|
#1721
26-01-2011, 03:31 AM
|
||||
|
||||
رد: أدب الرحلات
المقالة ( 19 )
سـيـاسـة ولـعـهـا ولـعـهـا كـنـت زمان من أشد المعجـبـيـن بـقـنـاة الجزيرة ويوم ان اشـتريت الطبق والريـسـيـفـر منذ حوالى 9 سنوات كانت الجزيرة اول قناة بحـثـت عنها بعد قناة أقرأ وكانت قناة صاحبة مبادىء ولها وقـفات عربـيـة صحيحة وممتازة وكنت احس ان وطننا العربى لسه فيه رجالة ومش هاممهم حد ولكن منذ ان قـفـز عليها حـمــد تغير الحال وحــمــد هذا ليس امير دولة قطر فقط بل هو صاحبها ومديرها ومالكها وناقص يكـتـبـو على يافطة السفـارة سفـارة قطر لصاحبها حــمــد وولده......... (مش عارف اسمه ابنه ايه؟؟؟ ) وللحقـيـقـة نـقـول حمد هذا شخصية كاريزمية سياسية محنكة ويحاول ان يجعل لدولته ولنفسه دور ريادى فى المنطقة وهذا من حقه ان يجعل دولته فى اعلى علـيـيـن ولكنه نسى ان دولته بعيد عن بؤرة الاحداث ووزن الدولة لايقاس بوزن الشخص ولكن الدولة هى التى تـقـيم وزنا للشخص يعنى بلهجة الكورة علشان نفهمها لكو الاهلى هو اللى عمل تاريخ لجوزيه مش جوزيه اللى عمل تاريخ للاهلى ومصر لو حكمها زبال هـيـبـقى له وزن ( مع احترامنا للزبالين طبعا لانهم بياكلو عيش بشرف ومن حلال والمقصود الوزن السياسى) وعلاقاته باليهود او دولة اليهود تحديدا فوق الممتازة بشويـتـيـن ومن يومها واصبحت الجزيرة قناة ملاكى ولاحظت انهم يهاجمون كل ماهو مصر او مصرى ويتحاشون الهجوم على كل ماهو اسرائيلى او يهودى وبدأت امل (ازهق / يصيـبـنى القـرف ) من هذه القـنـاة وقررت مقاطعتها منذ اكثر من سنـتـيـن وخصوصا ان لديهم برنامج اسمه الاتجاه المعاكس ..... هذا البرنامج قائم على سياسة ولعها ولعها يجيب 2 غالبا لو قابلو بعض فى الشارع هيعورو بعض بالمطاوى ولو كانو اصحاب يفضل يستـفـز فيهم بطريقة بايخة لحد م يضربو بعض بالكراسى واذكر ان كان ليا شلة فى الجامعة معظمهم من الشرابـيـة (دولة المشاكل )لايعجبهم العجب ولا الصيام فى رجب ولاباقى السنة وكنا نخرج من المدرج لو شفـنا خناقة مش كنا بنحوش .....لأ ..... كنا بنولعها لحد م يسحبو المطاوى على بعض ونسيـبهم ونمشى واذكر مرة استضاف 2 مصريين ولان المصريـيـن محترمين حاول يولعها بـيـنهم معرفش وحاول تانى ومعرفش وبعد فاصل و 2 وهما ولا هما هنا وفوجئت بــه عمل فاصل مفاجىء وفهمت انه هيشخط فيهم لانهم واخدين فلوس علشان يحضرو البرنامج وبعدين ميـتـخانـقـوش ؟؟؟؟ عـيـب يعنى وفعلا بعد الفاصل ال 2 اتخانـقـو بس خناقة مش مرعبة ومن يومها لم يستضيف 2 مصريـيـن مع بعض أبــدا وان استضاف حد ........تلاقيه شخصية مجهولة محدش يعرفه وجاى يعمل زوبعة علشان القرشيـن ويمشى وميـجـيـبــش قصاده مصرى تانى واذكر فى مرة انه اعلن عن موضوع حلقة لايمكن ان يختلف عليه 2 فى الوطن العربى كله (مش فاكره دلوقت ) وتعجبت....... ياترى هيجيب مين مش عاجبه الموضوع ده وانتظرت الحلـقـة وفوجئت بيه جايب شخص سودانى واضح ان البدلة اللى لابسها واخدها من عندهم فى الاستديو لانها كانت واسعة جدااااااااا وقعد يقول اى كلام فى اى حتة وفرسنى بـجـد وطبعا حرق دم الضيف اللى قصاده وفوجئت به كاد ان يقتله فى الاستديو لانه قام وقف ولف حول الترابيزة وذهب اليه وصاحبنا سابهم لحد م مسكو ف بعض وبعدين لحقهم الغريبة ان هذا البرنامج له شعبية فى الوطن العربى على خيبة ايه ؟؟؟ هذا البرنامج يظهرنا كعرب كأننا ناس همج لانعرف ادب الخلاف ولا ادب الحوار اصلا ولا اسلوب النقاش المحترم والهادىء لكن واضح ان ثـقافة ولعها ولعها هيا السائدة فى الوطن العربى الكبير واليوم قرفت من القنوات العربية فالجزيرة والعربية يحاولان اظهار الصورة على ان الشعب المصرى قام بثورة يناير وقناة النيل للاخبار تحاول اظهار لبنان كانها قامت بثورة كانون الثانى (يناير برضه مش الكانون اللى بيعملو عليه الشاى فى بلدنا ) وقررت ان ارى قناة غير عربية وكانت روسيا اليوم او راشان توداى علشان تعرفو انى متعلم برضه وفوجئت بيهم جايـبـيـن برنامج عن كثرة حالات الانتحار فى اليابان وكيف ان واحد حلاق هناك تغلب على الموضوع ده   اللهم ارحمنا .....ياااااااارب
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 26-01-2011 الساعة 04:16 AM 
|
|
#1722
26-01-2011, 03:50 AM
|
||||
|
||||
|
رد: أدب الرحلات
الحمد لله رب العالمين
__________________
انتقل الى رحمة الله .. ونسأل الله له الرحمة والغفران
|
|
#1723
26-01-2011, 01:09 PM
|
||||
|
||||
|
رد: أدب الرحلات
مبلاش سياسه يا استاذ خالد
كدة هيتم تجميد عضويه حضرتك 
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
|
#1724
26-01-2011, 01:27 PM
|
||||
|
||||
|
رد: أدب الرحلات
ينصر دينك يافطومة والله انا قلت الناس هنا مخاصميننى والا ايه ؟؟؟؟
ثم سياسة ايه؟؟؟ موضوع القلة المندسة اللى كتبته ...........حصل بعدها بساعات بالحرف والداخلية حاولت تضرب نار واستعملت كل حاجة علشان تمشى الناس من ميدان التحرير وانا بكتب هنا وعارف ان مش كل الناس جبناء زى حالاتى وقاعدين فى البيت لكن فى ناس بتقرا وتتابع فكان لازم ننبه عليهم بأ نه هيحصل ضرب تحت الحزام ......وأن الداخلية هتبـين العين الحمراء والخضراء وأى الوان تانية لازمة لعودة الناس لبـيـوتهم فلزم التـنـبـيه لانهم اخواتـنـا واهالينا برضه واما موضوع سياسة ولعها ولعها فالحكومة نفسها مش عاجبها قناة الجزيرة وبالتالى متماشى مع الخط العام للدولة عجيـبـة اول مرة اتـفـق مع الحكومة فى حاجة .........خير اللهم اجعله خير ثم تجميد عضوية ليه ؟؟؟؟ مش متهيألى حرية الرأى مكفولة برضه بدون اهانة لحد او ازدراء اديان او تحقير من شأن اى حد او الانتماء الحزبى (بلا نيلة .....قاعدين فى بـيوتـنا زى الولايا ) والا انا مش فاهم
__________________
انتقل الى رحمة الله .. ونسأل الله له الرحمة والغفران
|
|
#1725
26-01-2011, 02:46 PM
|
||||
|
||||
|
رد: أدب الرحلات
الغريب بقى انى قريت عن مؤتمر اسمه مؤتمر القلة المندسة
اه والله عندنا فى مصر............وكان اول امبارح 24 يناير وطبعا حاولت اجيب الموقع لكن وجدته مضروب لكن بعد البحث والتمحيص والجرى والصياعة وراء مواقع النت اكتشفت موقع المؤتمر اللى مش مضروب وأدى رابط موقع مؤتمر القلة المندسة http://www.anti-ndp.blogspot.com/ واتضح لى كمان ان فى جروب على الفيس بوك اسمه جروب القلة المندسة وده الرابط بتاعه علشان متقولوش حارمكو من حاجة http://www.facebook.com/event.php?ei...7bf8fc&refid=7
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 26-01-2011 الساعة 03:05 PM
|
 |
|
|
