|
#1
29-03-2012, 01:40 PM
|
|||
|
|||
ايه رائيكم فى لانسر بومه 1300
انا قدامى لانسر بوما 1300 سى سى موديل 2005 هى راشه بره بس فابريكه من جوه هو صاحبها طالب 65 الف ايه رائيكم فى السعر وهل هى الانسر 1300 مش حلوه فى النقل وكدة انا سمعت ناس بتقول ان لانسر 1300 مش حلوة وياريت تفيدونى بمميزاتها وعيوبها اسف على الاطالة
|
|
#2
29-03-2012, 01:44 PM
|
|||
|
|||
رد: ايه رائيكم فى لانسر بومه 1300
على فكرة يا شباب العربية مانوال
|
|
#3
29-03-2012, 04:37 PM
|
|||
|
|||
|
رد: ايه رائيكم فى لانسر بومه 1300
السعر مرتفع نوعاً ما , والعربية بتفرق فى الحالة
ومش موافقك اطلاقاً على موتور 1300 فى البومة ومانوال كمان لاهيساعدك فى جرى ولا لما تشغل التكييف هتحس بحاجة,, هتحس انك راكب بطة بلدى نصيحة لو عاوز عربية حديثة وموتور 1300 بردو يبقى خليك فى الكورولا وطلاما هتجيب حاجة موديل بعد 2000 ,, اركب اوتوماتيك بقى وريح دماغك
|
|
#4
29-03-2012, 05:18 PM
|
||||
|
||||
|
رد: ايه رائيكم فى لانسر بومه 1300
السلام عليكم
اللانسر ال 1300 المانيوال مش ضعيفة فى السحب .... ده لو حضرتك بتتكلم عامة .... بس متقارنش بالفيرنا و الصنى ... علشان اكيد حتبقى ضعيفة بالمقارنة دى ميزاتها ... التوفير فى البنزين .. توافر قطع الغيار .. عربية يابانى عيوبها ... العفشة مش قوية اوى و مش حمالة اسية .. ال 1600 افضل .. الوكيل سيى جدا .. الشكل محفوظ و منتشر اوى ( انا شايف دى ميزة ) .. الكماليات مش كتير للأسف انا مقدرش افيدك فى السعر ... بس لو حتركب 1300 يبقى بلاش اوتوماتيك .. الا لو موديل 2011 او 2012
__________________
|
|
#5
29-03-2012, 06:01 PM
|
|||
|
|||
|
رد: ايه رائيكم فى لانسر بومه 1300
اولا سعر السيارة .
1300 مانيوال من 58 الى 62 موديل 2005 انا اشتريت سنة 2010 سيارة بومة اوتوماتيك 1300 . 5 جنط اسبور لانسر اصلى + فوج لايت عداد 69000 وكانت ب 66 الف جنية ثانيا الاداء 1300 بصفة عامة ضعيفة وخصوصا فى الاتوماتيك بس لو حضرتك زى حالاتى مالكش فى الشد و الحرق على الغيار و التسارع اعتقد ان العربية مناسبة بس هتلاقى العربية ضعيفة فى المطالع و خصوصا مع التكييف فى الصيف او لو معاك اكثر من راكب بالسيارة بس على الطريق المفتوح العربية بتجرى وانا جبت بيها 165 كم / س فى طريق اسكندرية اول ماجبت العربية مميزاتها استهلاك بنزين منخفط جدا من 230 الى 250 للصفيحة داخل المدينة ( بدون تكييف ) ومع التكييف حوالى 210 كم للصفيحة على الطرق السريعة اكثر من 300 كم للصفيحة بصفة عامة 1300 cc مش وحشة بس على حسب متطلباتك من السيارة و طريقة سواقة حضرتك وتقبل مرورى
|
 |
|
|
