تقييم الشاهين 1.6 بعد 55 الف كيلو بالتمام و الكمال

[محمد شهاب]

لكن يا استاذ فادى
انا اعرف ان موتور التمبرا1400 نزل فى الشاهين من 97
واللا حضرتك تقصد تمبرا 1600 هو اللى نزل من 2003
ومتفق مع حضرتك تماما انها افضل من محركات دايو وهيونداى




تحياتى للجميع

[فادى]

المشاركة الأصلية كتبت بواسطة محمد شهاب لكن يا استاذ فادى انا اعرف ان موتور التمبرا1400 نزل فى الشاهين من 97 واللا حضرتك تقصد تمبرا 1600 هو اللى نزل من 2003 ومتفق مع حضرتك تماما انها افضل من محركات دايو وهيونداى تحياتى للجميع

على حد علمى الشاهين نزلت فى تركيا بمحرك التمبرا من 1996,
لكن فى مصر فبحسب كلام احدى مهندسى الصيانة فى التوكيل محرك التمبرا من 2003,
ده كلام عرفته من دردشة سريعة مع احدى مهندسى التوكيل لما سألته عن اصل المحرك, فقالى انو الشاهين بتنزل من 2003 بمحرك تمبرا ايطالى و الشركة بتقلبه عشان الدفع الخلفى.
قد يكون مخطىء, و عموما يمكن معرفة ذلك ببساطة, لأن محرك التمبرا يميزه الكامات العلوية SOHC, لذا يمكن تمييزه بسهولة عن محرك ال131.

[MANO_War]

هو طبعا تقرير مثير للاعجاب خصوصا ان بيمس سيارة تقريبا محدش مركبهاش فى حياتة
بس لية ملاحظات بسيطة
يمكن انا شخصيا أفضل السيارات المتينة و لكن
أشعر ان الشاهين سيارة استنفذت فى السوق المصرية
يعنى تعود الى عصر التكنولجيا القديمة نوعا ما فى كل شيىء
عدا موضوع الحقن الالكترونى و هو الجديد فى الموضوع
اما باقى السيارة فهى تعود الى تكنولجيا سبقتنا بثلاث اجيال على أقصى تقدير
و يبقى السؤال الهام
لما تشترى عربية و تقييمها
بناءا على استخدامك و عملك اليومى
ام بناءا على وجهة نظر عامة؟؟؟
يعنى مثلا سمعت -مجربتش - ان الشاهين فيها عدة مشاكل فى أنبوب العادم
و هى سيارة فقيرة الكماليات
و ان كنت قررت مقارنتها بالدايو لانوس فالمقارنة تصبح صعبة و غير جائزة
لان تلك فئة من زمن ما
و تلك فئة من زمن أخر يسبق ما قبلة بسنوات

و لكن تظل الاادا -بعد التعديل الذى حدث- و الشاهين هى السيارات المناسبة تماما لطبيعة الطرق المصرية
و لكن
هنقول اية
قفلوا شركة النصر بالضبة و المفتاح علشان غبوووور يشتغل كويس
و الاادا سيارة سمعتها تسبقها مع انها اصبحت ذو نعومة أكثر و لها تعديلات بسيطة و لكنها تحولها الى سيارة أخرى خصوصا مع الموديلات الاحدث ذو الباور ستيرينج

تحياتى توبيك فى مجملة جيد و ربنا يكفيك شرها و يحسن سوءها
تحياتى

[medo akef]

