|
#1786
18-03-2011, 05:41 AM
|
||||
|
||||
رد: أدب الرحلات
المعالى
اليوم كنت فى قرية صغيرة اسمها المعالى وهى تابعة لمركز منيا القمح بالشرقية وللوصول اليها فيجب ان تمر على بلد أسمها الجديدة ( بكسر الجيم وفتح الدال وتشديد الياء مع كسرها وفتح الدال التانية ) المهم كان معى احد أصدقائى ..........وكان خائفا جدا لان البلد لها طريقان الأول / من داخل البلد......... وهو طريق كله ونس ومحلات وناس وغيره الثانى / وهو طريق الترعة .............وهوطريق مقطوع وضلمة والغيطان على يمينك والترعة على شمالك ولو طلع عيل بخشبة صغيرة هيـثـبـتـنـا وياخد كل اللى هو عايزه وطول الطريق هوسنى وخرم نافوخى اعمل معروف ياعم خالد ........أوعى تمشى من طريق الترعة اعمل معروف ياعم خالد .....بلاش طريق الترعة .....ده طريق مقطوع وممكن نتخطف فيه ياعم خليها على الله ياعم انت قلبك ميت .....لكن انا عندى عيال وانا عندى قطط يعنى ؟؟؟؟ بزهق / ياعم انا بخاف من الطريق اللى هناك ده ............ومش هنمشى من هناك خلاص ياعم ....مش همشى من طريق الترعة ثم حين تركت الطريق ودخلت الى اول طريق هذه البلد وجدت ناس واقفة مستنية الميكروباس وهو عبارة عن سيارة نص نقل ومغطاة مثل بوكس الشرطة ولكن لايوجد هذا الميكروباس (شبيه البوكس ) ووجدت رجل ومعه زوجته ........وأشفاقا عليه وعلى أولاده وقفت واخدتهم معى ثم مشيت بالسيارة وفى أول 100 متر تقريبا من الطريق وجدنا مجموعة من الناس تزيد عن ال 20 شخص تقريبا ومعهم سيوف وسنج وحديد وكل انوا ع الأسلحة وجريوا على العربية وكل الاسلحة موجهة ناحيتنا وبصوا علينا من جوه واتفرجوا علينا شوية ثم قال احدهم بزعيق / متجيش من هنا تانى ياقاهرة(نسبة للوحات العربية / ملاكى القاهرة ).......تاخد طريق الترعة حاضر وبعد ان تركناهم ضحكت بصورة هيستيرية هههههههههههه ولكن صاحبنا بص لى وقال /سيبك منه هو هيحكمنا واللا أيه؟؟؟؟هنرجع غصب عنه ماشى ياعم ....أيه الشجاعة دى .....انت اخدت حبتين شجاعة واللا ايه ؟؟؟ لكن الراكب معنا هو وزوجته وأولاده القوا بقنبلة على رؤوسنا فـقال / بلاش ترجعو من هنا لان فى قتيل فى البلد والموضوع كبير....والأحسن ترجعو من طريق الترعة هههههههههههههههههه وضحكت على صاحبنا اللى نازل فيا توصيات من الصبح وانه مش هيرجع من طريق الترعة المهم ممشيناش 100 متر تانية .......ووجدنا لجنة شعبية تانية حوالى 50 فرد مثلا وكله ماسك فى أيده سنج وسيوف وشوم وجريو على العربية والسيوف موجهة ناحيتى سلام عليكم ياشباب محدش رد ولكن احدهم قال / م تجيش من هنا تانى ياقاهرة.........امشى من طريق الترعة حاضر وصاحبنا .....هيموت من الغيظ ومفيش 100 متر كمان ووجدنا تجمهر ضخم .......يعنى مثلا مجموعة لاتقل عن 100 شخص وكلهم مسلحين كالعادة ثم نفس الجملة متجيش من هنا تانى ياقاهرة والغريبة انى فى كل مرة كأنى داخل على كمين .....فأجد السيارة مجبرة ان تدخل عليهم على شكل حرف S وفى أحدى المرات كانت هناك شجرة مرمية بعرض الطريق ومرة أخرى سيارة قديمة بعرض الطريق وفى كل مرة لايفسحون الطريق الا بعد النظر داخل السيارة ثم الجملة الشهيرة التى تحرق دم صاحبنا متجيش من هنا تانى ياقاهرة هههههههههههههههه وصاحبنا متغاظ وفى كل مرة بعد الحبتين دول يوسعوا لنا الطريق ماعدا المرة بتاعة السيارة القديمة ........