هو الجواز بقى موضة قديمة ولا انا اللى قديم

[AbOnOrA]

المشاركة الأصلية كتبت بواسطة احمد على 1999 بص يا وائل بيه حضرتك خبرتك اكتر منى عن نفسى بطبيعة اشتراكى فى كتير من الصفحات العلمية سواء عربية ام اجنبية مش عايز اقولك كمية الالحاد و الكفر العلنى ( جاهرين بيه ) خاصة العالم العربى الموضوع بقى موضة و اكثرهم شباب او صبية و فتيات فتخيل واحد او واحدة مش مؤمنة بوجود خالق اساسا و بيبقى مثلا مصرى زيك و ممكن اسمه محمد او زينب و تبهتك بافكارها الموضوع كبير لانى بتكلم على اعداد كبيرة حد حيستغرب كلامى ايه علاقته بموضوع الجواز كله مرتبط ببعضه سحق الاديان و تعاليمها و ثوابتها ( الاسلامى خاصة ) تحت نعال الكفر و ضرب كل ثابت و التشكيك فيه هم مأمورين بكدا و بالمناسبة السعيدة ديى ليه كل ما ادوس على مشاركات جديدة يطلعلى "عذرا - لم يتم العثور على ما يطابق بحثك. حاول بطريقة اخرى." انا بتاع الطريقة الدغرى ايه بقى الاخرى ؟

الله يفتح عليك يا هندسة انت لمست صميم الموضوع اساس العقيدة بايظ منظومة القيم بقت كشرى ومش بس عند الملاحدة والمتفرنجين ديه بايظة اكتر بس فى اتجاة تانى مع كتير من الشباب الملتزم اللى بقى شايف ان فكر القاعدة وداعش هو الحل للبهتان والانحطاط اللى على الجانب الاخر وهى كانها دائرة بتكمل بعض ودائماً فى التاريخ كنا نشوف انتشار الالحاد متزامن مع انتشار التطرف الدينى والاتنين بيخلقو مبررات لبعض والاتنين لازم يكونوا دافع للوسطية والاعتدال ان صوتهم يعلى ونقول احنا موجودين ورافضين الشذوذ الفكرى ده من الطرفين
احنا ممكن نكون بخير بس اولادنا بجد فى خطر

بالنسبة لمشكلة البحث هنشتغل فيها ان شاء الله بس بعد الفجر كدة لما الترافيك تقل علشان اعادة بناء دليل البحث بتاخد وقت شوية وان شاء الله بكرة الصبح تكون المشكلة اتحلت على خير

[AbOnOrA]

المشاركة الأصلية كتبت بواسطة نبيل عبدالرحمن الزواج شركة رأس مالها الحب والمودة ، وغرسها الاخلاص ، وعطاؤها الايثار والفداء والتضحية ، وتربتها الرضا والقناعة ، وشمسها الوضوح والصراحة ، وسماؤها السكينة والطمأنينة ، وبابها القبول وحسن الاختيار ، وطعامها السلوى ، وشرابها الماء السلسبيل ، وكسبها سعادة الدارين ، وحقيقة ثمرتها رضا الله تعالى ، وجائزتها وربحها جنات عرضها السموات والارض ، طبعاً هذا الكلام عندنا نحن الشرقيون والمتمسكون بتعاليم دينهم وعاداتهم وتقاليدهم أما فى أوروبا وأمريكا فكما قلت حضرتك إنها مسأله قانونية ورسميه ولا يلجأ إليها إلا قليل من الناس .

