|
#1
24-12-2011, 02:03 PM
|
|||
|
|||
اسرار مش اسرار
بسم الله الرحمن الرحيم
السلام عليكم ورحمة الله وبركاته انا فكرت كدا من كام يوم انى اعمل موضوع اكتب فيه حقائق و رؤى فى مجالات مختلفة باسلوب مبسط كتير من شبابنا لا يعرفها والبعض منهم ممكن يفتكرها انها سرية فى حين انها معلومات متاحة للجميع ، كمان سأحاول ان تكون مصادرى بعيدة عن الانترنت وذلك لان الانترنت متاح للجميع وكل طالب معرفة او علم يقدر يتعرف على كل المعلومات المنشورة على النت عشان كدا هحاول اجيب لكم حاجات جديدة يمكن تكون اول مرة تسمعوا عنها او تشوفوها. الموضوع الاول : انواع الجواسيس...هو موضوع غريب شوية لكن شيق واعتقد انه فى وقته .. طبعا اغلبكم قرأ تعريفات عن الجاسوسية و ممكن عن عمليات مخابراتية كتيرة سواء تخص بلدنا او بلاد اخرى وكلكم عارفين مدلول كلمة جاسوس وتقدروا تلاقوا معلومات كتيرة منشورة عن الجاسوسية على الانترنت لكن خلونى بس افرق لكم بين كلمتين 1- الجاسوس / دا شخص جاى من دولة معادية او حتى صديقة او حتى لا تربطك بها غير علاقات دبلوماسية بسيطة عشان يتجسس عليك ( ودول اللى بيهتم بيهم ادارة مكافحة التجسس بالتعاون مع جهاز المخابرات) ، 2- العميل / هو جاسوسك انت او بمعنى اخر الراجل بتاعك واللى بيمثل عنيك وودانك على العدو او الصديق او دولة ما اخرى . انا بس حبيت افرق بين الكلمين دول عشان فى ناس بتحسب ان الكلمتين ليهم نفس المدلول ودا خطأ شائع ... نرجع لموضوعنا بقي وهو انواع الجواسيس : وانواع الجواسيس لها تقسيمات كتيرة يعنى مثلا فى تصنيف بيقسمهم لنوعين اتنين ( جاسوس مستيقظ او نشط يعنى وجاسوس نائم بمعنى انه مزوع ولكن لم يبدا فى مباشرة عمله بعد ) وانهردا هنتناول انواع الجواسيس حسب مهامهم : اولا جاسوس حربي : وباين قوى من اسمه انه مختص بحالة الحرب ودا بيكون ليه مهام معينة فى حالة السلم والحرب وبيجيب معلومات عن جيش الدولة المراد التجسس عنها ( سواء معدات او اشخاص .... مثلا كام دبابة وكام طيارة وكام شخص بيشتغل على كدا وبتشتغل ازاى والرتبة دي عنده مشاكل صحية ودا مثلا عنده ابن مريض ....اخبار عن افراد الجيش ومعداته يعنى) ثانيا جاسوس تكتيكي : ودا بيكون جاسوس متخصص فى مجال بعينه ( اقتصاد مثلا او كمبيوتر او اتصالات او مهندس او دكتور ....او اى تخصص) وبيتجسس فى حدود مجال تخصصه . ثالثا جاسوس ازعاج : ودا بيكون جاسوس الغرض منه ترويج الاشاعات ( ومنها الفتنة ) و تحطيم معنويات الجيش او الشعب والتشكيك دائما فى كل المعتقدات ( السياسية والاجتماعية ....الى اخره ) واحيانا بيستخدم لتغطية جاسوس اخر مهم ....... ملحوظة : غالبا النوع دا من الجواسيس بيكون غير ذات اهمية والمخابرات بتدفع بيه ليتسبب فى مشكلة او فى عمل فتنه او احداث او عمليات تخريب ولو اتمسك بيبقي كلب وراح .....برضو لازم نعرف ان فى جواسيس ازعاج المخابرات المعادية ما تقدرش تستغنى عنهم زي مثلا لو هو صحفى او اعلامى او اديب او مغنى او رجل دين حتى..... باختصار يعنى شخصية بتأثر فى الناس تأثير قوى جدا . رابعا الجاسوس المزدوج : ودا بيكون عميل وجاسوس فى نفس الوقت يعنى مثلا انت قفشت جاسوس معادى وقدرت تقنعه انه يشتغل لحسابك انت ............من مسمي التصنيف ممكن الكل يستنتج حاجات كتير والخيال او التصور بيلعب دور كبير فى دا لكن يبقي لنا ملحوظات مهمة وهى ان الجاسوس المزدوج كشفه سريع ونادرا ما نجح جواسيس فى لعب الجاسوس المزدوج لفترة طويلة ، كمان من الصعوبة جدا استخدام اى جاسوس من غير ما يعرف كجاسوس مزدوج لان مش اى حد اصلا بيبقي جاسوس عشان كدا بيتم اغرائه او تهديده حتى لإقناعه بالتعامل معك كعميل. خامسا الجاسوس الاستراتيجي ( ودا بقي الزغلول الكبير ) والنوع دا بالذات يعتبر كنز لكل جهاز مخبرات ودا بيكون شخصية مهمة جدا مقربة للنظام الحاكم يعمل لصالح دولة اخرى يعنى مثلا وزير او رئيس وزراء وممكن تصل لرئيس يتأمر على بلده ( كل شيء ممكن فى عالم المخابرات ) وبيكون من الصعب جدا كشفه والعملية تكاد تكون اشبه بالمستحيل لان الدولة المعادية بتحافظ على سلامة هذا الجاسوس وعلاقتها به بشكل لا متناهى وعلى سرية الاتصال ما بينهم لدرجة الخيال اذا سمعت كيف يتواصل جهاز مخابرات مع جاسوسه الاستراتيجي ، كمان الشخصية دي دولته بتوفر له كل وسائل الامان والصلاحيات اللى يقدر من خلالها يفعل ما بدا له ..........ولو قعدنا نتكلم من هنا للصبح فى موضوع الجاسوس الاستراتيجي دا مش هنخلصه لكن لك ان تتخيل مثلا ان يكون رئيس وزارء او وزير فى حكومة الدولة المعادية لك يعمل لأجلك ( الاسباب بقي مختلفة وممكن نخمن منها عشرات الاسباب) لكن فقط تخيلوا لو احنا مجندين وزير من دولة العدو او عندنا وزير او شخصية مهمة جاسوس لصالح دولة اخرى ....................... فى النهاية دا مش كل الموضوع ودا اختصار له وان شاء الله مواضيعي تكون خفيفة ولذيذة الموضوع مفتوح لأى حد يضيف موضوعات غير موجودة بالانترنت ويعتقد انها غير معروفة لعامة الناس .... 
|
|
#2
24-12-2011, 02:10 PM
|
||||
|
||||
رد: اسرار مش اسرار
متااااابعه
|
|
#3
24-12-2011, 02:12 PM
|
|||
|
|||
رد: اسرار مش اسرار
اشكر متابعتك يا مرمر وبجد هحاول اجيب مواضيع مهمة لازم الناس كلها تعرفها ان شاء الله وتكون مختصرة وشيقة
|
|
#5
24-12-2011, 03:00 PM
|
|||
|
|||
رد: اسرار مش اسرار
 : hehehe::h ehehe::he hehe:
|
 |
|
|
