#31
|
||||
|
||||
رد: العربيات ح تجنني والله ...وحالة نفسية سيئة جدا جدا
شكرا جزيلا لكل من شارك في الموضوع ونصائحكم ثبت قلبي وان شاء الله اتعلمها واعمل توبيك شكر للاعضاء
__________________
HYONDAI 4 EVER 2010
|
#32
|
||||
|
||||
رد: العربيات ح تجنني والله ...وحالة نفسية سيئة جدا جدا
أظن يا عم بعد كل المشاركات دى وكلهم أجمعوا على رأى واحد تقريبا مع اختلاف الصيغه أو طريقة العرض . بعد كل التشجيع دا مالكش أى حجه .
أشترى جميله . وروح اتعلم وورينا أبرع سواق فى مصر .
__________________
Saif El Deen |
#33
|
||||
|
||||
رد: العربيات ح تجنني والله ...وحالة نفسية سيئة جدا جدا
بص يا سالم يمكن اللى هقوله مش هيكون جديد عن المشاركات اللى قبل منى بس لازم اعرفك حاجات مهمه جدا فى السواقه السواقه .... اولا : قرار بمعنى انك لو فضلت حاطط فى بالك كده انك مرعوب من السواقه وانك لا يمكن تتعلمها فتاكد انك لا يمكن انك تتعلمها ... لازم تكون واخد قرار بانك هتتعلمها وان الموضوع مش هقدر اقول انه تافه ولكن مش بالصعوبه اللى انت بتقول عليها دى وبتوصفها ثانيا : جرائه بمعنى انك لازم تكون جرىء وانت بتسوق وخد بالك ان فيه فرق كبير بين الجراءه والتهور ولازم تعرف انك هتقابل وانت بتسوق مواقف لازم تاخد فيها قرار جرىء وسريع ودا تجنبا لاخطاء الغير .. ودا يمكن السبب ان 90 % من الرجالة اللى بتسوق بتلعن وتسب فى الستات اللى بتسوق لانهم بطبيعتهم ماعندهم الجرائه دى ثالثا : خطوات بمعنى ان الموضوع مالوش دعوه بعشر ايام ولا 3 ولا حتى سنه انت لازم قبل ما تتحرك بالعربية تاخدها خطوات .. لازم فى الاول تعرف العربية ومعرفة ولو سطحيه عن اللى جوه كبوت العربية وازاى تقرا التابلوه وفايده كل عداد ايه ولما المؤشر فى كل عداد يتحرك يبقى الدنيا تمام ولا فيه مشكله وازاى تحلها ... وبعد كده تتتعرف على الدواسات والغيارات وفرامل اليد وطبيعه عملهم .. وبعد كده واحده واحده تبتدى تتحرك بالعربية والخطوه دى بالذات جواها خطوات كتير بس تأكد ان كل خطوه هتبقى افضل من الخطوه اللى قبلها اذا استخدمت نقطه 5 صح ( التعلم من الاخطاء ) لان كلنا بنغلط والغلط مش عيب بس العيب اننا مانتعلمش من اخطائنا رابعا : ممارسة ... انا شخصيا لما بقعد كتير مابسوقش وانا بقالى 15 سنه بسوق بحس انى غريب على العربية او العربية هى اللى غريبه عليا .. يعنى فيه حاجه غلط بس طبعا بما انى بسوق من زمان فبرجع اخد على الموضوع بسرعه.. فلازم تكون ممارس بصوره مستمره لان الممارسه بتكثبك شجاعه وثقه بالنفس ومعلومات ومواقف جديده خامسا : التعلم من الاخطاء .. بمعنى ان الخطا اللى انت وقعت فيه المرادى ماينفعش انك تقع فيه تانى .. لازم تتعلم كويس من غلطك وماتكرروش تانى وزى ما قلتلك مش عيب اننا نغلط لان كلنا بنغلط ومافيش حد كامل بس اهم حاجه اننا مانكررش غلطنا سادسا : اداب .. بمعنى انك تراعى قواعد السواقه كويس من اشارات وركن العربية والالتزام بالحاره المروريه والالتزام بالسرعه المناسبة للطريق وتحديد الحاره المناسبة فى الطريق طبقا لسرعتك ودا كله تجنبا لاخطائك واخطاء الاخرين اسف انى طولت عليك بس اعتقد ان هو دا الصح وربنا يوفقك ومستنيين انك تقولنا قريب جدا انك بدأت خطوتك الاولى .. وانك مش خايف ربنا يوفقك |
#34
|
||||
|
||||
رد: العربيات ح تجنني والله ...وحالة نفسية سيئة جدا جدا
بعد كل مشاركتكم دي والله طمنتوا قلبي ومش خايف خالص وحاسس اني متفائل جدا جدا اني ح اركب العربية
__________________
HYONDAI 4 EVER 2010
|
#35
|
||||
|
||||
رد: العربيات ح تجنني والله ...وحالة نفسية سيئة جدا جدا
المهمم انا متفكرش انك هتفشل بس فاكر انك هتنجح لانك لو فكرت انك تفشل اكيد هتفشل وعلى فكره السواقه حاجه سهله وبكره وبعده هتفتكر الايام دى وهتضحك عليها
والمهم برضو الى بيعلمك مش لازم يحسسك انا مش عارف حاجه خالص لازم يشجعك شوف مدرسه تعليم ساقه وان شاء الله ربنا يكرمك
__________________
لااله الا الله عدد ما كان وعددماسيكون وعدد الحركات وعدد السكون |
|
|