يخرب بيت الانفلات الامني اللي عملته الثورة!!! البلد راحت!!!

[تامر ديزل]

فيه حاجه كمان لازم اقولها
يمكن حد يفهمها غلط او يقول الدنيا متكهربه وانتجاي تقول كده
بس لو قريتوها بهدوء ممكن توصلوا لحقيقه مهمه جدا
النهارده لفظ الثوره بقى لفظ اساسي في كل الكتابات واللقاءات الحوارات والتوك شو وحتى اسماء المحلات
كله ثوره
وخصوصا الكتاب المحترمين بتوعنا
كل واحد عمال يتشدق بالثوره
هاقول ايه مهو اكل عيش
لازم كل صباح البهوات يتحفونا بمقال لكل بيه منهم ماهو لو ماقالش مش هايقبض مرتبه من الجورنال اللي شغال فيه
وسلملي ع اللي مصدق ان دول ليهم رساله ساميه وبيوصلوها لنا
يقول ايه مش مهم ....... المهم يقول عشان يفضل مستمر وياكل عيش
النهارده الثوره لوه بكره ملعون ابوها بعده علامات استفهام بعد بعده مقال كوميدي
ولو كتب فيلم فارغ ماشي المهم البريزتين
مين يقرا والناس هاتولع ف بعض مش مهم
اي بقين يحصل من وراهم فتنه مش مهم
لما يتزنق الصحفي يقول ده خبر وانا ناقله و ليا مصادري
او يعمل زي هيكل لما خدته الجلاله واتمعظم واتكلم عن المخلوع والناس هللت وقالت يخرب بيت كده
اهو هيكل ده هوا اللي هايفضح مبارك
اتزنق
قال ايه
قال انا كنت باتكلم من واقع مصادر وتقديرات اجنبيه وكلها توقعات وخرج من التحقيق بيضحك
خلاصة الكلام ده كله اكل عيش
وعيب اننا نتخانق علشان دول ياكلوا عيش على قفانا
ماحدش يزعل وماحدش يقول ايه اللي جاب الكلام ده لموضوعنا
اقرا بهدووء وانت تعرف ان ده هوا موضوعنا

[alhoda]

