أدب الرحلات

[خالدخليفة]

المشاركة الأصلية كتبت بواسطة momen_bondok [SIZE=4][/CENTER] [/CENTER] انا كان نفسى اعرف عن حياة العرب تستشعر انهم عالم تانى خالص انا منذ خمسة ايام بقرء فى الموضوع وذلك لاسلوب حضرتك الشيق(بفتح الشين وكسر الياء) والراقى وطريقة السرد الرائعة فبارك الله فيك

جزاكم الله خيرا ويارب تكون عجبتك

المشاركة الأصلية كتبت بواسطة gadix ازيك يا عم خالد؟ واحشني جدا و الله عاوزين نعرف تعليقاتك علي احداث الثورة و حكاياتك انا كنت منتظر اسمع خبر انك قدمت ملف للنائب العام ضد جرائم حبيبك منصور ايه انت سامحت الراجل و لا ايه؟

اولا / الف مليار حمدا لله على السلامة وواحشنى كتير والله
ثانيا
ملف للنائب العام عايز وثائق ومستندات مش مشاهدات ملموسة ثم دوره جاى لانهم بيحاولو ينسونا مبارك عن طريق انهم يزودو عدد المحولين للنائب العام من مسئولين
ثالثا / ياعمنا فى موضوع جديد ليا اسمه مقالات كاتب فيه براحتى وهو دعوة لكل مواهب المنتدى انها تكتب مقالات
وده الرابط بتاعه
http://www.masrmotors.com/vb/showthread.php?t=47498

ويارب تشارك بمقالاتك وارائك معانا

[dego_story]

المشاركة الأصلية كتبت بواسطة خالدخليفة نكمل دى حكاية شبه اللى فاتت مرة مسافر اسكندرية وركبت قطار 10 ونص بالليل وكنت حاجز فى الدرجة الأولى والدرجة الاولى دى عبارة عن كرسى واحد على اليمين وكرسيين على الشمال او العكس ولانى مش بعرف انا م فى القطار مهما كنت مرهق فركنت دماغى وقفلت عينى لكن سامع وحاسس بكل حاجة حواليا وكان على شمالى راجل ومراته وبنته لفو الكراسى وقاعدين بيتكلمو مع بعض وسمعت حديث غريب خلى نافوخى سخن جدا وفوقنى لكن وبصراحة مفتحتش عينى وعملت نايم الاب / بكرة ننزل شارع فرنسا نجيب الدهب (لمن هم من خارج اسكندرية ده زى الصاغة فى القاهرة كله محلات دهب) البنت / شارع فرنسا ده ايه يادادى انا هجيب الدهب من سويسرا الام / والله عندك حق هنا بقى كله مضروب الاب / طيب بكرة نروح نجيب العفش من دمياط البنت / دمياط ايه المعفنين دول يادادى احنا هنجيب العفش من ايطاليا الا م / شغلهم مش حلو ياراجل مفيش احسن من ايطاليا بلد الموبيليا الاب / طيب ننزل نجيب الاجهزة الكهربائية من زهران (اعتقد وكيل براون فى مصر ) البنت / يابابا ياحبيبى (معرفش مقالتش دادى ليه) هننزل فرنسا نجيب الاجهزة من هناك الاب بغيظ / يبقى بكرة نجيب الستاير والمفروشات فالبنت قالت / احنا هنجيب الستاير والمفروشات واللانجيرى (الاندر وير الحريمى) من اسبانيا (اول مره اعرف ان اسبانيا متخصصة فى الكلام ده) فقال / ليه وهو ماردينى كفر فقالت / انا مجيبش حاجة من هنا انت عايز الشلة والعيلة يقولو علينا بخلا وبنوفر فقال وتقريبا هو قرب يطلع دخان من دماغه / وان شاء الله مين هيروح الرحلة دى فقالت / ريح نفسك ياحبيبى (لاقالت دادى ولا بابا )هنروح انا وماما وخطيبى وطنط (حماتها) وانا توقعت انه يرميهم من القطار او يعمل اى منظر وفوجئت بيه سكت بعد م قال/ خلاص انتى حرة اعملى اللى انتى عايزاه وطبعا بنته قامت ادته بوسه وشكرا يابابا ياحبيبى وانا نافوخى سخن بصراحة ايه السفه ده دهب من سويسرا ودمياط اساتذة الموبيليا معفنين وشوية ستاير من اسبانيا واجهزة من فرنسا و4 افراد مسافرين 5 دول (جمع دولة) تقريبا هيصرفو كام من اقامة واكل وشرب وتنقلات غير شحن العفش من كل دولة ده تكاليف الرحلة دى تجوزشباب بلدنا والبلاد المجاورة كلها المهم اظرف مافى الموضوع سافرت البلد بعدها باسبوع وقابلت خال من اخوالى وده عامل زى حالاتى مبيسكتش بس صعيدى سريع الطلقات فرد وقال / وانت سمعت الكلام ده كله فقلت/ ايوه وعملت ايه هعمل ايه يعنى موضوع ميخصنيش ولو اتدخلت هسمع كلام ملوش لازمة فقال / اتسدج(تصدق)بالله ياابو اختو(ياابن اختى / هو ابن عم والدتى) فقلت / لااله الا الله فقال /انا كنت مسافر فى الجطر(القطار)عنجضى (اقضى) مصلحة ف طنطا وجابلت (قابلت) راجل ومرته(مراته) وهيا مصرة تصيف وهو يجول(يقول) ممعناش فلوس نصيف وتجول اتصرف وبصراحة ياابو اختو صعب عليا الراجل فقلت له / وعملت ايه فقال /مسكت المرة (المرأة) هزجتها(هزئتها) وجلت (قلت) حرام عليكى ارحمى الراجل هيجيب لك منين تصيفى اتلومى (كلمة صعيدى معناها لومى نفسك) ياولية احسن طلاج (طلاق) تلاتة ارميكى من الجطر وجوزها اتدخل وجال (قال) وانت مالك فجلت وانا مالى ازاى ياراجل ياخنتة (مخنث) (يعنى مش راجل) مجادرش(مش قادر) تحكم على مرتك فقلت له / وحصل ايه فقال / فضلت نهزج (أهزق من التهزيق )فيهم من طنطا لمصر( للقاهرة ) فقلت / ايه ده معقول ؟؟؟؟ فقال / والله ياابو اختو لحد مصر وهو نازل جلت له غور ياكش (اياك) اشوفك تانى والله هموتك المرة الجاية ضحكنى وقلت له بصراحة بتوع تجهيز العروسة من خارج مصر دول كانو عايزينك فقال / والله يابو اختو ده انا دمى اتحرج (اتحرق) ولو جاعد (قاعد) جنبيهم كنت رميتهم كلهم من الجطر فانا ضحكت وقلت ف سرى الحمد لله انك مكنتش معاهم حكم انا عارفك فئرى وتعملها