اجبرونى على النزول اللى الغيط ثم الصعود مرة أخرى الى الطريق المهم بعد عدة كماين كتيرة .......وصلنا البيت المقصود وهناك صديقى / أيه ياعم حالة الحرب دى ؟؟؟؟؟؟ قريـبه / أبدا ......واحد من منيا القمح له فلوس عند واحد من بلدنا و...جه ياخدهم منه ...وهما بيتكلموا مع بعض علوا صوتهم .....راح بتاع منيا القمح طلع طبنجة من جيبه وضربه بيها انا باندهاش / أيه ده ؟؟؟؟ ومات الراجل ده ؟؟؟ طبعا .....وأهل البلد دى راحوا البيت عند الواد القاتل ولما مش لقوه ....راحوا خطفوا أبوه وأخوه وعلقوهم على شجرة ومستنيين حد ييجى يسأل عليه أنا / يانهار أبيض ..... والحكومة فين ؟؟؟؟ الحكومة هتعمل أيه يعنى ......ده الناس معاها سلاح أكتر من الحكومة وبعد أن انتهت الزيارة انا لصديقى / ها ......تحب نمشى ازاى ؟؟؟؟ بـيـأس ونبرة صوت مهزومة / هو فى غيره................طريق الترعة هههههههههههههههه........م اااااشى وعدنا الى القاهرة لكن فعلا طريق البحر مقطوع وضلمة وطول م انا ماشى عليه وصاحبنا مرعوووووب الى أن خرجنا على طريق منيا القمح ثم الى القاهرة
__________________
 انتقل الى رحمة الله .. ونسأل الله له الرحمة والغفران 
|
|
#1787
18-03-2011, 12:38 PM
|
|||
|
|||
|
رد: أدب الرحلات
ههههههههههههههههههههههههه هه
مش قولتلك في التليفون امبارح بلاش يا عم خالد تروح ارياف تاني
|
|
#1788
21-03-2011, 11:15 PM
|
||||
|
||||
|
رد: أدب الرحلات
قابلت ميدو
كنت منذ يومين متجها الى مشوار فى مدينة الحوامدية بأول طريق الوجه القبلى الزراعى بعد المنيب بحوالى 8 كيلو مترو كان هناك حادث والطريق متوقف واثناء توقف الطريق وجدت شخصا نحيفا ونازل هزار مع خلق الله وتهريج رغم الحادث وبينى وبـيـنـكـو............. الصوت مش غريب عليا وبصيت ناحية الصوت يطلع مييـيـيـيـيـيـيـيـيـيـيـي ـيـيـيـيـيـيـيـيـيـيـيـيـ يـيـن ميدو .....فاكرينـه؟؟؟؟ تاجر المخدرات اللى كان بيشتغل معاه زيزو الغبى واللى كان كل شوية يدبسه فى قضية وأول م شافنى صرخ بصوت عاااااااالى ........... عم خاااااااااااالد .....ازيك ياحبـيـبـى ازيك ياميدو نزلت طبعا سلمت عليه .....وبعد الأحضان والقبلات تعالى ياعم خالد هنتغدى سوا غدا مين ياعم .....انا ورايا مشوار والله لايمكن..... هو انت شوية عندنا ياعم مستعجل أبدا ياعم انت المساعد بتاعك غبى وهيجـيـب لنا المباحث اللى أصلا لسه م اشتغلوش من بـيـوتهم ......وهيتقبض عليا من غير لازمة ههههههههههههههههه...... تـقصد زيزو؟؟؟ أيوه انا طردته بعد م اديته عـلـقـة محترمة ليه؟؟؟؟ هـقول لك ليه بس فى البـيـت ......سيب عربيتك هنا وتعالى نتمشى تـتـسرق تتسرق ده أيه ؟؟؟؟طالما شافوك مع ميدو يـبـقـى عندك حماية كونــفـيدرالية باسـتـخـفـاف / ياسلام ...... أه والله ....اومال أنت فاكر أيه .... .ويعنى أيه كونفيدراليه؟؟؟؟؟ يعنى أجدع حماية فى العالم ..... محدش يقدر يقرب لك يعنى حاجة كده زى الكلام بتاع امبريالى مستبد اللى كنت بتقوله لنا ههههههههههه ............ماشى ومشينا مشوار طويـيـيـيـيـل...... ولاحظت أن ميدو لايمشى فى طريق مستقيم .....