|
#521
06-06-2009, 09:39 AM
|
||||
|
||||
رد: لـكـل شاب روش عايز البنات تجري وراه, !!!!!!!!!
بس أكيد أكيد أكيد هيجى فى يوم من الأيام و يجى شاب روش تانى بنيو لوك و ينفذ هذا الحلم اللى راود أفكارك يا نور باشا بس و النبى أوعى تكون أنت ptmnlo123per145ptmnlo123p er145ptmnlo123per145
__________________
_________________________ _________________________ _________________ أحبوا أعداءكم باركوا لاعنيكم. أحسنوا إلى إلى مُبغضيكم، وصلوا لأجل الذين يسيئون إليكم ويطردونكم
|
|
#522
06-06-2009, 01:39 PM
|
||||
|
||||
|
رد: لـكـل شاب روش عايز البنات تجري وراه, !!!!!!!!!
ههههههههه والله جامد يادكتور ضحكتنى بجد
فكرتنى بالبتاع اللى اسمه عبد الباسط حموده اللى بيقولوا عليه مطرب شعبى ده وبيقول انا مش عارفنى بيلبس حاجه زى كده تلاقى البنطلون وصل لصدره هو والناس اللى شبهه
|
|
#523
06-06-2009, 03:31 PM
|
||||
|
||||
|
رد: لـكـل شاب روش عايز البنات تجري وراه, !!!!!!!!!
هههههههههههههههههه
ايه ده يا دكتور ده على كده مش هاخلي البنات يجروا ورايا ويحبوني دول هايجروا ورايا ويقولوا العبيط اهوووووووو ويحدفوني بالطوب مشكوررررررررررررررر جدا يا دكتور بجد حاجه مضحكه جدا
__________________
I do not like driving a fast but I love fly slowly
|
|
#524
06-06-2009, 04:05 PM
|
|||
|
|||
|
رد: لـكـل شاب روش عايز البنات تجري وراه, !!!!!!!!!
ههههههههههههههههههههههههه ههه
هو دا الزعطلون؟ ياترى لو ده بنطلون بدله الجاكته هيبقى شكلها إيه وطولها قد إيه؟
|
|
#525
07-06-2009, 04:53 AM
|
||||
|
||||
|
الفضائيات و الكم الهائل من الأعلانات
 جميل إنك تتابع برامج التليفزيون المفيده لكن المصيبه عندما تقع فريسة إعلانات التليفزيون و التي يدسونها لك في الفواصل و القواطع و العوارض و ما شابه ذلك ..  المذيعه في إبتسامه عريضه شريره : نلتقي بعد فاصل قصير .. ستار يُسدل على الشاشه يذكرك باسم القناه لتكون نسيتها و لا حاجه.. بنت كدا تظهرلك زي العفريت و مخبيه و را ظهرها حاجه تذكرك بريا وسكينا و هيَّ مخبيه القماشه المبلوله ورا ظهرها ، ... و تطلعلك علبة شاي مرسومه عليها حشره ... شاي الفسفوسه زيه ما تلاقيش و لو رحت المحل و لقيت غيره ما تشتريش واحده جربته و عجبها و من كتر ما حبته حطته في النيش قدامك خيارين يا إما تشتري يا إما ما تشتريش و لازم تشرب العلبه في يوم واحد يا إما هيطلعلك في وشك فسافيس  و المفآآآآآجأه.. عرض خاص .. مع كل علبة شاي الفسفوسه ، هتآخد علبتين شاى فسافيس....... مجااااااااناً... الإعلان الثانى : ... الشاشه فجأه و بدون مقدمات تجيلها هيستريا و تسمع صوت تليفون بيرن ، تجري طبعاً ترد على تليفونكم .. لكن ، تكتشف إن التليفون بيضرب في التليفزيون ، و تلاقي واحده ممصوصه و شكلها ناقعه وشها في علبة ماكياج بقالها شهرين ، و لابسه بنطلون مقطع المهم إنها لابسه حجاب ، بترد على التليفون دا ، و يقطع هذا الملل صوت رجل يقول بانشكاح ..: الآن ، و بعد أن وصلتنا التكنولوجيا من تشكوسلوفاكيا رأساً على عندنا ، نقدم لكم التليفون أبو زراير ، هذا التليفون يتمتع بخصائص فريده من نوعها ، أولاً : يحتوي على زراير بها أرقام من صفر إلى تسعه ، هذا بالإضافه إلى وجود سماعه تحتوى على سماعتين ،  واحده تسمع بها المتحدث و الأخرى تتكلم فيها لكي يسمعك المتحدث ،  و من خلال التليفون أبو زراير تستطيع أن تطلب أي رقم في أي وقت ، و المفآجأه ، التليفون يتمتع بخاصيه تكنولوجيه جداً ، بيرن ليعطيك إشاره أن أحد يتصل بك ،  لا تفوت الفرصه و لا تدع العرض يفوتك سعر العده الواحده 257 جنيه ، و إذا إشتريت عدتين تحصل على خصم 3 جنيه أي يصبح السعر 511 جنيه بدلاً من 514 ... إتصل ب 0466666666666434140101014 141264010  لتحصل على العرض المميز بتكاليف شحن 70 جنيه فقط إتصل فووووووووووررررراً يا أهبل .. الإعلان الثالث :.... صورة واحده عجوزه و أطفال بؤساء حواليها ، و في عينيهم جميعاً ملامح البؤس و الشقاء ، و يقطع هذا المشهد المأسوي صوت رجل مأسوي أيضاً ::.. شايف اليتامى دول ؟ تقدر تدخل عليهم البهجه و السرور ، تقدر ترسم البسمه على شفايفهم ، و تساعد الأم في توفير دخل يساعد على مكافحة ظروف الحياه الصعبه ، كل دا تقدر تعمله بجاموسه ، أيوا يا سيدي جاموسه ... في إيه ؟؟ مالك بتبحلقلي كدا ليه ؟؟ و يجيبلك صورة جاموسه علشان تصدق ودانك ، و على رأي المثل إللى أنا مألفه لسه حالاً ، " إن كذبت الودان ما تكذبش العين " .... و يستكمل ، و بكدا تقدر تدخل البهجه و الفرح عليهم و تساعد أم في تربية عيالها إتصل الآن على .. 0700000000000000000000000 00000000000000000 علشان تشتري جاموسه . و المفآجأه .. عندما تشتري جاموستين سوف تحصل على جاموسه تالته هديه و عندما تشتري جاموسه واحده ستحصل على 5 كيلو برسيم مجاناً إتصل لتصلك الجاموسه لحد البيت .. و ينتهى الفاصل .... مع لقاء آخر في فاصل آخر ... و كل سنه و إنتوا فاصلين... ودايما بعد ما بخلص بحس ان فى واحد هيطلع من التلفزيون ويقولى كابتن كابتن ... انت عبيط صح (من ايميلي الخاص) تحياتي د./أليشع ثابت
__________________
_________________________ _________________________ _________________ أحبوا أعداءكم باركوا لاعنيكم. أحسنوا إلى إلى مُبغضيكم، وصلوا لأجل الذين يسيئون إليكم ويطردونكم
|
 |
| الكلمات الدليلية |
| حوادث سيارات, الشاي, اعلانات, اضحك, دحك, فرفش, نكت, كاميرا |
|
|
