|
#1716
25-01-2011, 02:37 AM
|
||||
|
||||
رد: أدب الرحلات
جمال يتحدى !!!!
دة المفروض يسكت ساكت خالث وميفتحش بقه بكلمه اصلا ربنا يكون فى عون حضرتك بيجد ع الايام دى 
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله 
|
|
#1717
25-01-2011, 05:49 AM
|
||||
|
||||
|
رد: أدب الرحلات
أبو سامية
قابلته فى القطار كنت قادما من دمنهور وركبت بجواره وكان قادما من الاسكندرية وتحدثنا كثيرا واصبحنا اصدقاء واعطانى رقم موبايله واخذ رقم موبايلى ولان الشعب المصرى عاطفى حبـتـيـن .....فأنا اعتقدت انه سينسانى بمجرد ذهابه الى البيت ولكن انا فيا عادة لايمكن امسح رقم تليفون كتبته وعندى ارقام لناس منهم الحى ومنهم الذى ذهب الى الدار الأخرة ومع ذلك محتفظ برقم تليفونه وقبل الكومبيوتر كان معى عدة اجندات بها ارقام تليفونات ناس كتيرة جدا المهم جلس بجوارى وحدثنى الباشا منين صعيدى بس هتركب تانى من مصر ؟؟؟ياترى هتلاقى قطارات فى مصر لما نوصل 1 بالليل؟؟؟ صعيدى مقيم فى القاهرة اهلا بيك اهلا وسهلا محسوبك ابو سامية سواق ميكروباس قد الدنيا .....بمشى زى الريح ...... ولاحكومة تهم ولا..قسم يلم .....ههههههههههه تشرفنا ياابو سامية وانت مين بقى انا خالد ....تاجر تاجر ايه عدم المؤاخذة ؟؟؟ عطور كركديه وشطة وكمون وحاجات من دى ؟؟؟ لا عطور يعنى ريحة مش عطارة ااااااااااه .......... الريحة الحلوة يعنى ايوووووه تمام كده والله يا اخى القطار ده حاجة جميلة والله ......انا مكـنـتـش فاكره سريع كده ورخيص بالشكل ده ......... واكمل حديثه بالك انت يا استاذ خالد ..... انا لو سافرت بالعربية كنت صرفت اقل واجب 150 جنيه جاز ولو حبيت اوفرهم يبقى لازم اقف فى الموقف والم الفردة رايح والمها جاى .....لكن هنا انا دافع 10 جنيه بس وماشاء الله ساعة ونص وصلنا طنطا ....فاضل كتير على مصر ؟؟؟؟؟؟ ساعة الله اكبر ...............ده اسرع من الميكروباس اومال بيخسر ليه ؟؟؟؟ علشان بـيـتسرق عندك حق يابـيـه والله ........بس هما سايـبـيـنـه ليـه من غير شبابـيـك ؟؟؟؟ الزباين بتكسرها وهما بالعند فينا مش بيركبوها ههههههههههههه والله انت زى العسل ......... وبالعند فيكو ليه ؟؟؟؟ كل م يركبوها الناس بتكسرها فبـيـسيـبـوها والناس بـيـكسروها ليه ؟؟؟ لان فى الصيف الجو الحر وبـيـبـقى فـيه ناس زانـقـة الشباك فى الشتا بأى حاجة والشعب بـيـكسل يتعامل بالراحة فبـيـشترى دماغه ويكسرها انت بـتـتـكلم جد ؟؟؟ أه والله وظل يحكى ونتجاذب اطراف الحديث حتى القاهرة وبعد كام يوم رن جرس الموبايل...... ونظرت فى الشاشة فأذا هو ......أبو سامية ازيك ياابو سامية بصوت مخنوق / ازيك ياخلودة أيه يابنى مال صوتك حصلت مشكلة كبيرة مع المدام ياساتر يارب ......خيــر؟؟؟ مش خير خالص ......معلش تعالى لى وتعجبت فأنا لم اراه الا مرة واحدة صحيح تحدثنا كثيرا ....لكن ليس لدرجة ان اتدخل فى مشكلة خاصة بينه وبين زوجته المهم اتـفـقـنا على ميعاد وسافرت الى الاسكندرية وكان يسكن فى منطقة اسمها العوايد وهى منطقة شعبية نوعا ما وقابلته واخدنى بالاحضان ازيك يابو سامية ازيك ياخويا ( لفظ اخويا وياختى ده طبيعى فى لهجة الاسكندرانية وخصوصا ابناء المناطق الشعبية ) ايه يابنى خير فى ايه ؟؟؟ هقول لك حاجة وتشوف لى حل خير ان شاء الله بصراحة بقى انا مشكلتى فى الحياة الستات تعجبت وقلت /ياعم د ه انت عندك 55 سنة ضحك وقال / ياعم مش اليومين دول اومال امتى شوف ........انا اتجوزت اكتر من 25 مرة يانهارك ابيض يعنى كل سنة بتتجوز 2 وغلاوتك عندى انا مرة اتجوزت 6 مرات فى سنة ههههههههههههههه بتتكلم جد؟؟؟؟؟؟ اه والله العظيم وليه الدوشة دى كلها م قلتلك مشكلتى الستات ....كلهم عاجبـيـنـنـى.........نفسى حلوة يا أخى ههههههههههه وبعدين ولاقـبـلـيـن..........لحد م اتجوزت واحدة أبوها يبقى فلان ( أحد رجال الأعمال الكبار فى مصر ) بـتـتـكـلـم جد؟؟؟ اه والله وبعدين كانت بنت ارستقراطية جدا وعشت معاها احلى ايام ..... لمدة 3شهور 3شهور بس ؟؟؟؟؟ ضحك وغمز بعينه / ههههههههه......انا عارف ان المدة دى طويلة اوى وبعدين ظبطـتـنى مع واحدة ......... بصراحة........هيا احلى منها يانفسك الوحشة ياأخى اهو بقى كان نفسى فى المخلل ...............هههههههههه هه وبعدين وطبعا تم الطلاق ........وتوالت الجوازات التانية والتالتة والعاشرة لحد م جات الاخيرة والسن كبر برضه وبعدين الاخيرة دى بنت مش متعلمة ولابتـقـرا ولاتـكـتـب ورغم انى محاسب وكنت صاحب توكيل حديد تسليح الا انى اتجوزتها بدل الستات التانـيـيـن اللى انتهزو فرصة انى اتسجنت وجردونى من كل حاجة وسرقونى ونهبونى وسابو شقتى اللى فى اكتوبر وشقتى اللى فى عابدين على البلاط هو انت اتسجنت اه ليه اتجوزت واحدة ابوها لواء شرطة وبعد شهر كالعادة زهقت منها هههههههههههه وطبعا ابوها دبسك فى قضية 5 قضايا وغلاوتك انطسيت فيهم 7 سنين وبعدين خرجت اتجوزت الاخيرة دى وبعدين بصراحة بسبب اللى عملوه فيا الستات اللى قبل كده بقيت بشك فيها واشيل فلوسى عند اختى وبعدين هيا زهقت من الموضوع ده .....من كام يوم بنـتـكـلم انا وهيا ....فقـلتـلها انا بصراحة شاكك فى كل الستات ومش مستعد اقـول لك على حاجة بعملها ههههههههههههه وطبعا اتخانـقـتـو اتخانـقنا فعلا بس مش ده السبب اومال حصل ايه ....؟؟؟؟؟؟؟؟ اللى حصل انها بعدها بـيـوميـن ادتـنى رنة على الموبايل .... وانا بغباوتى طلبتها بغباوتك ليه ؟؟؟؟ لان كان معايا واحدة ست يادى النيلة مفيش فايدة فيك ..........وبعدين ؟؟؟ ابدا........ كلمتها كلمتين ...وسلام...... سلام ....وخلاص اومال فين المشكلة ؟؟؟؟ اللى حصل انى روحت البيت البيت لقيتها لاوية بوزها وبتحكى اللى حصل بينى وبين الست اللى كنت معاها بالحرف زى م تكون كانت معانا هههههههههههههههههههه..... ... يعنى حبـيـبـة القلب باعتك انا افتكرت كده فى الأول الله .....اومال عرفت ازاى ؟؟؟؟؟ اللى حصل انى لما كلمتها على الموبايل م قـفـلتش الخط على أساس انها هيا هـتـقـفـل وخلاص اومال حصل ايه ؟؟؟؟ اللى حصل انها م قـفـلتــش الخط وسمعت كلامنا كله وطبعا فى كلام محرج ويكسف ياسلام وعرفت مـنـين ؟؟؟؟ كان معايا 100 جنيه رصيد ....جيت بطلب مكالمة لقيت الرصيد نـفـد يانهار ابيض خلصت 100 جنيه وهيا بتسمعكو ؟؟؟؟....... يعنى 200 دقـيقـة(ساعتين الا تلت ) تليفونك مفتوح وانت ولا انت هنا ؟؟؟؟؟؟ (وقتها كانت الدقيقة نزلت الى 50 قرش من حوالى 6 سنوات تقريبا قبل اختراع الانظمة الكتير لشركات الاتصالات دلوقت) أه ....تصور ؟؟؟ وهيا فين دلوقـت ؟؟؟؟؟ هاتها نـتـكلم معاها ونحاول نـقنـعها تـقـنعها بأيه دى خرجت من البيت راحت تجيب اهلها من الصعيد ولسه مجاتـش نعم ....................طيب اومال جايبنى ومستعجلنى ليه ؟؟؟؟ اصلها جاية النهاردة ومعاها اكيد اكيد اكيد عمها ومالك متأكد كده ليه ؟؟؟ اصل والدها متوفى .....ومالهاش غير عمها .....وانت صعيدى قريبهم وديـبلوماسى فى كلامك هتـقـدر تـتـفاهم معاه باستـنـكار / لا ياشيخ وحياة الشيخ ..........هههههههههههه ولم تمر اكثر من ساعة والباب خبط وصلو ياخلودة ...... عايزك تحط الراجل فى جيـبك ربنا يستر وذهب ليـفتح الباب ودخلت زوجته .........شابة صغيرة فى السن لاتزيد عن 30 سنة بأى حال من الاحول ودخل ورائها رجل يرتدى عمة وجلابـيـة وواضح انه عمها وكانت المفاجأة القــاسية دخل وراء الرجل طابور طويـيـيـيـيـيـيـيـيـيـيـي ـيـيـيـيـيـيــيـيـيـييـيـ يـيـيـيـيـييل من الشباب وواضح من شكلهم انهم متحفـزين لعمل مشكلة او مصيبة او كارثة او ال 3 مع بعض واصابنا الذهول انا وهو وقررت عد كل هؤلاء فوجدتهم عددهم حوالى 37 ( لا أذكر الرقم بالضبط الأن) وأيـقـنـت ان اى مناقشة عصبـية مع هؤلاء ستـقـطع لى تذكرة للدار الأخرة وتحدث عمها بعصبـيـة مختـلطة بتهديد / انت كيف تعمل اكده (كده ) مع بـنـتـنا هيا مالهاش اهل والا ايه ؟؟؟؟ طبعا كده الموضوع دخل فى الغـويط على طوووووول بلا أى مقدمات .........عمها جاب من الأخر انا / طيب هدى اخلاقك ياحاج انت جاى من سفـر ونـتـغدى الأول وبعدين نـتـكلم احنا مش جايـين نـتـضايف ازاى ياحاج ده بـيـتـك برضه خلاص ....بلاش غدا كفاية الشاى وانـتـهزت الفرصة وقلت لأبو ساميه / هنزل اشترى كيلو شاى للشعب ده كله ....واجيلك م تـتأخرش ماشى بعد 3 ساعات رن جرس تليفونى ...... وطبعا عرفتو مين ؟؟؟؟؟؟ اهلا ابو سامية بــقـلـق وغضب / انت فين ؟؟؟؟؟؟؟؟؟؟ انا بعد نص ساعة هكون فى مصر ان شاء الله ازاى الكلام ده ........برضه كده بتـبـيـعنى ياعم قل لهم انى حصل لى اى حاجة وسيب البـيـت وامشى انت كمان وم ترجعش غير بعد أسبوع ......دول جايـين يحررو فلسطين مش يجيـبو حق بنـتـهم ....... انت مش شايف عددهم كام ؟؟؟؟؟ ضحك وقال / والله فكرة ههههههههههههههههههههههههه ههههههههههههههههههههههههه هههههههههههههههه وخرج ولم يعد الا بعد شهر كان هذا الجيش الجرار قد تم طرده من البيت بعد ان اصبحت زوجته لاتقـدر على مصاريفهم واقامتهم حتى عمها كان قـد مشى ........واصبحت وحدها فى البيت وعاد وفتح الباب ودخل .............ولم تـتـحدث معه ولا......فتحت معاه اى نوع من انواع الكلام هههههههههههههههههههه
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 25-01-2011 الساعة 06:05 AM
|
|
#1718
25-01-2011, 06:31 PM
|
||||
|
||||
رد: أدب الرحلات
__________________
د / محمد إن الله لا يصلح عمل المفسدين
