مشكلة في سيارة مازدا 929 89 خليجي ..

[م.محمد ابراهيم]

السلام عليكم

من 5 شهور اشتريت سيارة مازدا 929 موديل 89 خليجي ..

العربية دي اول ما اشتريتها كانت حلوة ومافيهاش اي مشاكل ,,

وكنت باشيك على الزيت والمياة كل يومين ومكانش الزيت بينقص لكن المياة كانت بتنقص تقريبا نص كباية صغيرة .. بس المشكلة كنت بالاقي زيت على فلتر الهوا

المهم انشغلت جدا ومبصيتش على الزيت والمياة لمدة اسبوع .. وفجأة سمعت صوت عالي من الماتور .. بصيت على الزيت لقيته ناقص تقريبا 3 لتر .. والمياة ناقصة حوالي لترين ..

المهم زودت الزيت ورحت لميكانيكي لحد ما وصلت للميكانيكي كان الزيت نقص لتر تقريبا ..

الميكانيكي قال ان مسامير الكارتيرة بتاعة الماتور كانت فاكة وربطها وخلاص ..

لكن لقيت الزيت بينقص لكل ما امشي مشوار طويل بينقص تقريبا نص لتر وطبعا بألاقي ترشيح الزيت تحت غطا التاكيهات وحولين خرطوم الفايز وتحت الماتور

رجعت للميكانيكي قال ان الماتور خف وانه عاوز طقم شنبر


وعموما العربية مش مريحاني دلوقتي صوتها عالي وحرارتها بتعلى حاجة بسيطة وسحبها ضعف وبيطلع من الشكمان اللي لسة مغيره مياة ونقط سودة مع العلم ( انا لسة ما عملتش طقم الشنبر ) ..

عاوز اعرف ده من ايه وايه علاجه وازاي امنع حدوثه تاني ...

وياريت لو حد يعرف ميكانيكي بيشتغل في المازدا 929 الخليجي يقولي ..


ياريت الاقي رد سريع
وشكرا لاهتمامكم

[AbOnOrA]

والله انا مقدرش افيدك اوى خاصة ان الحاجات اللى زى كده عايزة كشف بس المعروف ان المازدا بتاعتك ديه موتورها مش معمر وبياكل زيت على طول وده كلام تكسجية برضو مش خبراء يعنى

[محمد خالد محمد مرسى]

لو هاتبيع اعرض سعرها

[hpone]

والله نفس المشكله عندى بلضبط بس سياراتى مازد خليجى 929 موديل 1982 ورحت للماكنيكى قالى العربيه فيها سبيكه وشمبر والكاربراتير فى انسداد يعنى محتاجه عمرة ماتور ولو عمره ماتور يبق اشترى ماتور جديد استيراد اوفر من العمره لان العمره حتكلف من 2500 الى 3000 جنيه والماتور تقريبا ب 4000 جنيه وبيكون 1600 سى سى ويبق كد افضل من الماتور الا 2000 سى سى

[khaled_k21]

زمان قالوا ( شراء العبد و لا تربيته )

هاقولك نصيحه : لو انت عجباك العربيه و بتحبها ( و بتحبها ) بنسبه 80% و شايف انك تقدر تلمها و هاتعيش معاك و اللي محتاجه في حدود امكانياتك صلح و عيش معاها

شايفها هاتقرفك و انت مش حاببها اصلا بيع و دور علي حاجه احسن

و ربنا يوفقك