يا جماعة حد يفيدني عن البرايد السيدان

[badawy]

يا جماعة معلش حد يفيدني عن البرايد السيدان ؟ ناس كتير بيقولولي مش زي الهاتش باك ومش بياعة ؟ يا ريت اعرف رد وبالتحديد موديل 98 او 99 فعلا الهاتش باك احسن منها ؟ وثانيا السيدان مش بياعة فعلا ؟

[AbOnOrA]

يا استاذ بدوى فعلا فى وقت كانت البرايد السيدان موديلات اواخر التسعينات سوقها اقل من البرايد الهاتش باك

وده لان السيدان كانت تقفيل مصرى والهاتش باك تقفيل كورى وانت عارف الناس قد ايه بتقلق من التقفيل المصرى ولان الكورى كانت انتشرت بقالها 3- 4 سنين واثبتت كفائة والناس كانت لسه خايفة من السيدان

لكن الكلام ده عدى عليه دلوقتى عشر سنين والعربيتين اثبوا كفائة متساوية ولا عمرنا شوفنا ولا سمعنا عن برايد سيدان عفشتها اوحش من الهاتش باك او موتورها او فتيسها او صاجها او او

العربيتين تصميمهم واحد شاسية وعفشة وكل حاجة حتى الماتور تصميمة واحد بس واحدة موتورها سعة 1.1 لتر والتانية 1.3 لتر

الفرق الوحيد فى صالح السيدان لانها متورها اكبر فسحبها او عزمها افضل حتى مع وجود تكييف او باور هيدروليك
ده بالاضافة لفارق المساحة فى الشنطة

[badawy]

شكرا جدا ليك .. ومعلش بتعبك معايا