هل الادا 2107 عربية ادمية ؟

[حسن كمال]

أخي الفاضل لو خيروك بين عروسة حاطة روج وشكلها حلو مانيكان يعني : بس شقتك هاتكون زبالة وسايبة عيالها ولسة هاتتعلم في سيادتك الطبيخ
ولا واحدة شكلها مقبول لكن ست بيت عشرة علي عشرة تختار العروسة مين فيهم
الصينية ولا الادا

[بدر بسيونى]

انا اختلف معاك يااستاذ حسن فى الموضوع ده العربية اللادا هى هى من الثمانينات بنفس المواصفات والشكل الدنيا اتغيرت خلال ال10 سنين اللى فاتوا الباور والتكييف مش اوبشن دلع والعربية المريحة مش رفاهية ده ابسط حقوق الانسان وفى حين اللادا هنا فى مصر لسه مصرة ولعلم حضرتك احنا لو بنتكلم عن ان اللادا حمالة قاسية الموديات 2008 و2009 مابقتش كده اه لسه قطع غيارها رخيصة بس مش حمالة اسية فلما تيجة تقارن صينى مريح وعلى كلام حضرتك مش بستحمل اوى ولا اللادا اللى مش مرريحة وبرضه مش بتستحمل لا الصينى يكسب

[AHMEDCAR]

كانت لحد مويل 2000 و بعد كده خلاص بقى المفروض كانوا غيروا فيها كتير

[honor111]

طبعا هختار اللادا وبعدين الموديلات القديمه 2105 و 2107 مبقتش تنتج فر روسيا وحتي الشاهين وقفو انتاجها في تركيا بس هي بتتصنع هنا عشان في طلب عليها من السوق لمتانتها في شوارعنا لاللي احنا عارفينها ورخص قطع الغيار وسعتها

[Ahmed Anwer]

رغم اعتراضي علي اسم الموضوع

لأنها أكيد مش عربية نقل مواشي

بس أنا متفق معاك إن وقتها انتهي تماما

عربية غير اعتمادية رغم كتل الصاج فيها و بدون أي رفاهية

بس كل واحد و ذوقه

و مفضلشي الصيني عليها بس ممكن أفضل سيارات معاد تصنيعها برده بس أحدث شوية أو كوري أو ياباني مستعمل