سؤال ممكن تعتبروه ساذج بس عايز أعرف ...

[حسين122]

السلام عليكم و رحمة الله و بركاته

سعر العربية المرسيدس 200 موديل 80 مثلآ في حدود 35 ألف و ممكن لحد 40 ألف لو أوتوماتيك و مكيفة

طيب ليه في ناس تدفع المبلغ في عربية موديل أول التمانينات يعني بقالها ثلاثين سنه شغاله
في حين ممكن تدفعه في عربية دايو مثلآ توكن موديل 2002 مثلآ!!!!

أنا فاهم أنه المرسيدس كادر خاص بها
لكن للدرجة دي ؟؟؟
و لا الناس فعلآ بدأت تبعد عنها و تجيب الحديث ؟؟

[luckyman]

كلام حضرتك مش ساذج خالص وبالعكس كلامك منطقى جدا وبديهى ومش تلاقى الكلام دة بيحصل فى مكان فى العالم الا فى مصر ومش كدة بس ممكن كمان تلاقى مرسيدس مستعمل عشر سنين ويمكن اكتر وسعرة يعدى 160 الف ودة مش ممكن تلاقية فى مكان فى العالم حتى افقر الدول لان المرسيدس برغم انها عربية محترمة لكن فى السوق السيارات سيارات سعرها مع المستعمل عادى وان كانت غير مرغوبة فى اسواق كثيرة ومنها العربية كمستعمل وشكرا

[اشرف حمدى]

السلام عليكم ورحمة اللة وبركاتة
يا صديقى انت عارف المثل ايلى بيقول
ان فاتك الميرى اتمرمغ فى ترابة
وكمان بيبعد عن المشاكل الجديد وايلى بنسمعة عن العربيات كل شوية لا صينى ولا كورى ولا هندى ولا تركى ولا ولا من المركات ايلى مغرقة الدنيا بيلعب فى الالمانى ولو قديم تمنة فية حتى قطع غيارة المستعمل فى الوكالة المانى
والدهن فى العتاقى
شكرا

[mohamed ibiza]

بعد تجربة فعلية للي حضرتك بتقول عليه

مع عربية مرسيدس موديل 1984

اقدر اقول

مرسيدس غير اي عربية تانيه ! حتي لو مرسيدس قديم و بالرغم من ان ارتفاع سعره ده ناتج عن ارتفاع سعر العربية اساسا لما كانت زيرو الا انها بجد تستاهل كل قرش بيدفع فيها المهم تكون حالتها كويسه

و لو عايز تقتنع بالموضوع ده

اركب عربية مرسيدس 200 او 230 او 280 تكون حالتها كويسه و اختبرها علي طريق سريع شوف التجميع و الثبات و الاداء و شغل التكييف و شوف الموتور هيتأثر ولا لا و جرب اعدة كرسي المرسيدس عامله ازاي

و انزل منها جرب لانوس او فيرنا ..

و قولي هتقول ايه بعد التجربه دي

[محمد شهاب]

انا معاك يا ابيزا فى كل كلمة قلتها
المرسيدس حاجة تانية خالص




تحياتى للجميع