فندخل فى حارة يمين (مثلا ) ثم يسارا فيمين فيسار فطوالى ثم نعود للخلف وأنا اتغظت ودماغى لفت وجالى صداع وصرخت فيه / مـتـتـوهـنـيـش ياميدو......... انا أصلا معرفش اجى هنا تانى ومش عايز ضحك ميدو / هههههههههههههه....... اهو أنا مش مكيفنى فيك غير انك فاهمنى ماشى ووصلنا البيت ........وبعد الشاى والأستقبال كمل كلامك أبدا فى يوم كنت بعتته مشوار يجـيـب قرش حشيش انت يابنى مش بطلت ؟؟؟؟ بطلت البرشام .....ودخلت فى المخدرات انا / أنـاماشى ....سلام عليكم استنى بس....وأمسكنى بقوة عايز أيه؟؟؟؟ انت أتأمصت ليه ؟؟ لأننا اخدنا عهد أمام الله انك تـتـوب وانت أخلفــته م انا تبت والله والمخدرات ؟؟؟ تـبـت وبطلتها بعد الحادثة الأخيرة بطلت المخدرا ت ؟؟؟؟؟وحادثة أيه ؟؟؟ أه والله العظيم بطلتها ......هقول لك حادثة أيه ؟؟ قول....وقول أيه حكاية قرش الحشيش ؟؟؟ أبدا راح يـجـيـب قـرش الحـشـيش وهو راجع قابله ظابط مباحث القسم ضحكت .........ههههههههههههههه وبعدين بتضحك ليه ؟؟؟؟ علشان تقريبا عرفت الباقى ده عيل أبن ........... كمل طيب من غير شتيمة المهم .....ظابط المباحث قابله ولقاه خاف وبان عليه القلق هههههههههه وبعدين ؟؟؟؟ الظابط مسكه وقال له / خد ياله .......ميدو فين؟؟؟؟ زيزو / فى البيت ياباشا معاك حاجة ؟؟؟ قرش حشيش ياباشا وأنا ضحكت بصوت عاااااااااالى جدا / ههههههههههههههههههههههههه هههه......ميزة الواد ده أنه مبـيعرفش يكدب ميدو / ده بيخاف من الظباط بس كمل بس......وراح جاب الظابط وجالى البيت باندهاش / يارااااااااااااجل أه والله .....وانطسيت فيها حكمين .....سنتين و 5 سنين هههههههههه ازاى بقى وهيا قضية واحدة لا مهو عملها قضيـتـيـن ليه؟؟؟؟ لان دخل لقانى بـبـيـع كام قرص برشام ياحظك ياميدو.....وبعدين ؟؟؟ دخلت السجن .....وخرجت منه هارب وقت الثورة الله يسترها معاهم هما مين ؟؟؟؟شباب الثورة؟؟؟ لأ .... الداخلية ؟؟؟ واندهشت وقلت / ليه؟؟؟ أصلهم فتحوا لنا أبواب السجن يوم الثورة بالليل (يقصد يوم جمعة الغضب )وقالوا لنا روحوا بيوتكو باستغراب / والله ؟؟؟ أه والله وبعدين وصلت ساقية مكى عندنا فى البيت بالليل ولميت عفشى فى عربية وجيت سكنت هنا فى الحوامدية علشان كده بقيت ....تـتوهنى واحنا ماشيـيـن؟؟؟؟ أيوه ....بصراحة انا م صدقت خرجت .....بس انت حبـيبى ومش بشك فيك ....بس الأحتياط واجب ماشى ياعم ....وناوى على أيه دلوقت ..؟؟؟؟ عندى مصلحة كويسة كلها فلوس طيب الحمد لله ..... ربنا يرزقك من حلال ياميدو.... يارب وتغير وجه ميدو مالك يابنى عايزك تشاركنى فى المصلحة دى خير هيا عبارة عن أيه ؟؟؟؟ تعالى معايا وقمنا .....وبعد المشى فى الدهاليز وصلنا الى السيارة ميدو / تعالى نروح البدرشين هنعمل ايه هناك؟؟؟ مصلحة فيها فلوس كويسة .... فين؟؟؟ تعالى بس ووصلنا البدرشين.........وركـنـنـ ا السيارة ....... وكالعادة مشينا فى دهاليز بحيث انى معرفش انا رايح فين وجدنا فى استقبالنا رجل عجوز .........غليظ الصوت ..... ميدو / أزيك يا عم حبـيـش....ألأستاذ خالد حبـيـبـى وصاحبى حبـيش / أنت كداب ....انت متعرفش الناس النضيفة دى ثم نظر الى وقال بصوته الغليظ / أزيك يابـيه نورتنا والله الله يخليك ياعم حبيش وقلت فى نفسى / مصلحة أيه من ورا ده .....