تقييم الشاهين 1.6 بعد 55 الف كيلو بالتمام و الكمال

[Devill Blood]

موضوعك رائع وأنا أحييك ولكن للأسف الشاهين أصبحت مثل خيل الحكومة فبعد نزول السيارات الأسيوية الأفيو والفيرنا وغيره فى السعر أصبحت الشاهين كهل عجوز

[miam0502788391]

كان ممكن اتقبل رايك لو مكنتش كتبت الجملة الاولانية دى,
لكن رايك فى النهاية يوضح انك لم تفهم موضوعى أصلا, لذا لست ملزما بالرد علي


يا أخ فادى انا شكرتك على التقرير والمجهود اللى حضرتك عملته فيه وبعدين مش معنى ان حضرتك منحاز شوية للشاهين مش لازم اوافقك على طول الخط فى اللى حضرتك كاتبه انا اختلفت معاك ويبنت وجهة نظرى فى الشاهين بس ده كل الموضوع وعلى العموم اذا كنت زعلان منى حقك عليا يا سيدى متزعلش خلاص انا بحب كل اللى فى المنتدى

[medo akef]

المشاركة الأصلية كتبت بواسطة فادى ايوه تسبقك لأن وزنها اخف و عزمها اعلى و القوة الحصانية فقط لصالح اللانسر لكن بفرق طفيف يعوضه فرق الوزن, اللانسر اتقل بمعدل كبير من الشاهين. متسبقش اللانسر ليه يعنى؟ معمولها عمل؟! اوك يا مان زي ما قلت لك الطريق هو الحكم بنا و انا اوتو و انت منيول كمان يا مان و كمان و انت 1.6 و انا 1.3 دا الريس بنا بس لو عوزني اطلع معاك بلانسر 1.6 منيول هسيبك تفرق عني بعمودين نور و هعديك بعمودين نورptmnlo123per154 السيارات الحديثة مريحة أكثر من السيارات القديمة, لكنها ليست اسرع فى العموم, لأن وزن السيارات الحديثة (عكس الشائع برضو) أكبر من القديمة نظرا لزيادة الكماليات و وسائل الامان و تقوية الشاسيهات, بينما لم تتطور المحركات بالقدر الذى يمكنه تعويض هذا الفارق فى الوزن, لذا لجأت معظم الشركات الى تكبير المحركات, أو تزويدها بشواحن هواء, فلم نعد نرى محركات من فئة ال900 سى سى و ال800 سى سى و ال600 سى سى الا نادرا, و أصبحت اصغر سيارة تحتوى على محرك 1300 سى سى, و لم يعد هناك وجود لمحركات ال1000 سى سى مثلا. و بعد ان كانت سيارات عائلية مثل ال125 تزود بمحرك 1500 سى سى, أصبحت السيارات العائلية لا تقل بأى حال من الأحوال عن 2000 سى سى فما فوق ذلك, و السيارة المتوسطة لا تقل عن 1600 سى سى. انت دخلتنا من حوار لحوار تاني خالص عموما حضرتك كلامك ده يسري علي لانسر بطه و كرستاله كورولات القديمه بس طبعا مش هيسري علي اي صناعه المانيه زي مرسيدس و بي ام لان الشركات دي بطور نفسها علطول و مستحيل القديم منها يسبق الجديد يعني مثلا متجبشي لي مرسيدس زلمكه بمحرك 2400سي سي مثلا و تدخلها ادام عيون جديده بمحرك 2400 سي سي مثلا و عوزها تعدي العيون طبعا العيون هتفرق بمسافه او تجيب بي ام 95 525i و عوزها تعدي بي ام 525 جديده طبعا البي ام الجديده هتفرق في تسارع و سرعه قصوي بجداره فهمني يا مان على فكرة الالنترا وزنها فى حدود ال1200 كغ, و هو وزن يعتبر متوسطا فى هذه الفئة, انت متأثر بالمفاهيم الخاطئة الشائعة عن السيارات, و لا سبيل الى محاولة الشرح و الاقناع. لكن حاول ان تقرأ قبل ان تكتب, فالكتابة هى نتاج طبيعى للقراءة, دى نصيحتى ليك لأنى لاحظت انك دائما تقع فى اخطاء فادحة فى ردودك.