المشاركة الأصلية كتبت بواسطة mmffor يخرب بيت الثورة يا شيخ: نشره بتاريخ 20 Sep, 2011 الساعة 10:49 فى 12 بصراحة، علينا أن نعذر الناس الذين يشعرون بأن الثورة خربت البلاد. أعرف أن مجرد ذكر ذلك سيضايق كل من اشترك فى هذه الثورة وآمن بها، لكن لماذا نكتفى بالضيق؟ لماذا لا نجرب -ولو مرة- أن نستمع إلى تلك الشكاوى وندرسها لعلنا نعرف كيف نتعامل مع أصحابها؟ قررت أن أبدأ بنفسى فأطالع بتمعن صفحات الحوادث وما ينشر بها من جرائم مفزعة غريبة على المجتمع المصرى، لأكتشف كيف أصبحنا نعيش -بسبب الثورة- فى غابة حقيقية تندلع فيها الجرائم لأهون سبب! غابة لا مكان فيها لعلاقات القرابة والصداقة، ولا هيبة فيها للدولة ومنشآتها، ولا صوت يعلو فوق صوت السلاح النارى، فتفهمت: لماذا يحنّ الناس إلى أيام الأمن والأمان التى سبقت الثورة، وشعرت بالندم، لأننى شاركت فى هذه الثورة التى خربت البلاد وأفسدت أخلاق العباد. سأكتفى باستعراض عناوين بعض من هذه الجرائم التى تسببت فيها الثورة، تاركا لك التعليق فى النهاية: «طالب عمره 17 سنة يفشل فى اغتصاب فتاة فيذبحها ويسرقها.. أب وولداه يقتلون حدادا أمام أسرته فى المحلة.. أشعلتْ النار فى حماها بعد أن راودها عن نفسها.. موظف الرى يسرق حكما قضائيا ويطلب مقابلا له ألف جنيه وقاروصة سجاير.. سرقة المحولات الكهربائية على عينك يا تاجر فى محافظة المنوفية.. ترويج البانجو فى نادى المعلمين بالمنوفية.. ابن يقتل والده بالإسكندرية لإهانته أمه أمام عينيه.. ميكانيكى يقتل صديقه الاستورجى بسبب 450 جنيها بمدينة نصر.. فتاة تحمل من والدها سفاحا بالإسماعيلية.. الأهالى أسقطوا لص عين شمس وقادوه للقسم.. ضبط تركيبات دوائية فاسدة بصيدليات طنطا.. بائع خضراوات يهتك عرض طفل عمره 4 سنوات.. سائق توك توك يغتصب طفلا ثم يهشم رأسه.. سائق يعتدى على طفل شوارع ويغرقه.. شاب يقتل شخصا سبّ والدته ويلقى بجثته فى المسجد.. إحالة جثة طفلة أنجبها أخ من أخته سفاحا إلى الطب الشرعى.. أهالى الهجانة يغلقون الأوتوستراد احتجاجا على مصرع شخص وزوجته.. اختلفا على سعر تيشيرت فذبحه فى سوق إمبابة.. إخلاء سبيل المتهم بمعاشرة شقيقته.. ونظر قضية قاتل والدته لشكه فى سلوكها.. مدير ملهى يعرض للزباين سيديهات مخلة لزوجته.. 8 ملثمين يقتلون صاحب كافيتريا بالمحلة.. إصابة 12 فى مشاجرة بالأعيرة النارية بالبحيرة.. وإصابة اثنين فى مشاجرة بين عائلتين بالأسلحة النارية بملوى.. ضبط مخزن للأسلحة النارية بكوم أمبو.. جريمة بشعة فى البساتين: يقتلان صديقهما بسبب جاكيت.. عجوز البساتين يعتدى جنسيا على حفيدته.. تأجيل قضية قاتل والدته لسوء معاملته لها.. تشكيل عصابى مسلح بالبحيرة يستولى على أراضى أملاك الدولة ويفرض الإتاوات.. نقّاش يغتال براءة طفلة عمرها 5 سنوات بكفر الشيخ.. عقاقير مخدرة للبيع أمام محكمة شمال الجيزة.. تخليص محاضر سرقة الكهرباء بخمسمئة جنيه.. 4 ذئاب يغتصبون سيدة بالسويس.. صاحبة مخبز تحرق مكتب تموين بالغربية انتقاما من مديره.. عتّال بالمنيا يغتصب طفلة.. يعرض ابنته على أصدقائه لممارسة الرذيلة بالفلوس فى حدائق القبة.. مدرس بسوهاج يهتك عرض تلميذة بغرفة الكمبيوتر.. قُطّاع الطرق يسرقون رواتب عمال الأمن بأكتوبر.. مستشار يطلق النار على جاره بالهرم.. قهوجى بأرض اللواء يحقق رقما قياسيا فى قتل أفراد عائلته.. معركة بالسلاح فى العمرانية والسبب أجرة الحلّاق.. عاطل يغتصب ابنة شقيقته ويدفنها حية.. إحالة مدرس ابتدائى