فزورة جوبلز والأيمجراند

[الاستاذ/ علاء]

السلام عليكم
يا اخوانى عمر الايمجراند ما حتكون اسوء من الفيرنا !!!! سواء فى التقفيل او الانتشار وبعد مده ليست بالكثيرة سوف تدخل الايمجراند مشروع التاكسى !!!!!

ونحن فى انتظار تجربة السيارة الفعلية ..........

[yoyo_1989]

المشاركة الأصلية كتبت بواسطة takakan2005 من جوبلز أستاذ غبور للجيلى الأيمجراند يا قلبى لا تحزن جوبلز وزير الدعاية لهتلر قال إكذب ثم إكذب ثم إكذب حتى يصدقك الناس ويبدو أن غبور من تلاميذ جوبلز السيارة إيمجراند تبنى دعايتها على أنها واخده 4 نجوم فى إختبرات الأمان والتصادم الأوروبية مستفيدة من خبرات شركة فولفو اللى إشترتها جيلى .......إالخ ولكن طبعآ السيارة اللى واخدة الدرجة دى بالقطع مش اللى متقفلة فى مصر فمثلآ ......مثلآ يعنى اللحامات اللى كانت فى السيارة الصينية كانت ببنط اللحام العادية المصرية ولا كانت بالروبوت والليزر ومثلآ ....مثلا الأيرباجز كانت هى نفسها الموجودة فى التقفيل المصرى كما وكيفآ ولا أقل ولآ أكتر ومثلآ مثلآ الشاسيه والزجاج .......إلخ اللى موجودين فى المصرى - حسب قواعد وزارة الصناعة المصرى اللى لازم يكونوا بنسبة 40% على الأقل من مكونات السيارة - هما نفس اللى كانوا فى العربية اللى راحت الأختبار ولا دى كانت عربية متقفلة فى الصين وملهاش علاقة بالأسطى بلية بتاع اللحام إياه دى السيارة اللى أخدت الدرجة دى فى الأختبارات لو كانت هى المصرى ده إحنا نبقى كده طولنا القمر بإيدينا ونبقى عدينا خلاص ....ي اعينى على النخع اللى عينى عينك وقد قال المتنبى : وكم ذا بمصر من المضحكات ولكنه ضحك كالبكاء وعجبى

يا جماعة انا اعتقد بنسبة تريليون فى الميه ان كل ده اعلانات من موظفين من غبور ماتنسوش يا جماعة ان منتدى مصر موتورز اكبر منتدى عربيات فى مصر يعنى لما تفكر تعمل اعلانات عن اى شيء ..هذا المنتدى حيبقى اول اختيارك

[عصام الجارحي]

