجات و مضادات حيويه كتيررررره و مفيش ادني تحسن و بيكون السبب هو ارتجاع حامض من المعده للمريء وة بيوصل للحنجره و لكونه حامض فبيأثر علي الحنجره و بتتشخص غالبا لوز لكن الطبيب الشاطر اللي بيدردش مع مريضه بيعرف انها حموضه زائده , و اخيرا شكرا لنقل تجربتك و حمد الله علي السلامه مره تانيه
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#3
23-10-2015, 01:20 AM
|
||||
|
||||
رد: ارتجاع المرئ
__________________
لا اله الا انت سبحانك انى كنت من الظالمين
|
|
#4
24-10-2015, 12:35 PM
|
||||
|
||||
|
رد: ارتجاع المرئ
الحمد لله على سلامه حضرتك
يسر الله لك الشفاء العفو العافية كل الشكر والتحية لنقل التجربة كاملة لعل ذلك يكون سبب فى إنقاذ مريض حائر آخر
__________________
|
 |
|
|