لا فض فوك يا باشمهندس

المشاركة الأصلية كتبت بواسطة AbOnOrA اليومين دول بقيت اسمع كتير اوى كلام غريب اوى اوى عن الجواز فقولت اخد رايكم فيه مثلا ديه مشاركة لصديقة كتبت فيها الاتى : لحد كدة ممكن يكون الموضوع طبيعى شوية .. لكن اللى مش طبيعى خالص الردود اللى جت عليه فناس تقولك الجواز ده موضة قديمة وشوف بره بيعملو ايه ! واللى يقولك اصل مجتمعنا فاشل وجاهل ومش المفروض يبص على الواحد ولا الواحدة اتجوزو ولا لاء! واللى يقولك اصل ديه عادات جت من الفكر الوهابى واللى يقولك ديه افكار فلاحين وغيرها كتير من الردود اللى جابتلى اشمئزاز وقلبت بطنى وخليتنى اسيب كل حاجة فى ايدى علشان اكتب ردود عليها والاغرب ان بعد سيل الردود والمناقشات ديه اول ما كتبت ردودى الناس سكتت فمش عارف انا بقيت غريب ولا فيه ايه بالظبط بصراحة ديه كانت ردودى كلام عجيب كله من اوله لاخرة بصراحة .. اولاً فيه فرق كبير بين نظرة المجتمع كله حاجة ونظرة صاحبه بتكرهك حاجة تانية القياس لا يصح بالطريقة ديه حتى لو كانت متجوزة وناجحة وسعيدة وكل حاجة برضو هتلاقى واحد واتنين يتخانقو معاها ويوقلولها كلام يزعلها ومش منطقى ابداً ان علشان كلمة اخد قرار مصيرى زى ده .. ثانياً نظرة المجتمع للراجل الى مش بتجوز متختلفش كتير عن نظرته للبنت الاتنين بالنسبة للمجتمع حالة "شاذة" عن المعتاد اللى هو ان الناس تتجوز واللى يقرر يعيش فى مجتمع بدائى زى بتاعنا ده "خارج نطاق المعتاد والمألوف" لازم ياخد قرار من ياما ميبقاش حساس اوى كدة وميبصش لاراء الناس يا ينعزل ويعيش فى الصحراء يا يسيب ام البلد كلها ويطلع بره وبعدين فكر وهابى ايه اللى ليه دخل فى المشكلة انا نفسى افهم !! ديه عادتنا وتقاليدنا من ايام الفراعنة لدلوقتى روح شوف الصعيد كله مسيحين قبل مسلمين اهتمامهم بجواز بناتهم بيبقى ازاى .. بلاش دول اسالو اى ام او اب عن انتظارة لفرحة جواز بنته واسالوه عن علاقته بالفكر الوهابى ولا الهبابى !! وبعدين واحد يقولك اصل بره مبتجوزوش مين قالك يا بيه الكلام ده وانهى بره وانى مجتمع فى بره تحديداً العائلات الكبيرة فى اوروبا او امريكا الشمالية الجواز عندهم بنفس اهميته هنا اما الناس الصيع ديه قصة تانية فى اى حته طبعاً .. امريكا اللاتنينة بقى متختلفش عن الصعيد الجوانى حاجة زيهم جنوب ايطاليا مثلا او شرق اوروبا لو بنتكلم عن الصيع حتى اللى بره فهما اه مبيتجوزوش رسمياً بس " المعتاد والمألوف مجتمعياً " ان كل واحد او واحدة بيبقى له رفيق او رفيقة وبيعيشو مع بعض من غير قانونية الزواج ولو انا عايش بره وسنى عدى التلاتنين ولسه عايش مع امى صحابى هيهرونى تريقة برضو ولو عايش لوحدى هيشكو فيا انى هومو .. طب عمر حد شاف حد ليه مكانة اجتماعية بره وزير ولا سفير ولا برلمانى مش متجوز ! الخلاصة الجواز بره مسائلة قانونية بحته والوضع اللى بعض السفهاء هنا شايفه جنه ده وبال وكارثة اجتماعية على مجتمعاتهم هناك وبيحاولو يصلحو مش مبسوطين بيه وعلشان كدة بنلاقى دلوقتى قوانين فى اوروبا (الغربية) وامريكا تتحايل على مشاكل الجواز القانونى التقليدى هناك بحيث تضمن اطار قانونى للعلاقة الزوجية بدون مساوئ التبعات القانونية التانية وهو ما يعرف بقوانين الشراكة المدنية او الاهلية civil partnership / civil union ده مثلا مثال من انجلترا Citizens Advice - Living together and civil partnership - legal differences ...... انتهى الرد كلامى ده فيه حاجة غلط !! انا عن نفسى اتجوزت واللى كان كان خلاص بس بالنسبة لاخواتى الصغيرين اللى بجوزهم ولا اولادى اذا ربنا ادانى العمر اجوزهم هيبقى الجواز بتاعنا ده عادى كدة يعنى ولا ممكن يلغوه راخر باعتبار انه تخلف مجتمعى وفكر وهابى ويمكن يطلع عمل ارهابى كمان

