هيونداي الانترا ( افانتي ) 2011 صاروخ جديد حيقعد هوندا سيفيك و تويوتا كورولا و شيفورلية كروز و كيا سيراتو في البيت

[حماده عبد الباسط]

ممكن سوال ودى هتنزل مصر قريب وسعرها كام

[hassanshokrof]

المشاركة الأصلية كتبت بواسطة horas3000 متفق معاك يا سامح باشا انه يحسب ليها بس مش عارف ليه الناس منبهرة قوي كده زياده عن اللزوم انا شخصيا انبرهرت بتصميم السوناتا لكن الفيرنا الجديدة و دي وقعهم كان اخف عليا و حتي انبهاري ده زال بعد ما شفت الانتريور بتاعها بس ده مينمعش اني اعترف ان فعلا الافانتي احلاهم اما بالنسبة للهوية المستقلة فاعتقد ان علي الجيل الجديد من العربيات دي هتلاقي تصاميم مختلفة تماما عن دي و مش هيستمروا عليه او علي نفس الخطوط زي الشركات الكبيرة انا فاهم يا زعيم موضوع اختلاف الاسماء ده بس ده ممنعش غبور اهو منزل نفس العربية الاكسنت ب 4 اجيال و كلهم بيبيعوا فهو لو جمع اللانترا الحالية و نزل سعرها ل 85 او 90 الف للكاملة الناس مش هتقول لا و في نفس الوقت ينزل الجديدة و يرفع سعرها لل 150 الف مثلا و برضة هتبيع يبقي كسبان كسبان و البحر يحب الزيادة زي ما انت عارف اما بالنسبة للمبيعات فاحب اقولك ان منطقة الشرق الاوسط كلها علي بعض كده لا تمثل نسبه كبيرة من مبيعات اي شركة فما بالك بمصر و السيراتو و الكارينز معملوش اي حاجة الا في السوق المصري و السوري غير كده متلقيش السوق الامريكي و الصيني هما اكبر سوقين و هما اكبر هدف لكل صناع السيارات و السيارات الكوري غير مفضله في اي من السوقين خصوصا ام معظم الشركات الكبيرة فاتحه مصانع هناك فاسعارهم لا تفرق كثيرا عنهم حتي السوق الاوروبي اللي كان ممكن يبقي الامل ليهم في ظل ارتفاع اسعار الوقود ملهمش في الكوري غير كده الاوروبين ولائهم لمنتجاتهم غير طبيعي ده كله ميمنعش ان كيا و هيونداي من اكير الشركات نموا بس شخصيا اعتقد انهم علي وشك الوقوف لانهم ابتدوا يركزوا علي الجودة و الفخامة و الحاجتين دول معناهم زياده في الاسعار و بكده يكونوا خسروا اكبر و اهم ميزة ليهم

تمام يا باشا الله ينور بس تقريبا هيونداي حتى بعد جودة وفخامة الموديلات الجديدة اللي منزلاها حتكون ارخص و حتجذب شريحة كبيرة من المستهلكين
اما بالنسبة للسوق الامريكي فدة هيونداي وكيا بينزلولة عربيات تانية خالص احنا مش قدها يا باشا زي الهيونداي آزيرا وهيونداي ايكوس و كيا اوبتيما و كيا كادينزا على سبيل المثال لا الحصر
وعلى فكرة كيا سيراتو نازلة في امريكا واستراليا بأسم فورتي بموتور 2000 cc
انما العربيات اللي في حدود 1600 cc وانت نازل دي بعملوها للشرق الاوسط للغلابة اللى امثالنا

[hassanshokrof]

المشاركة الأصلية كتبت بواسطة حماده عبد الباسط ممكن سوال ودى هتنزل مصر قريب وسعرها كام

ان شاء الله تنزل عندنا على اواخر السنة دي او أول السنة اللي جاية .
عموما هيا حيبدأ بيعها داخل كوريا منتصف 2010 و ذكر انة هيبدأ توزيعها على اسواق العالم بعد ذلك بفترة قصيرة
اما بالنسبة للسعر فلم يحدد حتى الان

[hassanshokrof]

المشاركة الأصلية كتبت بواسطة dr.amr العربية تحفه قوي قوي قوي ...بس ياريت تلاقي صور داخلية ليها

ان شاء الله يا دكتور عمرو اول ما اوصل للصور بتاعتها من الداخل حنزلها علطول
بس على فكرة انا حاسس ان هيونداي تتعمد اخفاء تفاصيلها الداخلية واكيد قصدت انها تنزلها في كوريا مش في الصين و مطلعطتش قاصدة برضو اي صور ليها من الداخل حتي الان وكل اللى قالوة يتعلق بالصالون انة مزود بنظام اضاءة حديث
HID (High Intensity Discharge) headlamps .
وطبعا حضرتك لاحظت ان كل العربيات اللى اتعرضت في المعرض حتى الان بجميع الوانها مزودة بزجاج ملون ( اسود ) لا يوضح اي شئ من تفاصيل السيارة الداخلية
بس ان شاء الله قريب كلة هيبان

[lol64]

كده هابتدى اتضايق فاهمنى طبعا يابدر باشا