للتحقيق بتهمة التحرش الجنسى مع فتيات الصف السادس الابتدائى.. مصرع شخص وإصابة اثنين بطلق نارى بروض الفرج.. والدان يجبران بناتهما على ممارسة الدعارة فى شقة بالجيزة.. موظفو صيانة يسرقون 65 ألف جنيه من ماكينة الصرف الآلى.. عاطل يقتل مزارعا بالرصاص فى الخانكة.. مجهول يعتدى على القضاة عاريا بأسوان.. مدرس إعدادى يعتدى على طالبة بمدرسة صفية زغلول للبنات.. يقتل ابنة عمه لشكه فى سمعتها.. عصابات بيع الأعضاء تخطف طفلا بالدقهلية.. مجهولون يقتحمون محل موبايلات بالعريش ويشرعون فى قتل صاحبه.. يقتل مديره لعدم صرف الراتب الإضافى له.. هتك عرض طفلة عمرها 7 سنوات على يد أسرتها.. تشكيل عصابى يسرق المواطنين تحت تهديد السلاح بالغربية.. طالب يستخدم بدلة أخيه الضابط للنصب على المواطنين.. إصابة ستة أشخاص فى مشاجرة بالأسلحة النارية فى إمبابة بسبب القمامة.. مزارع يقتل والده المُسن لرفضه إتمام زواجه.. عايره أبوه ببطالته فقام بقتله على الفور.. علامات استفهام حول تكرار حوادث الاختطاف بالدقهلية.. يقتل شقيقه الأكبر بسبب 60 جنيها.. وزير الطيران يتدخل لإنهاء مشاجرة بالأيدى والألفاظ النابية بين رئيس مجلس إدارة البنك الأهلى وموظف بجمارك بمطار القاهرة.. 7 شباب يحاولون اغتصاب فتاة بالقنطرة غرب.. مجند وشقيقه يذبحان شابا بالطريق العام.. مدرب كاراتيه يتحرش بطفلة تتدرب لديه.. ماسح أحذية يقتل زميله بسبب خلاف على مكان الجلوس.. سائق ميكروباص وأصدقاؤه يخطفون راكبة ويعتدون عليها ويصورونها عارية.. يقتل أمه بسيخ حديدى إرضاء لزوجته». إذا كنت قد مللتَ واتخنقتَ وأُصبتَ بالغثيان من كل هذه الجرائم البشعة فدعنى أقل لك: إن كل هذه الحوادث وقعت خلال 40 يوما فقط. وإذا كنت ستتهم الثورة بأنها السبب فى كل هذا الخراب فدعنى أنصحك باللجوء إلى أرشيف صفحة الحوادث والجرائم فى «موقع اليوم السابع الإخبارى» لتكتشف بنفسك أن كل هذه الجرائم وقعت فى الفترة ما بين 20 فبراير 2009 و31 مارس 2009، أى خلال شهر وعشرة أيام فقط من الفترة السعيدة العظيمة المباركة التى لم تكن قد وقعت فى مصر فيها ثورة خربت أخلاق الناس وأحدثت الانفلات الأمنى المريع الرهيب. تأملوا فى ما قرأتموه واتقوا الله فى مصر، وارفعوا ألسنتكم عن الثورة ولا ترموا بلاكم عليها وتذكروا: كيف كانت مصر ماضية إلى خراب شامل، نزعت هذه الثورة فتيله إلى حين. وبدلا من اللطم والولولة والعويل، تعالوا ننشغل بتحقيق مطالب هذه الثورة كاملة، لكى ننقذ مصر من الخراب، الخراب اللى بجد، والعياذ بالله. تحيا مصر.. بس ندّيها فرصة. الموضوع ده جه على بالي لما لقيت جريدة الاهرام قديمة بتاريخ فبراير 2010 يعني من سنة قبل الثورة و كانت صفحة الحوادث مليئة بما لذ و طاب من المذكور اعلاه - بدءا بنشل المحافظ مرورا بسرقات السيارات وصولا للاغتصاب و القتل الجماعي في مشاجرات بالاسلحة الالية و النارية و كل هذا عندما كانت الشرطة في كامل قوامها و عتادها و ال مليون عفريت امن مركزي بتاعها اللي مكانوش فاضيين و كانوا مشغولين بتأمين موكب سيدنا الريس و ستنا وليته و العروسين صبيانه و الحرافيش وزراءه و مستشاريهم بينما الشعب بياكل في بعضه و مفيش حتى شاويش درك زي اللي كانوا موجودين 70 سنة فاتت يحوش حتى 2 بيتخانقوا مش تقولي جرائم و انفلات امني!!! اتقوا الله و اللي عنده جرنال قديم يفتحوا و يبص عليه!!! الداخلية مش حينصلح حالها اللا لو اترمت في الزبالة و جبنا داخلية جديدة من اول الوزير لحد العسكري