الالحاد الدينى المنتشر فى العالم كله حاليا للاسف سيكون له اثر كبير فى السنوات القادمة لضحد القيم والمبادىء السليمة والفكرية والمفاهيم المنطقية بين صبية وبنات المستقبل سواء فى المجتمعات الشرقية او الغربية

[Hisham.Elgazzar]

المشاركة الأصلية كتبت بواسطة cars admire الالحاد الدينى المنتشر فى العالم كله حاليا للاسف سيكون له اثر كبير فى السنوات القادمة لضحد القيم والمبادىء السليمة والفكرية والمفاهيم المنطقية بين صبية وبنات المستقبل سواء فى المجتمعات الشرقية او الغربية

إلحاد إيه احنا فمصر منعرفش الكلام ده
الإلحاد ده بتاع قلة قليلة عارفين نفسهم
انما موضوع الجواز ده مشكلته عدم تحمل المسئوليه من الشباب وارتفاع التكاليف بتاعت الشقق
انما هى ارزاق فى ناس بيكون نيتهم خير وربنا بيرزقهم وتلاقى كل حاجة بتتعمل وتخلص ويتلموا فبيت على قدهم وبعد كدا ربنا يكرمهم

متدخلوش بالموضوع شمال اوى كدا والشرقى عارف نفسه والغربى كدا كدا هو شايف نفسه صح


بس عشان تبقى عارف ونتا بتقول الحاد وبتاع

الإسلام انتشر فبلاد كتيرة اوى وإن شاء الله نصر الله قريب ولو كره الكافرون

طبعا أقصد الإسلام اللى احنا اتربينا على واتخلقنا على فطرته


شكرا يا أبو نورا على طرح الموضوع للنقاش
ومتقلقش من حاجة ربنا يستر على اولادنا وبناتنا ونقدر نكمل الرسالة اللى بدأها أجدادنا

[Hisham.Elgazzar]

عارفين كمان قلة الأدب زادت ليه
راجل البيت من الفجر طالع يشوف أكل عيشة ورزق عياله
الست كمان بقت تشتغل وتصرف ع البيت وبقى ليها كلمه
بقى الراجل مبيقدرش يعمل كنترول ع البيت زى زمان
بقى فيه انفتاح ونت وفيسبوك وبقى من السهل الوصول لعقول العيال
كارثة وطبعا حلها يرجعنا 50 سنة ورا
بس انا مستعد ارجع لكن غيرى مش هيقدر والسبب :

الأسعار غالية
المدارس غالية
والعيل ف المدرسة بيشوف كل حاجة يدوب بيرجع البيت ع النوم وشوية مزاكرة
لكن اللى فى دماغه انت متقدرش تدخل جواها وتعرفه

لازم نخصص وقت للأولاد
ولازم نعلمهم هوايات

مهما كلفت الهوايات دى لكن هتبعدهم بإذن الله عن مشاكل كتير

كانوا زمان بيحفظوا الاطفال القرآن من سن 4 سنين ياريت نهتم بالموضوع ده

وياريت لو فى افكار تانية حد يشارك بيها
أفكار ايجابيه ................:010104~1 71: