تقرير شامل عن الهيونداى النترا 2010

[lol64]

انت عارف ان انا تقريبا معايا الاتنين بس برتاح مع الالنترا اكتر فى كل حاجه يابدر باشا

[Obaid]

تقرير جميل جدا و مفيد , وأنا كنت عاوز أشترى ألنترا بس قلقت من موضوع ان العربية بتوطى لما تكون محملة. على فكره أنا كان معايا سفيك 2008 و بعتها عشان كانت بتحك فى الأرض بشكل كان بيجننى. أنا ساكن فى مدينة نصر و بعدى على مطبات شارع زاكر حسين وما أدراك ماهى . هل بتحك برضة فى المطبات مع ركوب تلات أفراد و شنط مثلا فى حاله السفر؟ ولك جزيل الشكر

[lol64]

المشاركة الأصلية كتبت بواسطة Obaid تقرير جميل جدا و مفيد , وأنا كنت عاوز أشترى ألنترا بس قلقت من موضوع ان العربية بتوطى لما تكون محملة. على فكره أنا كان معايا سفيك 2008 و بعتها عشان كانت بتحك فى الأرض بشكل كان بيجننى. أنا ساكن فى مدينة نصر و بعدى على مطبات شارع زاكر حسين وما أدراك ماهى . هل بتحك برضة فى المطبات مع ركوب تلات أفراد و شنط مثلا فى حاله السفر؟ ولك جزيل الشكر

ايوه كده هاتحك منك بس عموما هى على حسب الاوزان انا العربيه معايا من شهر يناير 2010 وحكت منى بالظبط 4 مرات بس خفيفه يعنى وانا لو شاكك من الاوزان اللى معايا ورا باخدها عجله ونص

[mando_07]