بصوته التخين ده وشكله الغلط ؟؟؟ ده شكله وتصرفاته لوحدهم يجـيـبـوا السجن لحد هنا ديليفرى ثم أفـقت من تـفكيرى على صوته / أتفضل الشاى يابـيه شكرا ميدو / فين الحاجة بتاعتنا ياعم حبـيـش عينى ياميدو وكلما تحدث هذا الرجل أحسـست ان السقف سيقع فوق رؤوسنا بعد جملتين كمان ........لأن صوته تخين جدا وجاء عم حبـيش ومعه كراسة وفتحها ......وأخرج منها ورقة بـ 10 جنيه وأخرى ب 20 جنيه وثالثة بـ 50 ورابعة ب 100 وخامسة بـ 200 جنيه ثم اعطاهم لى واحدة تلو ألأخرى وقال / أيه رأيك ياباشا أنا / رأيى فى أيه ؟؟؟ بصوت اغلظ من كل مرة / فى الشغل ده وأمسكت الفلوس بيدى .....وصعـقـت وقلت وانا مبهوت ومندهش / أيه ده ؟؟؟؟؟ دى برانى(مزورة ) ؟؟؟؟ ده تخريب لاقتصاد البلد ميدو / أصبر بس ياحاج خالد .....متبصش للموضوع من الناحية دى اومال ابص له من انهى ناحية بالظبط من ناحية وجه قبلى ...........هههههههههههه لم أضحك وقلت / أنا ماشى استـنـى بس المعلم حبـيـش / هو الأستاذ جورنانجى ؟؟؟؟؟ ( صحفى )....... انت عايز تحبسنا ياميدو واللا ايه ؟؟؟ ميدو / متخافش يامعلم ده أبن خالتى بس ملوش فى الكلام د ه انا / انا ماشى ياعم أصبر أسف ميدو / هجيلك تانى يامعلم بنفس الصوت والزور / ماشى وخرجنا ولم انطق طول الطريق ولم أرى الدهاليز التى مشينا فيها وميدو يحاول أن يكلمنى وانا لا أرد عم خالد أعمل معروف انا بحبك ومتعملش معايا كده لو بتحبنى صحيح .....كنت تبت وبطلت زى م اتفـقـنا م انا بطلت المخدرات والله واشتغلت فيما هو أسوأ ......على الأقل المخدرات بتخرب دماغ الكـيـيـفة بس لكن الشغلة دى بتخرب اقتصاد البلد كلها ياعم خالد من غير كلام كبـير.... أنا أصلا مش فاهم نصه .....انا بصريح العبارة لو ملحـقتـش أعمل قرشين فى يومين البلبلة اللى فيها البلد دول لحد شهر 8 او 9 اللى جاى مش هعرف اعمل فلوس تانى ....وانا تعبت بقى من السجن ..... وكنت فاكرك هتساعدنى بعصبـيـة / أساعدك فى أيه ؟؟؟؟ انت مجنون ؟؟؟؟ طيب متزعلش بصراحة ...........زعلان وندمت أنى عرفت أخبارك .....لان صورتك كانت حلوة قصادى لما عرفت أنك تبت .....ودلوقت ....انا متضايق وقرفان منك بجد ......هترجع لحبيش واللا أوصلك الحوامدية فى طريقى بعد تردد ...../ خلاص اتوكل أنت على الله ماشى .....سلام عليكم وعليكم السلام .....متزعلش منى علشان خاطرى لم أرد......ومشيت
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 21-03-2011 الساعة 11:29 PM
|
|
#1789
24-03-2011, 12:37 AM
|
|||
|
|||
|
رد: أدب الرحلات
برجاء من ادارة المنتدي الغاء هذه المشاركه التي تخصني وقفل الموضوع علي اخر مقاله لعم خالد ويبقي الموضوع ذكري خالده ليه ويا ريت يا جماعه محدش يشارك ونعتبر الموضوع للقراءة فقط
|
|
#1790
24-03-2011, 02:45 AM
|
||||
|
||||
رد: أدب الرحلات
__________________
تصفيح السيارات؟؟؟؟؟؟؟؟؟؟ تعلم ميكانيكا السيارات اكبر موقع شامل للقنوات المتاح مشاهدتها على النت روائع الاذاعة الجزء الثانى..!!!!! روائع الاذاعة !!!!! سيات ابيزا معدلة!!!!! لعبة تعليم القيادة!!!!! .ما اروع ان تشد الرحال الى المسجد الحرام. أستغفر الله ...أستغفر الله...أستغفر الله.
|
 |
| أدوات الموضوع | |
|
|
