|
#1
20-07-2015, 06:33 PM
|
|||
|
|||
تجربتى مع العربية 516 سخنت وجابت جوان
الحمد لله على كل شي العربية سخنت قبل العيد ب 4 ايام فجاة وانا راجع قبل الفطار
بساعتين لقيت ان امبير الحرارة على فجاة وبقى على الأحمر ركنت على جنب وبطلت العربة وفتحت الكبوت والعربية هديت شوية رحت فاتح القربة بالراحة ودورت العربية رحت مزود مياة فجئت انها اخدت زجاجتين 2 لتر معنى كدة ان العربية مكانش فيها مياة خالص بطلت العربية معرفش المياة راحت فين ياترى تسريب ولا اتبخرت من السخونية المهم شوية رحت مبطل العربية وسيبتها تبرد بعد شوية جيت ادور العربية مش عايزة تتدور طب وبعدين والوقت ضيق قلت اكيد فى مياة جت على البوجيهات فين شوية ودارت وحرارة العربية نزلت رحت مروح الحق الفطار قولت افطر وبعدين اشوفها بس وانا راجع مش حاسس باى تغيير فى العربية قولت الحمد لله بعد الفطار نزلت اشوف العربية لقيت طحينة فى غطاء الزيت كدة بقى جوان اصلى طب اعملها ولا خليها بعد العيد لان اكيد فى زحمة قبل العيدوكلو عايز يستلم عربيتة قبل العيد قولت اجرب اتصل بالميكانيكى لقبتة بيقولى زود مية وتعالى واحدة واحدة روحت قالى جوان ولما نحل نشوف حلينا الوش وودنا للخراط خد مسحة وجبنا جوان جوان جنجريد لان كان راكب جوان جنجريد معنا كدة العربيىة سخنت قبل كدة واحنا حلين لقينا قواعد الموتور فيهو قطع عايزين بيتغيرو قاعدة الجمل والقاعدة الأمامية وغيرت سير التقسيمة بالمرة وتسليك الريداتير وخزنة لانها ملحومة وحطينا زيت والعربية حاليا رجعت زى ماكانت وتحت الأختبار حاليا التكاليف بقة الخراط مسح وكشط الوش 60 جنية سير تقسيةالمانى 160 جنية قاعدة جمل على كلامهم فى 70 جنية واصلى 100 جنية قاعدة امامية فى 50 اصلى 70 جنية مع العلم ان ليهم حشو بس مش متوفر حاليا ردتير تسليك وخزنة 100 جنية فلتر زيت 20 جنية غيار زيت لمدة 1000 كيلو او اقل لنزول الوساخة 5 كيلو 105 جنية مصنعية 450 جنية مش عارف دة كتير ولا اية بس العربية رجعت زى الاول وقطع الغيار دى من محلات الجمال بالاسكندرية الحمد لله على كل شى ولحقت اعيد بيها 
|
|
#2
20-07-2015, 08:11 PM
|
|||
|
|||
رد: تجربتى مع العربية 516 سخنت وجابت جوان
|
|
#3
21-07-2015, 02:31 PM
|
||||
|
||||
|
رد: تجربتى مع العربية 516 سخنت وجابت جوان
كل سنة وانت طيب بس لى عدة ملاحظات للافادة العامة
حضرتك ما حصرتش لية العربية سخنت منك وعالجت المشكلة بدون بحث عن السبب لما وديت الوش للخراط كانت فرصة تغير اويل سيل صباب وتعمل رودية للصبابات وبكدة يبقى عملت ترويشة للوش بالكامل انما مسح وقشط بس ويركب على كدة .....مش صح القاعدة الجمل فى حركة حلوة اوى بتتعمل وهى انك تجيب جلبة مقص خلفى 516 كبيرة ونقص منها حته زيادة صغيرة اوى وتركب كحشو مكان الجلبة القديمة وتقعد فى العربية الى ما شاء الله وتمنها 60 جنية بس بكل المقاييس افضل كتير انا بصراحة مش فاهم خزنة اية اللى اتلحمت مع تسليك الردياتير ؟؟؟؟؟؟ لكن اهم حاجة لازم تكون عرفت سبب سخونة العربية عشان تتفادى حدوث نفس المشكلة
__________________
يااااااااااااا رب إرحمنا بقدرتك علينا 
|
|
#4
21-07-2015, 07:02 PM
|
|||
|
|||
|
رد: تجربتى مع العربية 516 سخنت وجابت جوان
بص ياباشا اولا شكرا للمعلومة انا مكنتش عارفها بالنسبة للوش وقاعدة الجمل بس كدة الشغل اللى حصل دة حيفشل ولا اية والواحد مبيتعلمش ببلاش اما بالنسبة لخزنة الرداتير السودا دية بتخش بكلبسات وكانت متقضمة وملحومة بمادتين
واحنا لما حلينا الرداتير كان كلة مياة بطحينة فتسلك واتسيخ وركب خزنة تانية وشكرا لرد حضرتك بس ياريت تقولى كدة اكنى معملتش حاجة ولا اية
|
|
#5
22-07-2015, 08:47 AM
|
||||
|
||||
|
رد: تجربتى مع العربية 516 سخنت وجابت جوان
لا طبعا مين قال كدة ........الله ينور عليك وعلى الصنايعى اللى عملك الشغل وان شاء الله العربية تكون احسن من الاول
انا بس بقول انها كانت فرصة كويسة طالما فاكك الوش انك تنضفة وترجعة جديد انما عادى النتيجة كويسة بامر الله اما لاردياتير فانا كدة فهمت خلا افادكم الله بس هى اسمها علبة ردايتير مش خزنة انما بجد الله ينور وربنا يباركلك فى عربيتك
__________________
يااااااااااااا رب إرحمنا بقدرتك علينا
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| === إرشادات لمن يبحث عن شراء سيارة === | Semsem999999 | سوق السيارات المصرية | 117 | 02-07-2016 02:04 PM |
| تقييم كيا نيوسيراتو... بالصور... بعد 1000 كيلوا | hamdymsr | كيا سيراتو Cerato | 35 | 03-08-2012 06:47 AM |
| حكايتي مع احسن عربية ركبتة 128 | king speed | 128 FIAT | 17 | 12-04-2012 03:01 PM |
| عايز تعرف اى حاجه عن الساجا ادخل هنااااااااا | YahiaAshraf | بروتون PROTON | 4 | 25-09-2011 03:57 AM |
| العربية سخنت و باين كده حصل مشكلة ... ياريت تساعدوني | dental_mn | منتدى الصيانة العام | 5 | 20-11-2010 12:20 PM |
