عرض خصومات ابوغالى (على المصنعيات وقطع الغيار)

[ssalem]

م. حاتم
استفسار هام جدا وجزاك الله خير
أنا اشتريت ماتريكس 2010 من حوالي شهر ونصف من غبور وعملتلها صيانة الالف من حوالي اسبوعين
المشكلة اني بعد الشراء وأثناء الاستخدام لقيت شرخ صغير في الفيبر بتاع بطانة القايم اليمين والزرار السوستة بتاع حامل الاكواب الخلفي واقع ومفتوح على طول و من يومين السنتر بدأ يعلق لكن الانذار شغال وبقيت اقفل الباب بالمفتاح وانا عاوز اعرف الحاجات دي هاعمل فيها ايه وهل التوكيل هيتعامل معايا على انها في الضمان ولا هيغلسوا . ارجو انك تدلني وجزاك الله خيرا وكل سنة وانت طيب

[limpbizkid]

اولا احب اشكر ادارة منتدى مصر موتورز و المهندسين بتوع ابوغالي على العرض الجميل و احب كمان اني اقول اني فخور ان فيه ناس متعاونة و بتحب تساعد الناس زيكو
و يشرفني اني اشترك في عرضكو لأني اشتريت النترا 2010 و داخل على صيانة ال1000 بس هو ينفع اعمل اول صيانة خارج التوكيل في مركز خدمة معتمد يعني ولا لازم اول صيانة تكون في التوكيل نفسه؟
ملحوظة انا اصلا اشتريت العربية من فرع ابوغالى في مدينة نصر و مسلمونيش الضمان و بيقولولي اني استلم الضمان لما اعمل صيانة ال1000 في مركز ابو غالى الى في العبور يا ترى ما مدى صحة المعلومة دي

[koke mone]

انا معايا هيونداي اكسنت مو99 اشترتها قبل عيد الفطر حبيت اطمان واعرف عربتي فيهاايه محتاج تصليح او تغيير سمعت عن العرض ابوغالي لمصر موتورز فحجزت بتصال مع المهندس حاتم ورحب جدا رحت التوكيل 9صباحا كنت هناك مهندس الاستقبال سالني رقم حجزك كام رديت انا حاجز من خلال المهندس حاتم طلعت امر شغل وكنت كاتب بعض الملاحظات الي انا شايفها في العبيه اخدها ودبسها بامر الشغل وبدات رحله الصيانه انا قاعدفي الاستقبال شايف عربيتي اي ملاحظه او اي شياء محتجاة العربيه بيسالني اغير او لا كتبلي تقرير عن الي محتاج يتعمل في العربيه وفدني جدا عربيتي خلصت الساعه 1ظهراجاع وقت لحساب اتكلمت مع مهندس الاستقبال عن الخصمات لاعضاء المنتدي رحب جدا ولكن الفاتورة طلعت بدون خصم فرجعت للمهندس تاني اتكلم عن الخصم كان ردة ان الفاتورة طلعت ونه نسى يبلغ الخزنه ثانيا قلي الخصم هيكون كلام فاضي علمااني دفعت 550جنيها انا مش فارق معايا الخصم بس انا بتكلم عن المصداقيه ابو غالي في عرض الخصم

[AbOnOrA]

عندك حق تماماً الخصم لو جنية واحد لازم يترد لحضرتك حتى من غير ما تطلبه وكل اللى مطلوب تعملة تقديم كارت العضوية وقت الدفع لتطبيق الخصم ولو فيه اى مشكلة سواء فى تطبيق الخصم او الخدمة عامة حضرتك تتصل برقم الشكاوى فى ظهر الكارت وتبلغنا فورا للتدخل

ومفيش حاجة اسمها مبلغ صغير او كبير لان العضو بيدفع مقابل كارنية العضوية علشان يستمتع بالخصومات النقدية ديه تانى فزى ما حضرتك قولت انت دفعت 550 يبقى المفروض الخصم 55 جنية لو انت روحتلهم هما او غيرهم 4 مرات فى السنة يبقى وفرت 100 جنية وطبعا لاقدر الله لو فيه اصلاحات كبيرة من حادث او حتى عمرة اوتجديد ال10% دول هيبقو مبلغ كبير

الناس خدمتهم ممتازة بشهادة الجميع ديه حاجة مهمة جداً طبعا وتكفى لاننا نعلن عنهم فى مقابلها بس العرض خدمة متميزة وخصومات ايضا

شكرا على الملاحظة يا استاذ كريم منير وتاكد ان نجاح الخدمة مرتبط تفاعل الاعضاء مع مقدمى الخدمات وارائكم واقتراحتكم

[limpbizkid]

السلام عليكم معلش ليا استفسار صغير بخصوص العرض انا يعني فاهم اني لو عايز استفيد من العرض اني اتصل بأحد مهندسي ابوغالي الموجودة ارقامهم في الممنتدى ولا لازم يكون معايا كارت العضوية ؟؟؟ برجاء التوضيح عشان انا كنت ناوي اكلم المهندس حاتم النهاردة احجز صيانة ال1000 الاولى لعربيتي
و جزاكم الله خير