المشاركة الأصلية كتبت بواسطة بدر بسيونى هيونداى النترا 2010 السيارة معايا منذ اكتر من شهر اللون : الباذنجانى ناقل الحركة : مانيول وتقييمى مبنى على تجربتى مع الاوكتافيا A4 و الهوندا السيفيك 2008 نبدا بالشكل الخارجى الشكل الخارجى مش محتاج تعليق العربية قديمة شكلا ومحفوظة عن ظهر قلبالجديد الحلية النيكل اللى على الشنطة من الداخل عند لحظة فتح الابواب والدخول وخصوصا انا حوالى 191 سم يعنى طويل جدا تدخل جوه السيارة بسهولة مساحة الدخول جيدة جدا وخصوصا ان الدركسيون بيظبط فوق وتحت عشان يناسب كل الاطوال وتحس ان الخامات المستخدمة فى الداخل تتراوح من جيدة الى جيدة جدا اول مايلفت نظرك لوحة العدادات المثيرة والتى تخطف بصرك بمجرد الدخول وياسلام لو بالليل اللون الابيض مع الاضافات الزرقاء تضفى للاضاءة منظر انيق للغاية واول مفاجاة عند النظر فى لوحة العدادات انك مش حتلاقى مؤشر حرارة حتتاخد طبعا فيه بنزين واربى ام ووسرعة فقط الحارارة عبارة عن لمبة زرقاء بتنور فى الجانب الايمن للتابلوه بصوت(على مااعتقد) وعداد الرحاللااتت بيظهر باسم TRIP بتتحكم فى اضاءة التابلوه بتزودها او تقللها حسب الاحتياج على حسب السير فى مكان مظلم حتقلل الاضاءة والعكس صحيح الكونسول الوسطى عملى جدا ابتداء من الدرج العلوى اللى بحبه جده اللى مكانه فوق الساعة شبه بتاع النيسان صنى والساعة الزرقاء اللون ويليها الى دى الهيونداى الامب بى ثرى المزود بوصلة للUSB السى دى جيد جدا صوته نقى والاربع سماعات اللى فى الابواب صوتها جيد جدا فبكده طبعا سهل تعمل سى دى MP3 او فلاشية ويوجد بعد كده فراغ للتخزين جيد جدا ثم يليه زرار الفلاشر وهو مكان مثالى سهل الوصول اليه فى الطوارئ وانت مش شايف تضغط عليه ويليه الثلاث بكرا الخاصة بالتكييفحبدا من الشمال البكرة الخارجية بتلف يمين وشمال وفى النص زرار قابل للضغط والكلام بيطبق على الثلاثة والزرار خاص بدرجة الحرارةوالزرار الاوسط لتشغيل AC الخاص بالتكييف والبكرة الوسطى خاصة بدرجة هواء المروحة بينما الزرار الاوسط لغلق دائرة الهواء بالسيارة والبكرة الثالثة خاصة ببتحكم بتوزيع الهواء والزرار الاوسط خاص بهيتر الزجاج الخلفى ومجمل تقييمى لتكييف العربية ممتاز اكتر من السيفيك والاوكتافيا يعنى اخر الدنيا لما تبقى حر نار بتشغله 2 لمدة 10دقايق وبعدها 1 بتمشى عليه لفترات طويلة لانك بتحس بسقعة الهوايات شكلها مش جميل اوى ومش مبتكرة وده اذواق طبعا بس مش عاجبانى وده جراب النظارة وهو مغلق وده شكله وهو مفتوح وده شكل الطفاية وعشان مابشربش سجاير بشيل فيه الفكة عشان السياس وتحتها مكان للطفاية ومدخل كهرباء منفصل وده ميزة عشان لو بتشحن الموبيل وعاوز تولع سجارة او مشغل موديوليترور والجزى الاسفل المكان المفضل لحط الموبيل اللى صورته جايه وده شكل الفتيس وتحس انه مايل لادام شوية وده حامل الاكواب وهو مغلق وده شكله وهو مفتوح وجنبه مسند بيتفتح وفيه زى درج عميق الى حد كبير ومن المجمل العربية اماكن التخزين كتيرة جحدا ومريحة جدا فى القاعدة وده شكل اتابلوه من ناحية الراكب بجوار السائق بالدرج الصغير من الداخل نسبيا المرايات الجابية كهربية وتوفر رؤية فوق الممتازة بتكشف الطريق بوضوح شديد عن الهوندا والسيفيك وباب السائق بيحتوى على 4 زرار كهربى لل4 ازاوز ولو لفصل جميع السبابيك ماعدا السائق (بينفع مع وجود بنتى ) والتحكم فى المراية المهربية وفتح الشنطة من زرار فى الباب وفيه جراب فى الباب يحتوى على حامل زجاجة ماء صغيرة وفتح التنك من عنمد العتبه البطاقة الفنية للسيارة سعة المحرك : 1591 سى سى بتكنولوجى CVVT قدرم المحرك : 121 حصان عند 6200 RBM تعتبر ثانى قوى حصانية فى السيارات الكورية بعد السيراتو اقصى عزم : 152.8 نيوتن .