طريقة تلميع و تشميع السيارة..(تجربة بالصور)

[b A d R]

المشاركة الأصلية كتبت بواسطة tamer0000 انا اسف اسف اسف جدا يا جماعة بس الموضوع طلع متعب فوق الوصف ... الى معندوش استعداد يضيع 4 ساعات على الاقل !!!! فى دعك العربية بالفوطة عشان يشيل الشمع الزيادة وصدقونى انا كنت مليان حماس زيكم تماما ... بس التعب الى طلع على جتت الى خلفونى حلفت مليون يمين ان 100 جنيه الى هدفعهم تمن الشمع + المصنعية + الراحة فى بنزينة الوطنية الى على الدائرى أرحم مليون مرة من القرف الى شفته !!!!! يا جماعه والله والله انا بقلكم الموضوع التشميع مش بسيط خالص .. واذا دى أول مرة تجربوه ... فكروا تانى مليون مرة ... ده حتى فى البنزينة الموضوع بالكامل مش هياخد 45 دقيقة !!!! مش 4 زفت ساعات !!! لا ومليون لا انى اعملوا بايدى تانى ... انا اسف للتطويل ... وحظ سعيد لكم جميعا..

يا نهااااااااااااار أبيض .. دا انا كنت هعمله بكره .. لأ ياعم أنا هروح الينزينة أحسن .. شكرا يا معلم و معلش بقي التعب للرجالة

[mhamdy75]

فعلاّ موضوع التشميع ده ممتاز

وأنا بعمل العربيه تقريبا مرة كل شهرين بإيدى

وبيشيل الخرابيش السطحية وبيحافظ على طبقة الدوكو من الشمس

[tamer0000]

والله النتيجه كانت حاجة تكسف .. الحتت الى ادعكت كويس ادت لمعة تمام انما بقيت الحتت بقت ملطخة واتكسفت اصورها وارفعهلكم عشان تشوفوها .. العربية بقه شكلها عار !!!! لسه محتاجه دعك وانا بصراحة خلاص ايدى اتفرمت ... انا بكره ان شاء الله هخدها البنزينه عندهم هناك مكنة تخلصلى الموضوع فى 10 دقائق ... دى كانت عامله سوده بعيد عنكم .. بس الحمد لله الواحد استفاد من تجربه عملية .. عشان كده بقلكم فكروا ميت مرة !!! وبالتوفيق ..

[mashour242]

بسم الله ما شاء الله على لانسر البطة
تلميع وتشميع وكمان لانسر
دية اكيد دلوقتي ب كام وكام لما تبيع ؟؟؟؟؟

[يارب انصر مصر]

فنان والله يا كنج