المحرك : 9/10
علي كدا الفرنا تاخد 20/10!!!!!
طب منين حضرتك بتقول محرك ممتاز اوي كدا و منين سرعه قصوي 175 و مقلتش تسارع في اد ايه ياريت تصور لنا تسارع العربيه و نشوف
الثبات : 6/10
ممكن كمان ينزل ل4/10 عشان الوزن ده دا الفرنا ال1100 بنقول خفيفه اوي و كمان الفرنا تكنولوجيا حديثه مش عربيه كل حته من حته و فيها حجات مصري كمان
الراحة 5/10
الحقيقه انا شخصيا برتاح فيها بس هي عموما المفروض متكنشي مريحه ممكن لاني بركبها تكاسي و بيكونو مهتمين بيها اوي و عشان مش بركبها الا فترات قليله داخل البلد يعني و هما مرتين ركبتها علي الطريق واحده رحت بور سعيد و كانت كويسه و التنيا رحت سفر 50 كيلو في طريق وحش اصلا و انا كنت قرفان جدا منها في المشوار ده مفيش راحه خالص
الاعتمادية 8/10
ولله انا شايف انها زي ال128 و ال132 يعني حجتها اصلا بتجبها من محل قطع غيار و تورح لميكانيكي يركبها مش توكيل ولا وجع دماغ
المتانة 8/10.
انا اعطي لها متانه 0/10 بمعني الكلمه صاج هواء خالص و مفيش امان و لا دعامات و بشوف ليها حوادث العربيه بتكون كوره مفيش امان خالص ولا متانه العربيه ورق و الفرنا امتن منها بكتير
التصميم :
رجولي ايه بس يا مان هو احنا في استرجل و اشرب برايل ولا ايه!!!!!!!!
نو كومنت
- متانة لا تجدها فى هذا السعر.
ولله انا ياف كل العربيات التنيا الي انت كتبها افضل منها في المتانه بجدراه و الفرنا احسن بكتير طبعا
طبعا يا مان انا شايف انك مش موفق خالص في شرائها و الفرنا برقبتها الف مره شكل و موتور بيقفل العداد و لسه مرتاح و عربيه حديثه ضمان غبور كمان و مشيه في السوق و محبوبه و مريحه و تكييفها جميل و طقم سوند تمام لو جنطها هيبقا الثبات زي الفل
اما اللانوس مش عارف الناس مسكه فيها اوي كدا ليه مع ان في رايي عربيه ملهاش لزمه في الدنيا اصلا و مفهاش حاجه عدله
و رايي بردو ان في السعرده كان في حجات مستعمله احسن بكتر من الجديد ده كله
علي العموم انت اشتريت و خلاص و ربنا يبارك لك فيها و يرزقق بالs500 ان شاء الله

[فادى]

علي كدا الفرنا تاخد 20/10!!!!! طب منين حضرتك بتقول محرك ممتاز اوي كدا و منين سرعه قصوي 175 و مقلتش تسارع في اد ايه ياريت تصور لنا تسارع العربيه و نشوف

اعتقد انى ذكرت مشكلة السرعة القصوى, و لكن المحرك يستحق هذه الدرجة من اجل التسارع الرائع و تجاوبه, مسقتش الفيرنا عشان احكم لكن عموما محركات هيونداى مملة و تجاوبها بطىء.
و التسارع بحسب موقع توفاش فى 12.1 ثانية. أعتقد ان تسارعها أكثر من جيد لفئة ال1600, لأنها الأخف وزنا.

انا اعطي لها متانه 0/10 بمعني الكلمه صاج هواء خالص و مفيش امان و لا دعامات و بشوف ليها حوادث العربيه بتكون كوره مفيش امان خالص ولا متانه العربيه ورق و الفرنا امتن منها بكتير

فيه دعامة امامية و دعامات فى الابواب, و مستعد افكلك التابلوه و بطانة الابواب عشان تشوف بعينك.

ممكن كمان ينزل ل4/10 عشان الوزن ده دا الفرنا ال1100 بنقول خفيفه اوي و كمان الفرنا تكنولوجيا حديثه مش عربيه كل حته من حته و فيها حجات مصري كمان

الوزن الخفيف أفضل للثبات فى المنحنيات و ليس العكس, مفهوم ان كلما زاد الوزن زاد الثبات ديه من المفاهيم الخاطئة الشائعة,
كلما زاد الوزن زادت الراحة مع السرعات العالية, لكن الثبات ليس بالضرورة.
سيارات السباق الفورمولا وان لا يتعدى وزنها ال600 كلغ!