اولا وزن الالنترا 1171 و و الانترا موضوع تاني خالص ابعاد السياره و البدي التكنولوجيا الي فيها هي الي مضيعاها
شكرا لنصيحتك بس انا عندي رايي طبعا نظام تعلق و وزن الشاهين من اسوء السيارات الي قابلتها و دا بيبان في ايد التكسيات الي هما المفروض افضل ناس بتسوق لو خد الملف علي 40 تحس ان العربيه هتتقلب ثبات العربيه وحش جدا طبعا و انا بردو مستعد اطلع معاك علي طريق مليء بالملفات و نشوف مين الي هيعجز الاول بيس يا مانptmnlo123per122

المشاركة الأصلية كتبت بواسطة ahmed1981 للأسف جانبك الصواب بمعنى أن الصواب في جانب وأنت في جانب آخر الشاهين بها دعامات من الحديد الصلب شديد القوة في مقدمة صدر السيارة أسفل التابلوه وبها دعامات من الحديد الصلب قوية جداً بجميع الأبواب

يا حبي انت خد حته من كلامي و سبت الباقي و كلامي بيقول صاج خفيف جدا مقلتش مفيش دعامات مثلا الصاج بتاع الشاهين ضعيف جدا و مفيض اضلا اقصدام انا مبعتبرشي الفبر ده اقصدام اصلا و الحديد الي حضرتك بتتكلم عنه مش صلب جدا ولا حاجه يعني دعامات عاديه مفيش فيه ابتكار ولا تكنولوجيا و طبعا حضرتك عارف ان بي ام غلبت فولفو في الأمان من فتره مع ان فولفو بتستخدم اقوي و افضل حديد في العالم و اهتمامها الاول هو الامان لكن تكنولوجيت بي ام تغلبت علي قوه فولفو بوضع الدعامات و تصميم الشاسيه و البدي بأتقان يعجعل الصالون محمي اكثر من فولفو الي هي كلها علي بعضها حديد في حديد و وزنها تقيل جدا حضرتك شاهين لو اتقلبت كام قلبه كدا و كام خبطه و تعرضت ليها بردو عربيه لانسر مين الي هيفضل طبعا الانسر لان الدعمات متوزعه كويس بطريقه تحمي المقصوره و اول حاجه هتحصل للشاهين السقف هيبقا علي الكرسي!!!!!!!!!!!!!

[abo salem8882]

بسم الله ماشاء الله
بس عندي استفسار ,,, مافيش اخبار عن البنزين ؟؟!!!!!!!

[فادى]

المشاركة الأصلية كتبت بواسطة abo salem8882 بسم الله ماشاء الله بس عندي استفسار ,,, مافيش اخبار عن البنزين ؟؟!!!!!!!

السيارة 1600 سى سى و دفع خلفى, و ده طبعا ليس فى صالح استهلاك الوقود,
بحسبة بلدى غير دقيقة لقيت السيارة بتعمل 210-190 كيلو فى الصفيحة تقريبا داخل المدينة بحسب الظروف و تشغيل المكيف من عدمه.
على طريق السفر الاستهلاك يزيد الى 160-180 كيلو فى الصفيحة على السرعات ما فوق ال120 نظرا لمقاومة الهواء. لو هتسافر على 100-90 الاستهلاك هيبقى كويس جدا و لن يتعدى ال220-240 كيلو فى الصفيحة.
فى العموم الارقام دى مرتفعة نسبيا لسيارة عائلية صغيرة و 1600 سى سى, لكنها فى الحدود المعقولة.