يا راااااااااااااااجل ...وقعت قلبى رغم انى قرأت المقال ده إلا انى وقعت فى الفخ واثناء القراءة كنت قاعد بفكر فى الكلام اللى هرد بيه عليك وكنت هقولك اكتر من كده حصل ايام الرئيس المنفوخ المخلوع الجربوع ولكن بصراحة مقال راااااااااااااااااائع

[alhoda]

المشاركة الأصلية كتبت بواسطة mf86 انا لايعنيني الموضوع ولا يعنيني الزباله بلال فضل في شئ بس الزباله بلال فضل ميعرفش ان اللي بيقول عليهم لازم يترموا في الزباله لسه واحد منهم مقتول من نص ساعه في السلام وهو قاعد في بيته في التكييف وقاعد علي الانترنت نقيب شرطه شاب زي الورد لسه ماشفش ابنه اللي اتولد استشهد في السلام و الزباله بلال فضل بيقول عليهم زباله حسبي الله ونعم الوكيل

انت يا عم عايز ظبط زوايا ..واضح انك مقريتش المقال كويس وكنت اتمنى ردك يكون موضوعى يعنى مثلا تكذب الكلام اللى قاله بلال فضل بشكل موضوعى مش تدخل شتيمة وبس مش لانك مختلف مع حد فى الرأى يبقى تقطع رقبته لازم نتعود الاختلاف بدون خلاف وفى الاخر كلنا اخوات ويهمنا مصلحة البلد وربنا يتمها على خير

[طارق السحت]

المشاركة الأصلية كتبت بواسطة mf86 بل انت يابلال فضل الي الزباله يازباله البشر

ألاسلوب ده مش كويس،، حتى لوانت مش عاجبك الكلام ده يبقى لازم ترد عليه بالمنطق زى ماهو عمل !! مش تريح نفسك وتشتم وخلاص

[طارق السحت]

المشاركة الأصلية كتبت بواسطة dieseltrucker فيه حاجه كمان لازم اقولها يمكن حد يفهمها غلط او يقول الدنيا متكهربه وانتجاي تقول كده بس لو قريتوها بهدوء ممكن توصلوا لحقيقه مهمه جدا النهارده لفظ الثوره بقى لفظ اساسي في كل الكتابات واللقاءات الحوارات والتوك شو وحتى اسماء المحلات كله ثوره وخصوصا الكتاب المحترمين بتوعنا كل واحد عمال يتشدق بالثوره هاقول ايه مهو اكل عيش لازم كل صباح البهوات يتحفونا بمقال لكل بيه منهم ماهو لو ماقالش مش هايقبض مرتبه من الجورنال اللي شغال فيه وسلملي ع اللي مصدق ان دول ليهم رساله ساميه وبيوصلوها لنا يقول ايه مش مهم ....... المهم يقول عشان يفضل مستمر وياكل عيش النهارده الثوره لوه بكره ملعون ابوها بعده علامات استفهام بعد بعده مقال كوميدي ولو كتب فيلم فارغ ماشي المهم البريزتين مين يقرا والناس هاتولع ف بعض مش مهم اي بقين يحصل من وراهم فتنه مش مهم لما يتزنق الصحفي يقول ده خبر وانا ناقله و ليا مصادري او يعمل زي هيكل لما خدته الجلاله واتمعظم واتكلم عن المخلوع والناس هللت وقالت يخرب بيت كده اهو هيكل ده هوا اللي هايفضح مبارك اتزنق قال ايه قال انا كنت باتكلم من واقع مصادر وتقديرات اجنبيه وكلها توقعات وخرج من التحقيق بيضحك خلاصة الكلام ده كله اكل عيش وعيب اننا نتخانق علشان دول ياكلوا عيش على قفانا ماحدش يزعل وماحدش يقول ايه اللي جاب الكلام ده لموضوعنا اقرا بهدووء وانت تعرف ان ده هوا موضوعنا

انا متفق معاك فى معظم اللى قلته ، ماعدا فيما يخص الكاتب محمد حسنين هيكل، لان الراجل ماقلش انه هيفضح حسنى مبارك ولكن الناس هى اللى افتكرت كده وده مش ذنبه ، وياريت تقرأ ماقاله فى جريده الأهرام يوم الجمعه 16/9/2001 ويوم الثلاثاء 20/9/2011 وانت تعرف قيمه هذا الرجل فى تحليلاته العميقه وبدون شخصنه!!