|
|
#1719
25-01-2011, 07:07 PM
|
||||
|
||||
|
رد: أدب الرحلات
هو مشكلته انه كان بيتجوز الواحدة من دول وكان بيعرف بنات وستات كتير بدون جواز وحظه كان زفت....... كل شوية مراته الجديد ة تظبطه وتطلب الطلاق
والحكاية طويلة بس انا اختصرتها
__________________
انتقل الى رحمة الله .. ونسأل الله له الرحمة والغفران
|
|
#1720
26-01-2011, 01:47 AM
|
||||
|
||||
|
رد: أدب الرحلات
المقالة ( 18 )
الـقـلة المـندسـة الرئيس السادات رحمة الله عليه كان ليه تعـبـيـرات عجـيـبـة وشهـيـرة ......ولان الشعب المصرى شعب ابن نكتة حتى اصبح الآن للاسف شعب نكتة فـقـط بلا عمل واضح او منتج فمسكو عليه التعبـيـرات دى وبقو يرددوها ومنها طبعا انتفاضة الحرامية (قيلت فى احداث 18 / 19 يـنـايـر 1979 لما السكر غلى اعتـقـد قرشين والرز غلى 3 صاغ حاجة زى كده ومن بـيـن كلمـاتـه الشهـيـرة الوحدة الوطنيـة والفـتـنـة الطائـفـية والجملتين دول قيلو بعد احداث كنيسة الزاوية الحمراء بين المسلمين والاقباط سنة 1980 القلة المندسة / و دى جملة بـتـتـقـال لما يكونو عايزين يتـلككو لحد ويقبضو عليه وهذا الحد غالبا من الاخوان المسلمين بصفتهم شعبيتهم كبيرة شوية انا مسكت الرؤوس / ودى قيلت فى احداث الكلية الفنية العسكرية انا طردت الروس / قيلت فى عام 1972 بعد طرد الخبراء الروس من مصر كـبـيـر العيلة اخلاق القرية وغيرها .......وغيرها من التعليقات وكان يوم الجمعة يقعد جنب باب الجامع فاتـريـقـو عليه وقالو علشان يطلع اول واحد من الجامع ونفسى اعرف الشعب مقالش حاجة ليه على واحد صاحبنا مبـيـدخلش الجامع من اصله؟؟؟؟ ولازلت اتذكر السادات وهو بـيـقول كلمة القـلة المندسة وبـيـدوس على كل حرف فيها بما يوحى انه ناوى بعد تعذيـبـهم وسحلهم واطفاء السجاير فى بطنهم وتمزيق شعر الرأس بشلنين فضة (الشلن = 5 قروش ) الى اخر هذه الطرق الديموقراطية القديمة انه يرمى جثـثـهم تحت قطار البضاعة والذى لم يراه الكثير من ابناء الجيل الحالى وهو غالبا قطار محمل بالفوسفات او الفحم ويتكون من 60 او 70 عربة على الاقل ويسير بسرعة لاتزيد عن 20 كيلو فى الساعة يعنى من الاخر بعد تعذيبهم هيقطعهم بالبطيـيـيـيـيـيـيـيـيـيـ يـيـيـيـىء طيب ايه اللى جاب سيرة السادات دلوقت وتعـبـيـراته الظريـفـة ؟؟؟؟؟ بكل بساطة بعد مظاهرات اليوم ولما عدد الناس المشاركين فى المظاهرات كبر والموضوع هيـبـتـدى يخرج عن سيطرة الشرطة والشرطة عايزة تخلص....... مهو مش معقول هيـقـفـو طول النهار علشان شوية عيال جعانـيـن شحـاتـيـن مـنـغـلـقـيـن امبرياليـيـن الى آخر هذه التهم الجاهزة والمعلبة ولذلك اصدرت وزارة الداخلية بـيـان عاجل لان الناس الكتير دى معناها ان الشعب مش عاجبه الوضع والشعب لازم يعجبه الوضع وازاى نبقى رجالة كده ونـتـكلم عن الوضع وقالو فى البـيـان ان فى قلة مندسة قامت بتحريض الناس ........... الى آخر هذا الهرش مخ وطبعا ده معناه بداية التـلكيـك ...... علشان لما الداخليـة تخبـط فى الحلل والقـلل والفيـلل (جمع فيلا ) أسف .....