مطب جرين بلازا .......... العربيات بتطير

[Hisham.Elgazzar]

كنا بنجيب زيت عربيات محروق وندلقه على المطب علشان العربيات تطير من على المطب ومايحسوش بيه

[borio1704]

الحمدلله طلعنا جيران

أنا كنت من سكان مدينة آسيد قبل ما اتجوز وحاليا ساكن في شارع النصر اللي قدام جرين بلازا

قوللي إمتى ناوي تعمل الموضوع ده وإن شاء الله أساعدك، ولا حضرتك عايز تاخد الثواب لوحدك



...

[نبيل عبدالرحمن]

من اللى قريته ياباشمهندس أحمد إن فى أعضاء كتير عاوزين يساعدوا فى الموضوع ده
فأنا بأقترح إننا نيجى معاك الفجر وقت ما هاتدهن ونساعد فى غلق الطريق وتحويل مسار السيارات الى حارة واحدة وندهن الأخرى ولما تجف نحول المسار للحارة التى جفت وندهن الأخرى ولما يكون عددنا 4 أو 5 ها نقدر ننجز بسرعه ، بس قلنا الميعاد إمتى

[احمد على 1999]

المشاركة الأصلية كتبت بواسطة akerima والله يا احمد بيه انت كتر الف خيرك وباذن الله ربنا حيجزيك خير علي الخير اللي انت ناوي تعملة في الناس انا شغال جنبك علي فكرة في شركة يونيليفر واول ما المطب دا اتعمل انا لبستة فعلا بس الحمد لله اللوجان اكمنها عاليه ما حسيتش بيه اوي اما عن موضوع البوية انا متهيالي حيبقي صعب شوية اي كان نوع البوية اللي انت حتجيبها انها تثبت علي الاسفلت وخصوصا الضغط علي المنطقة دي كبير ومتهيالي اليافطة حل افضل وتكلفتها حتبقي اقل ومش لازم تكون يافطة حديد انت ممكن تعمل العامود حديد واليافطة فيليكس وبلون فاتح عشان الناس تشوفها ومرة تانيه كتر الف خيرك ولو عايز مني اي مساعده او حتي نشير التكلفة انا تحت امرك

جزاك الله خيرا يا استاذ عكرمة
فعلا انا فكرت فى اليافطة بس معرفش اعملها و ان الصراحة اولريدى جبت اللاكيه جالون و روله وسط و عندى ثينر

المشاركة الأصلية كتبت بواسطة amr elsisi 1 طيب حقولك علي حاجة تانية هات 1ك لاكية سايبس لميع +1لتر بنزين 90 علشان خفييف+رولة زيت كبيرة الكلام دة كلة حسبة 30ج علي فكرة خلي البوية خفيفة جداااا علشان تجف بسرعة وهات حاجة واسعة شوية علشان الرولة تدخل فيها وتخلص بسرعة بدل ما تبات في الشارع وقولي اية رايك!!!!!!!!!!!!

طيب يا عمر باشا قولى رايك انا النهارده لسة جاى من برة كنت بصلح تكييف العربية (ادعيله) و اشتريت (طبعا قبل ما اقرأ كلامك الجديد) جالون لاكيه اصفر و روله وسط

المشاركة الأصلية كتبت بواسطة Hisham.Elgazzar كنا بنجيب زيت عربيات محروق وندلقه على المطب علشان العربيات تطير من على المطب ومايحسوش بيه

واجب برضه ..............ههههههههههه ههههههههههه

المشاركة الأصلية كتبت بواسطة borio1704 الحمدلله طلعنا جيران أنا كنت من سكان مدينة آسيد قبل ما اتجوز وحاليا ساكن في شارع النصر اللي قدام جرين بلازا قوللي إمتى ناوي تعمل الموضوع ده وإن شاء الله أساعدك، ولا حضرتك عايز تاخد الثواب لوحدك ...

لا طبعا يا ريت تيجى و بالمرة اشوفك

المشاركة الأصلية كتبت بواسطة نبيل عبدالرحمن من اللى قريته ياباشمهندس أحمد إن فى أعضاء كتير عاوزين يساعدوا فى الموضوع ده فأنا بأقترح إننا نيجى معاك الفجر وقت ما هاتدهن ونساعد فى غلق الطريق وتحويل مسار السيارات الى حارة واحدة وندهن الأخرى ولما تجف نحول المسار للحارة التى جفت وندهن الأخرى ولما يكون عددنا 4 أو 5 ها نقدر ننجز بسرعه ، بس قلنا الميعاد إمتى

الحمد لله يا استاذ نبيل و حضرتك برضه اللى شجعتنى
ان شاء الله انا نويت النهارده بالليل كنت ناوى مثلا من 2 قبل الفجر او قولولى اللى يناسبكم

لان و الله امبارح الفجر عربية اوبترا طارت و نزلت و كل بطنها هبد فى الارض و زحف و طلعت شرارة بحجم و طول العربية مرتين تلاتة firework
و عربية ميجان ديى بقى سمعت حاجات اتكسرت و فضل صوت التكسير مستمر

ان شاء الله النهارده و نمرتى 01001648489 و معايا : مقشة + جالون لاكيه اصفر + ثينر + روله + و للاسف معايا جردل واحد لونه احمر مش عارف استخدمه للبويه و لا علامة تحذيرية لتحويل العربيات
منتظر ردكم يا جماعة الخير

[احمد على 1999]

الحمد لله جالى الاستاذ borio1704 و ساعدنى جزاه الله خيرا و الحمد لله الحمد لله الموضوع فشل
انا ابتديت الساعة 2 و فعلا خففت الجالون بتاع اللاكيه الاصفر بتينر كتير و دهنت تقريبا نص المطب و الاستاذ borio1704 راح لجرين بلازا و جاب جركينيت استخدمناهم مع مثلثين عاكسين لتحويل العربيات عن النص المدهون + وقفتنا احنا الاتنين لغاية الفجر عشان نضمن ان البوية بقدر الامكان تنشف
طبعا الفجر لما اذن اتضطريت الم الحاجة و امشى و الحمد لله دلوقتى ببص من الشباك معدتش فى و لا نقطة صفراء باينة الحمد لله ههههههههه هههههههههههههههههههه ههههههههههههههههههههههههه ههه ( لا و قال ايه كنت ناوى اكمل النص التانى النهارده هههههههههه)
بس اللى استفدناه من وقفتنا ان انقذنا عربيات كتير
الحل و الله اعلم فى يافطة فسفورى معرفش حتتكلف كام و تتعمل فين بس انا مستعد اساهم فى تكلفتها دا اللى اقدر اعمله
بس بجد يا جماعة خدوا بالكم لان المطب مدمر
امبارح و احنا واقفين جه اتنين بيسابقوا بعض واحد اكتافيا تقريبا كان على اليمين كل المطب و كان العربية اتفشفشت و النترا 2012 كان على الشمال ناحية الحتة اللى دهناها فشاف الجراكن و المثلثات و فرمل جامد و خبطهم طيرهم بس كان هدى خالص و مكنش شايف المطب فالحمد لله خده بشويش

اللى بياخد المطب غالبا عربيته بتبوظ جامد