ايه ياحج خالد .. حراااااااااااااااام دهب من سويسرا ليه يعنى هيفرق ايه .. وايه الدول اللى بيرحو يعملو منها شوبينج دى .. دى الدول دى من خيالات الاحلام السفر ليها كدة لمجرد الفسحه .. ^_^ كتير وربنا .. وانا اللى كنت داخل اقولك شوفلى شغله ههههههههههههههههههههههههه هههه ^_^ لالالا انا عايزك ياحج خالد. تشوفلى عيله من العائلات دى .. وتجيلى عنوانهم ههههههههههههههههه.. ربنا يكرمك على الحكايات الممتعه دى للاسف انا مش بدخل المنتدى من فترة طويله جدااااا بس الموضوع دا اكتر من رائع ياحج خالد ...

[momen_bondok]

المشاركة الأصلية كتبت بواسطة خالدخليفة انا والثلاجة

حضرتك بتُوضع فى مواقف لا تُحسد عليها
بس والله مواقف زى العسل
ووالله الموضوع دة من اجمل ما رايت

[momen_bondok]

المشاركة الأصلية كتبت بواسطة خالدخليفة المؤتمر التاسع (الاحتلال العثمانى) ورغم انى تعبان جدا ولكن ذهبت الى السرير لاستريح فوجدته كئيبا كرهت سريرى لانى منذ 4 ايام لاافارقه حتى احسست انى اصبحت كهلا فى السبعين واضطررت للعودة للكتابة رغم المرض وكنا فى القطار العادى مسافرين الى الاسكندرية (على فكرة غالبية مؤتمراتى ان لم يكن كلها فى قطارات بحرى او مواصلات بحرى لان الصعايدة لن يواجهو الفقر والحكومة معا فيشترون ادمغتهم ويسكتون او يتحدثون فى اى اشياء اخرى ) ونكمل وفوجئت بواحد طلع فجأة كده علينا زى مدفع رمضان لما كان شغال زمان وقااااااااال / والله مصر دى بلد مظلومة وكله طمعان فيها ومن بعد الفراعنة واحنا محتلين من الرومان للماليلك للطولونيين للعثمانيين للانجليز لحد م جه عبد الناصر وحررها انا / ايه ياعم الكلام الكبير ده فقال / ده احنا قعدنا بس تحت الاحتلال العثمانى 500 سنة 500 سنة؟؟؟؟؟ وعلى كده سعادتك بتشتغل ايه فرد بشجاعة نادرة واثقا انه قد أفحمنى / مدرس تاريخ انا / بـتـتـكلم جد ؟؟ بكل غرور / ايوه انت فاكر ايه تصدق صدمتنى وكمن وقع عليه برج القاهرة مذهولا ومستنكرا / ليه انشاء الله والكلام ده بتقوله للعيال فى المدرسة طبعا طبعا ايه ياعم حتى لو الكلام ده مكتوب فى كتاب المدرسة لانى درسته زيك فميصحش تردده وتقوله للعيال وتفهمهم ان ده خطأ تاريخى لكن يكتبوه علشان النجاح فى الامتحان بس مستكملا كلامى / هم العثمانيين دول جنس ملتهم ايه هو / مسلمين والمماليك مسلمين والطولونيين مسلمين والانجليز واكملت كلامى اوعى تقول مسلمين احسن تلاقى نفسك بره القطار ضحك وقال /لا دول فعلا غزاة اسر لويس التاسع وتحرير المسجد الاقصى وهزيمة التتار اللى كلنا بنتفشخر بيهم مش كانو فى عهد الناس ؟؟ دى وصحيح ان المصريين عملو كده لكن ايـبـك مملوك وقطز مملوك وبيبرس مملوك وصلاح الدين هو الوحيد اللى ابوه كان ملك حتى الدولة العثمانية اللى حكمت مصر 500 سنة دول يابنى كلهم مسلمين وكانت وقتها اسمها دولة الاسلام وفى قول مشهور لهارون الرشيد بعد ان كان ينظرللسحابة فى السماء وهي مليئة بالماء وسائرة ويقول لها / امطرى حيث شئت فسوف يأتينى خراجك يعنى مطرى فى اى حتة فالزرع اللى هينبت من المطر بتاعك هيجينى زكاته و ده كان يدل على اتساع الدولة الاسلامية لكن التقسيم بتاع اليومين دول مصر وسوريا والسعودية والكلام العبيط ده ده بمبدأ سياسة فرق تسد لازم يقسمنا ويقسمنا من جوانا تانى ويزرع الكره بين الجميع فالعراق دلوقت دولتين العراق والاكراد (وليهم تليفزيون وحاكم خائن اسمه مسعود برزانى ولو يعلم ان جده الاكبر هوصلاح الدين (كردى)الذى حرر القدس ماسعى الى تقسيم العراق والسودان شمال وجنوب ودارفور ومصر مسلمسن واقباط وكانو عايزين يعملو دولة للاقباط فى اسيوط ايه الكلام ده ؟؟؟؟؟؟؟ مش دى دعاوى فرقة(بضم الفاء)؟؟؟؟؟ علشان كلنا خيراتنا تترمى وميستفيدش بيها حد غير الاوروبيين والامريكان لم تـحتـل (بضم التاء الاولى وفتح الثانية) مصر الا من الرومان والانجليز واليهود وماعدا ذلك فهى دعاوى باطلة فقال / تصور انا من 20 سنة بدرس الكلام ده واول مرة عينى تشوفه بطريقة تانية وطول عمرى فاهم ان احنا يادوب اخدنا نفسنا(من التنفس ) من 55 سنة بس(وقت قيام الثورة) وانت اخدت نفسك ؟ لا لانى فاهم ان الاستعمار سايبهالنا بايظة طيب ياعم محدش بوظها غير ابنائها سواء اللى حكموها او اللى سكتو زيى وزيك على اللى حكموها بص لى بريبه وقال / كفاية كده ياعم انت ناوى تحبسنا والا ايـــــــــــــــــــــــ ــــــــه ياااااااااااااااادى الحبس

للاسف دة شيء سلبى فى معظم المُدرسين عدم الاطلاع إلا على الكتاب الدراسى وكانة بغبغاء يردد ما يقولة كتاب الوزارة

[zago boss]

السلام عليكم
انا وصلت لصفحه 13
جالي استبحس من كتر الضحك المتواصل
وابسط يا زعيم امن الدوله بيفيص خلاص هههههههههه
حاول تمسك اي وزاره اليومين دول واحنا معاك
الرجاله اللي ورا خالد خليفه