الحل الأمثل لأزمة مرور اسكندرية

[borio1704]

الكلام اللي اتقال كله جميل جدا، وفعلا حيزيد من سيولة المرور

بس ماعتقدش إن الحلول دي لو اتنفذت حتأثر لمدة طويلة، يعني بالكتير 20 سنة بعد ما تتنفذ

مشكلة اسكندرية إنها شريط ساحلي، والشوارع الرئيسية موازية للبحر، ولو فكرنا في المناطق اللي بيحصل فيها الزحام حتلاقي إنها كلها بسبب إننا مضطرين نمشي في الشوارع دي عشان مفيش شوارع تانية نمشي فيها.. يعني لو لقينا مهرب تاني يوصلنا.. حنروح فيه

مثلا:
الزحمة مابين جليم لحد رشدي (ويمكن كمان توصل لحد كليوباترا): لو فيه شوارع رئيسية عمودية على شارع أبوقير (محاور من البحر لحد خارج اسكندرية) في المنطقة دي حتلاقى نسبة كبيرة من الزحمة ما بقتش موجودة

قيس على كده كل منطقة زحمة في اسكندرية... مفيش في اسكندرية محاور عمودية تجيبك من البحر لحد خارج اسكندرية غير شارعين بس: شارع قناة السويس، وشارع 45.... عندك شوارع تانية؟؟؟

محتاجين محاور عمودية زي دي كتير، مش أقل من 5 محاور كمان... ساعتها الزحمة حتقل لإن فيه عربيات كتير مش حتبقى مضطرة تمشي على شارع أبوقير أو الكورنيش أو حتى طريق المطار كل المسافة دي

مثلا ... لو انت ساكن في سموحة وعايز تروح جليم... ليه تضطر تمشي من شارع أبوقير مع إن ممكن تمشي من على ترعة المحمودية مثلا... وتنزل من شارع محوري ينزلك في أقرب مكان لجليم

طبعا الكلام ده مع رفع كفاءة الطرق الطولية زي ما بيحاولوا يعملوا ترعة المحمودية دلوقتي، وأي أفكار تانية زي موضوع إلغاء الترام ده.

لازم التخطيط في البلد دي يبص لقدام شوية... وفيه دول بتشيل مناطق سكنية بحالها عشان تخطط صح... والكلام ده حصل في مصر قبل كده أيام الخديوي اسماعيل لما أعاد تخطيط المنشية ومحطة الرمل

...

[Eng.Ahmed Wagdy]

المشاركة الأصلية كتبت بواسطة نبيل عبدالرحمن على فكرة الأوتوبيس المفصلى ده كان موجود فعلآ فى الإسكندرية منذ عشرات السنين وتم رفعه لفشله

المشاركة الأصلية كتبت بواسطة koashraf كان موجود زمان وفشل نتيجة ضيق الشوارع وصعوبة المناوره وسلوكيات خاطئه من الناس..........فكر فى رمزتانى له علاقه بتاريخ المدينه.

لازم يفشل طبعا لأنه مستحيل يمشي في شارع ابو قير لكن لو طريق زي الترام لو بقي 8 حارات اتجاه واحد مش حيأثر عليه و كذلك شارع ابو قير حيبقي اتجاه فردي

[aly zafer]

انا مع هذة الفكرة القديمة الجديدة

[hamaad]

الاسكندرية محتاج تشيل مناطق بكامله ثم اعادة تخطيطه من جديد وخصوصا ان الحركة البيع والشراء ضعفية فلازم يتعمل مناطق جديدة وتنشيط البيع والشراء

[Maged_Samy]

الغاء الترام ضرورى جداً لانه مبوظ اتجاهات الشوارع فى الاسكندرية وعامل ازمة بس لازم يتعمل مكانه مترو انفاق يربط بين العجمى غرباً وابو قير شرقاً ويكون خط السير سطحى فى الاماكن الواسعة وبعد كده ينزل تحت الارض فى الاماكن المزدحمة ذى اللى معمول فى القاهرة بالظبط ...