الداخلية متقدرش تخبط فى الفيلل لانها ملك اولاد الناس أما اولاد الأيه اللى زينا فلازم ياخدو على قـفـاهم وعلى بطنهم لان ملهومش ضهر والملاحظ على البـيـان شىء عجـيـب لما الاخوان شعبـيـتـهم كبيرة اوى كده ونجحو فى تجميع 10 الاف شخص فى ميدان التحرير وحده يعنى منطقة عابدين مقدروش ياخدو ولا كرسى فى البرلمان بما فيـهـم منطقة عابدين ليـيـيـيه حاجة من 2 يا أما وزير الداخلية بـيـشتـغـلنا وانا لا اعتـقـد ذلك لانه راجل مصلى وتـقـى ويعرف ربنا وميـكذبـش ابدا او الانتخابات لاقدر الله اتزورت وانا لا اعتقد (على رأى عادل امام ) لان برضه الداخلية عندنا ناس طيبة ومتطلعش منها العيبة ابدا الا اذا كان فيه قلة مندسة برضه زورت الانـتـخابات والداخلية ياولداه متعرفش اومال الغلط فين (برنامج انقرض......... كانو بيدو الناس فيه 75 قرش لو عرفو الحل ) ازاى الناس دى وهما ملهومش اى شعـبـيـة ينـجـحو فى جمع الالاف فى ميدان التحرير؟؟؟؟ والعجـيـبـة بقى ان المجلس الموقر سيد قراره على رأى واحد صاحبنا (ربنا يجعل كلامنا خفيف ) عدد افراده 508 منهم 10 متعيـنـيـن يـبـقى فاضل 498 منـتـخبـيـن انـتخابات حرة نزيهة (دى غير خالتى نزيهة الله يرحمها )........ منهم 480 مرفوع عليهم طعون فى صحة فوزهم يانهار اسكت (على رأى اسماعيل ياسين ) كل دووووول ناجحيـن بالتزوير او متهمين بالنجاح بالتـزوير ان هـذه القـلـة المندسة هى السبب الدائم لجميع مشاكل هذا البلد الأمن والحمد لله اننى لم اكن من هذه القـلـة المندسة او من الكـثـرة التى تظاهرت فى الشارع (فلانامت أعين الجبناء / على رأى سيدنا خالد بن الوليد مش خالد انا ) وانا من هذا المنطـلق اقول ياشعب مصر احترسو ومتخافوش الداخلية قررت تـتـلكـك وتـقـلب عاليها واطيها لو الموضوع طول عن كده اليوم برضه بـيـفرق كـتـير ياجماعة شوف المسروقات فى اليوم الواحد بتعمل كام مليار جنيه ومـتـفـهموش ايه اللى هرشنى فى مخى وقررت اشوف قناة مصرية من يومين ولقيت واحدة شكلها حلو وشعرها اصفر ولون عيـنيـها مش عارفـه لانه كانت لابسة نضارة ونازلة رغى وزعلانة جدا على 2.7 مليار جنيه محدش لاقيهم ليه ان شاء الله ؟؟؟؟؟ هو ربع جنيه مخروم وقع فى الشارع وانا جيت وقـفـت فوقه لحد م يمشى صاحبه واجيب بيه 5 ارغـفـة بعدها من ابو شلن ولما سألت / مين دى ؟؟؟ قالو / لميس الحديدى بقى بالذمة دى مش عارفـة راحو فين ؟؟؟؟؟ اذا كان انا من هنا وانا نايم تحت البطانية عارف مين اخدهم ؟؟؟؟؟وراحو فين ؟؟؟؟ شوفو البـجـاحة بتاعتى ؟؟؟؟ وفهمت ان ده فيلم هندى معمول علينا وقـرفت وحولت القناة وزعلت انى قررت اشوف التليفـزيون المصرى حتى لما شفت قناة النيل للاخبار اليوم علشان اشوف بـيـقولو ايه عن اوضاع البلد عندنا لقـيتـهم بـيـتكلمو عن مظاهرات الناس واعتراضاتهم على الاحوال الاجتماعية والغلاء والبطالة بس فى لبنان ..... مش عندنا وكأن الدنيا عندنا ربـيـع والجو بديع ولازم نـقـفـل على كل المواضيع ويااااا أيـتـهـا القـلـة المندسة ..........اتـلمو شوية وكشكشوها م تعرضوهاش
__________________
انتقل الى رحمة الله .. ونسأل الله له الرحمة والغفران
|
 |
|
|