المشاركة الأصلية كتبت بواسطة ايمن منصور الفيرنا انتشرت لان مشروع التاكسي محدد ان العربيه انتاج محلي والفيرنا احسن عربيه في الي موجد علي فكره انا امتلكها شئ جميل طيب الراجل مقدملك عربية حلوة بشهادتك حتي وان كانت احسن الوحشين طيب انت عايز تقارن الفيرنا المصري بالفيرنا الكوري عايز تقارن الافيو الكوري بالافيو المصري عايز تقارن الصني المصري بالصني الياباني لا طبعا بس من حيث الكماليات والتقفيل فقط انما اساسيات العربية معتقدش ان هيكون هناك اختلاف للاننا بنفقل مش بنصنع احنا كل موضوعنا مش علي العربيه الموضوع علي غبور الي مشفناش منه حاجه كويسه راكب فيرنا وبتقول الكلام دة طيب ازاي ( وهي احسن الموجودين مش دا كلامك فوق فيه تناقض غير مفهوم ) سعر وماتور جبار وقطع غيار عند البقال وبرخص التراب ( انت مبتدخلش قسم الفيرنا ولا اية) وايه الثقه الغير عاديه التي تصل لحد الثقه العمياء في عربيه تجميع غبور ولحد دلوقتي مفيش حد طلع بيها 10 متر الثقة اخدناها من انتشار العربية واثبات قدرتها في اي مكان تضع قدمها فيه وثقة التقفيل اخدناها لما روحنا شفنا العربية علي الطبيعة ولما عرفنا ان المصنع اللي هيجمع الجلي تم تزويده باحدث وسائل التكنولوجيا والربوت حتي اخر عمليه تجميع وهي الدهان دي الانترا الناس عابت فيها الاكسنت نزله بعيب في المسعدين الخلفيه انما الايمجراد هي المجرده من العيوب والخليه من الشوائب حد حيرد ويقلي انها متجربه في بلاد بره طيب هي بره متجمعه ولا مستورده مش هتفرق كتير الاساسيات والماتور واحد نسبة الاربعين في المية بعيدة الي حد كبير عن الاساسيات ده مفيش حد قال لغايه دلوقتي اننا نستني لما نجرب العربيه محدش جاب سيرة الادء او الاعتمادية او الماتور كل اللي شكرة شكر في الكماليات والشكل والتقفيل ولو عندك رابط لواحد شكر ولا اتكلم عن الاداء والاعتمادية يا تضعه الدفاع موجود علي طول ان العربيه دي حتكسر الدنيا والهجوم بردو موجود بصورة مش طبيعية ( نفس الخطا يبقي لية اللوم) وهو انت عرفت انها هتكون وحشة حتي موضوع الكاوتش طلع من احسن الماركات في العالم ومرسيدس بتستخدمه طب دا كان بينزل الفيرنا بكوتش نسر ابحث وشوف لو طلع عكس وحزرت الناس هيكون ليك ثواب كبير عند ربنا ومحدش من ملاك الفيرنا قال عليه ان النسر شركه بي ام بتستخدمه طيب مهو معاه توكيل لاسا التركي حيكون اخد توكيل الكاوتش السيني مخصوص علشان العربيه الجديده علي اساس انه بيراعي ربنا ( لية لا ولية نفترض فيه السوء) وان الكوتش ده مصمم للعربيه دي فقط وميرضيش ربنا انه يحط نوع تاني لو حط نوع تاني بردو نفس الكلام هيتقال ( وميرضيش ربنا انه يحط نوع تاني) ولو حط نوع ثالث بردو سوء النية اساسا موجود ......... طيب علي هذا الاساس ( محطش ليه بطاريه جافه بدل السائله) مع ان في فارتا جافه تصنبع مصري بس طبعا السعر مفهمش في موضوع البطاريات فهسيب الرد لاحد بيفهم انما الكوتش جاب احسن منتج في العالم وحطه في العربيه احبيبي اغبور عارفين ليه غبور بيحط اقل خامات ومكونات لخفض سعر العربيه لمنافسه الماركات التانيه كل من لهم خبرة في عالم السيارات عندما عاين العربية قال عكس ذلك وفي النهاية نفسي اعرف لية زي مابطلب من الناس متمدح في العربية يا ريت متهاجمش العربية انت ايضا قبل التجريب ( اتامرون الناس .....

ارجو متزعلش مني
تقبل تحياتي

[takakan2005]

مين جاب سيرة الفيرنا

الكلام كله عن الأيمجراند

وإن دعايتها مبنية عن إنها واخدة 4 نجوم فى إختبارات التصادم الأوربية و 5 فى الصينية

لكن ده يخص العربية الصينية اللى راحت الأختبارات دى والكلام ده والدعاية دى كان ممكن تصح لو غبور إستورد السيارة دى من الصين ونفس الموديل اللى خضعت للأختبارات دى لكن لما الكلام ده عن العربية المتجمعة فى مصر ده كلام تاتى
والمسألة دى تخلينا نسأل ليه مايكونش فيه إخبارات تصادم مصرية وتكون على الأقل زى الصينية
وأرجو ماننساش القاعدة الذهبية بتاعت جوبلز - أستاذ غبور - القائلة : إكذب ثم إكذب ثم إكذب حتى يصدقك الناس . وده إسمه نصب ولازم يتبلغ به جهاز حماية المستهلك إشمعنى MG لمجرد بنت دعايتها على إنها من أصل إنجليزى تم توجيه تنبيه لها من جهاز حماية المستهلك - ولا غبور ده على راسه ريشة - والمسألة اللى بتكلم فيها هو مبدأ الغش والكدب من عدمه - يعنهى فيها أيه لما غبور يقول إن العربية دى مواصفاتها كذا وكذا وكذا لكن واخدة 4 نجوم و5نجوم ده مالوش إلا إسم واحد

الغش والتدليس والأيهام بشىء غير حقيقى

والخيار لما إستوى قال للوبيا ياكوسة
وسلملى على التروماى - وعجبى

وقال المتنبى فى ذلك : وكم ذا بمصر من المضحكات ولكنه ضحك كالبكاء

[fadymedhat]

انا مش شايف ان فى حاجة تضايق
لوبيا ايه و كوسة ايه....
غبور منزل الجيلى الصينى..
الى عجباه العربية يشترى و الى مش عجباه يدور على غيرها....
متتكلم عن الاسبرانزا و الباندا و البريليانس....
ايه المشكلة بقى....
على فكرة ان الجيلى جاية مستوردة من برة و مش هيتركب فيها مسمار فى مصر...لأن غبور هيوقف انتاج المحلى 2013(الفيرنا).....