متر عند 4200 RBM عدد الصمامات : 16 Valve -DOHC مجمل انطباعى عن المحرك قوى للغاية وعزم شديد جدا برغم ان المحرك صوته مش عالى للدرجة الزعجة وتشعر بعزم الاول عند السحب عليه اكيد اقوى من طلعت الاوكتافيا الثقيلة نسبيا لكن طبعا قو السيفيك ال140 حصان لايضاهيها شئ وخصوصا انى بقارنها بعربيتين اغلى واخدهم تنتمى لمجموعة فولكس فاجن العريقة والاخرى لقمة عالم المحركات هوندا ناقل الحركة مانيول من5 سرعات الناقل مريح فى النقل ومن المميز ان فيه صوت للفتيس فى النقلة صوت زى تيك مكتومة بس صوت لطيف مش وحش الباور الخاص بالسيارة يعتبر باولر الالنترا من اخف انواع الباور فى سوق السيارات فى مصر ومبدئيا الباور كهربى مش هيدروليك(زيت) اول ماتركب العربية حتحس ان مافيش دركسيون اساسا ملحوظة بامكانك لف طارة الدركسيون باصبع واحد وانت واقف وحتحس ان العربية فى الاول مش مظبوطة وان زوايها بايظة بسبب خفى الباور والعربية تسير وده خلانى فخصت زواريا اكتر من مرة للتاكد لكن حساسية الدركسيون عالية ولكن ماحدش يقلق لان بعض فترة سواقتها بتبقى عادى جدا جدا والانطباع الاول ده بتنساه وبتحس ان العربية دة الطبيعى فنزلت سوقت السيفيك (اللى الباور بتاعها كهربيى ايضا) حسيت ان العربية متش باور اصلا وانهعا مش مريحة لان الدركسيون بقى تقيل على ايدى وباور الالنترا لايفصل على السرعات العالية لكنه بيقل سعة خزان الوقود 53 لتر استهلاك البنزين استهلاك الالنترا للبنزين قليل جدا بمعنى انا نزلت القاهرة بفول تنك ورجعت وكنت رايح الدقى شارع التحرير ونزلت تانى يوم وصلت القاهرة وبقت عاوز تتفول تانى بس طبعا الاستهلاك بيزيد بالذات فى الزحمة وتشغيل التكييف مابيزودش استهلاك البنزين للدرجة الابعاد الخارجية الطول 4505 مم العرض 1775 مم الارتفاع 1490 مم الارتفاع عن سطح الارض 160مم الشنطة مساحة جيدة افضل من السيفيك لكتن اقل بكثير من الاوكتافيا اللى بحر الشنطة فيها بمعنى الكلمة برغم ان ارتفاع العالى نسبيا الا ان العربية بتوطى جدا مع مع وجود راكبين من الوزن الثقيل ولو 3 بتوطى جدا بس برضه اكيد مش زى السيفيك بالنسبة لثبات العربية معقول جدا لفئتها السعرية وطبعا مش بتكلم عن ثبات بى ام او مرسيدس يعنى رحم الله امرء عرف قدر نفسه الفامل الامامية ديسكات والخلفية طنابير (بس كان المفروض تبقى ديسكات) الفرامل جيدة جدا جدا وخصوصا ان العربية لسه جديدة بس عاوز ABS+EBD عشان حتقدر تجرى وتلم نفسك فى كل الاجواء من امطار ورملة ناعمة وطبعا اخويا علاء اقترح عليا الجنوط العريضة بتدى ثبات زيادة بصراحة انا لسه ماجرتش الموضوع ده بس باجمال الاراء الكل مؤيد للموضوع ده الريفيرس زى الاول لفوق وقدام (زى معظم الكورى ودى كانت حاجة جديدة عليا بس حتاخد عليها بعد فترة ) العربية فيها سنتر لوك وانذار والابواب بتغلق اتوماتيك بعد المشى او بمجرد ضغط الفرامل بس انا شبه متاكد ان الانذار راكب فى مصر وعند فتح الابواب والمفتاح فى الكونتاكت الفلاشر بيشتغل وده ميزة حلوة لتنبيه الاخرين بالوقوف الكنبية الخلفية تكفى 3 اشخاص متوسطى الطول وبرغم انى 191 سم بس ممكن حد من متوسط لصغير يقعد ورايا مستريح العزل جيد جدا حتحس بفرق لما الشباك وتفتحه بس مش زى الاوكتافيا لكن افضل من السيفيك الاحساس بالمطبات جيد جدا بس ماش اوكتافيا وبالنسبة للسرعات العالية انا جربت لحد 180 بس اكيد العربية خفت جدا جدا بس السرعة المعقولة 140 ل 130 تحس انك ماشى 100 فى اى عربية ثانية والذيذ الصفارة بتاعة 120 كم/س بتنتن كامرة وتفصل بس بتنور لمبة 120 فى التابلوه لونها برتقالى وكمان لو قلعت الحزام تنتن كام مرة وتسكت على عكس السيفيك والالنترا ماشية بمبدا عاوز تموت اولع مش ناقصة وجع دماغ وانت حر واللى بيشيل قربة مخرومة بتخر على راسه التوكيل غبور الازاريطة لحد دلواتى جيد جدا الرقم المختصر لغبور 16661 العربية ثمنها 91 الف وشكرا

شكرا على التقرير الممتاز ده يا باشا بس ممكن اعرف ال overall مين احسن a4 ولا elantra و اريح و افخم فى الركوبه

[بدر بسيونى]

المشاركة الأصلية كتبت بواسطة mando_07 شكرا على التقرير الممتاز ده يا باشا بس ممكن اعرف ال overall مين احسن a4 ولا elantra و اريح و افخم فى الركوبه

شكرا ليك ولكل الاخوة الاعضاء ومن حيث الكلام عن الايه4 ادائها افضل من الالنترا بلا مجال للشك العربية اثقل ثباتها على عزلها افضل والجرى بيها امتع من الالنترا لكن كصالون عربية الايه 4 ضيقة جدا بالمقارنة بالالنترا وخصوصا من ورا الالنترا اوسع كصالون لكن مساحة التخزين الخلفية للاوكتافيا الافضل فعلا مساحة كبيرة جدا وخصوصا الباك ليفت بتاعة الشنطة بيدى مساحى اكبر

ففى المجمل لو عاوز عربية واسعة وتكفى اسرة من 5 او 4 افراد يبقى الالنترا الاوكتافيت ضيقة الى حد كبير وخصوصا من الكنبة الخلفية