هل يصح السير بالسيارة منذ استلامها من المعرض وحتى استلام ورقها؟

[osamafarook]

السلام عليكم ورحمة الله وبركاته
أعضاء المنتدى الكرام
أود أن أسأل سؤال
الواحد لما بستلم العربية من المعرض ويقولوا تعالى بعد يومين خد ورقها والإفراج الجمركي بتاعها اللي طالع باسمه.... قانونا هل يصح أن يسير الواحد بالسيارة في الشارع .... وهل تتسحب الرخصة واللا ايه الأحوال؟

[مينا]

لا سبها فى المعرض لحد ما تسشتلم ورقهابعد ما تستلم ورقها سير بيها فى الطرق عادى

[osamafarook]

المشاركة الأصلية كتبت بواسطة مينا لا سبها فى المعرض لحد ما تسشتلم ورقهابعد ما تستلم ورقها سير بيها فى الطرق عادى

يعني أدفع فلوسها وأسيبلهم العربية؟؟
ايه الضامن ليا؟

[wawa_07]

خد العربيه وهى اكيد معلقا لوح تجاريه واكيد معاك العقد يبقى كده ممكن تماشى بيها عادى ولو حد سالك قولة لسه مستلمها حالا

[AbOnOrA]

بالظبط قانونا مينفعش تمشى بيها الا باللوح التجارية

بس مش كل الناس بتلتزم يعنى انا قعدت بعربيتى اسبوع من غير نمر ومعايا محضر الاستلام بس (وان كان ده غير كافى قانونا)
واللى كان بيقابلنى بضحك فى وشة واقولة عقبال ما تجيب وهههه ومشى حالك

عامة خد بالك انت لو شارى تقسيط لازم المعرض هو اللى يجري وراك علشان يسلمك العربية ويخلصلك تراخيصها لانه مش بياخود فلوسة من البنك الا لما يديى للبنك صورة الرخصة وعليها الحظر

لو كاش يبقى استلم العربية الاول وبعدين تدفع الفلوس وتمضى محضر الاستلام وخدها وامشى وربنا يستر كده اهون ما يتنصب عليك او ينشفوا ريقك اسبوع ولا حاجة على ما باقى الورق يجى ويذكر فى محضر الاستلام الحاجات الناقصة اللى مستلمتهاش